كل رحيل 💜
الحلقة 15
كانت حور تكلم في مروان فجأه لقت قدامها هيام وشاده ورقه
حور برقت فيها من دون ماتدوي ردت للتيلفون وقالت هيام : تعدي بالضرب سب وشتم وعاهه مستديمه شن تبي اخر
حور صبت : في خيالك
هيام : في الواقع أهي الورقه بيش نفهمك حتى احني عندنا واسطات
حور : بتحبسيني
هيام : بالضبط كيف جبتيها مفلحك
حور : انتي شكلك معاش تتحشمي
هيام : الشرطه لوطه انزلي خير ما يركبوا يشرشحوك هنا
حور انصدمت وبرقت من الشباك لقت الشرطه لوطه قريب طاحت والدنيا دارت بيها💔
هيام : باااي اني عارفه ان بي كفاله يطلعوك بس اهو نشرشحك شوي ( هيام مشت وحور مزالت مصدومه ونزلت عشان ميجوش ياخدوها قدام الناس وكلمت هلال )
حور : هلاال الحقني بسرعه لي مركز الشرطه
هلال مصدوم : شرطة شنو شن تقولي انتي
حور خدوها وخدو التليفون وركبوها للسياره وهيا مزالت مصدومه ودموعها ينزلن بي صمت💔
--------------------------------------------------------------D033-10
اما هلال فكان يلبس بسرعه
عفاف :فهمووووني كيف ياخدوها الشرطه
هلال : مش فاهم شيء اني نعدي ونقولك
هلال طلع يجي للسياره لقاته زينه : خيرك
هلال : خشي امك تفهمك ( وركب وعدا بسرعه )
--------------------------------------------------------------D033-10
حور كانو حاطينها في حبس بروحها وهيا تبكي وشاده بطنها وكانت خلاص قلبها بيوقف من الخوف💔 شويه وجت الشرطيه خدتها وخشت القت هلال ضامنها
حور تبرق في هلال وتعيط وهوا ساكت
العميد : لازم تقعد ليله
هلال : اختي مستحيل تبات هنا المرا حامل
العميد : لازم تبات واحني هنراعوها
هلال برق في حور وهيا تبكي💔 : دير أي حل اختي اول مره تخش حبس وعمرها مادارت حاجه أصلا اني نصدمت بعد خبرتني وحده متعلمه زيها ومتربيه مستحيل ادير الشيء هذا
العميد : التقرير يقول انها ضاربه اخت زوجها ضرب مبرح وانها سببتلها في عاهه هاذي تنازلت عليها الباقي ضمنتها وباقي ليله لازم ترقدها
هلال : كذب اختي مضربتهاش بقوه كله كف
العميد : اني نمشي عاللي يقوله التقرير
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
