عودة بيـــان
#في مقر الشركة.....
_أوووستاذة ست البنات اها لقيتي الشغل كيف؟ .
_ههههههه بخير مافي عوجة بديت افهم طبيعة الشغل وكلو بسبب استاذ ماجد مشكورة علي اهتمامك يا باش مهندس طارق؟؟ .
_تشكريني علي شنو ياخ انا المفروض أشكرك حاسي انك حتكوني إضافة حقيقية لشركتنا دي والله فما تخيبي ظني .
_احم أكييد اكيييد حفضل عند حسن ظنك إن شاء الله .
سكتو مسافة كدا بعدها ست البنات قالت بإستغراب:دقيقة دا شنو الصوت دا أنت سامع الأنا سامعاهو دا ؟؟
_ههه اكيد طبعا دي ربا شغالة معانا هنا وبتضحك عادي مافي حاجة يا ست البنات .
_أنت متاكد انو هي بتضحك؟؟ هههههه ذكرتني بجانيس الفي مسلسل فريندز بس ربا دي اقل إزعاج منها .
_فريندز!! ياخ دا مسلسلي المفضل للأبد حضرتو 8 مرات وكلو مرة بعيدو وما بمل منو اصلا .
_واااو بالجد انا زاتي مسلسلي المفضل ياااخ بعشقو عشششق وأكتر شخصية بحبها هي "جوي تيربياني" .
_أنا بحب فيبي وتشاندلر وبكره مونيكا موووووت .
_لا ياخ مونيكا دي عسل بس معاطة ومهوسة نظافة شكلك كدا بتحب الجوطة والعشوائية .
_مع انك احرجتيني بس ايوا كلامك صح بحب أعيش اللحظة وما بركز مع التفاصيل شديد لكن النصيحة مونيكا دي عندها بحة صوت يا لطيييف .
_هههههه عارف انا كنت دايما بسمي المسلسل دا فريندز+1 لأنو اي واحد حضر المسلسل حيعتبر نفسو واحد منهم حيكون الصديق السابع ليهم ويعيش معاهم بكل حواسو يضحك لمن يضحكو ويزعل لمن يزعلو ويبكي في الحلقة الأخيرة لمن تجي اللحظات الاخيرة وهم بطلعو نسخ مفاتيحهم ويختوها وانت زاتو بتحس انو بتسلم المفاتيح معاهم وبتطلع كمان تشرب معاهم فنجان القهوة الأخير في السنترال بارك اكيد مكانهم المفضل ياااه حرفيا المسلسل دا مميز شديد وبالرغم من أنو ليهو أكتر من 15 سنة من ما انتهى بس لسع عليهو ضجة والناس لسع بتنصح بيهو وبحضروهو كم مرة وتاني يعيدوهو زي كانهم بحضروهو اول مرة .
_يا سلااااام ياخ عجبني فهمك جدا يا ست البنات والله كلامك كلو صح أقول ليك سر أنا عندي المسلسل في مكتبي وكلو ما ازهج من الشغل بفتحو وبقعد أضحك لمن ادمع لو عايزاهو ممكن أحولو ليك العشرة اجزاء كلها .
_يا ريت والله بس للأسف أنا ما عندي لابتوب في البيت وتلفوني زاكرتو صغيرة يادوبك شايل فيسبوك لايت وواتساب وكمبيوتر الشغل ما حينفع لانو استاذ ماجد لو قبضني حيرفدني طوالي .
_ههههه كلامك صح ماجد واقف علي الهبشة بس انتي ما تديهو فرقة للغلط حاولي انجزي الشغل بأتقان اممم بما انو زمن البريك جاء ارح عازمك فطور ولا اقول ليك نطلب دليفري بيجو بسرعة هاا قلتي شنو؟ .
_ااااممممم طيب خلاص مافي مشكلة .
_بتحبي البيتزا صح؟؟ وحطلب معاها بطاطس محمر وكولا .
_جيب لي زيك وأبقى أحاسبك لمن اصرف .
_اها بدينا العوارة؟ يا بت ما داير منك ولا جنيه اعتبريها ضيافة اول يوم وكدا بس تاني ما تتعودي هههه .
_هههههه طيب تمام .
أثناء ما قاعدين كدا ماجد جاء داخل وقال: طارق تعال عايزك دقيقة وانتي ليييه ما طلعتي زمن البريك ليهو ربع ساعة؟
_كنت طالعة بس استاذ طارق جاء وقال حيطلب دليفري وكدا عرفت؟
_اممم تمام اطلب لي معاك كمان يا طارق .
_زي كل يوم ؟؟
_ايوووا طبعا.
_حااااضر يا باشا من عيوني .
