الفصل 17 #
عند سيلا
استيقظت سيلا بعد قليل وهي تشعر بألم شديد في رأسها لتجد نفسها مربطه جيدا وهناك شريط لاصق على فمها لتقول في نفسها بوهن / اااه راسي انا فين
لتتذكر ماحدث لها قبل قليل لتقول / اه يانى ياما يعني انا اتخطفت يا حلاوه هه
لتحاول الكلام / امممممممم اممممممم لتحاول ان تصدر اي حركه حتى يأتي أحد ولكن لا فائدة
سيلا / طب أعمل إيه دلوقتى...أنا هستنا للصبح وخلاص
ـــــــــــــــــــــــــــــــــــــــــــــــــــ
عند كرستينا وإياد
يركب إياد السياره ويقول بحزن / أنا آسف ياكريستى
لتتجاهله وتنظر من شباك السياره ، ليتنهد بحزن وينطلق فآسر لن يأتى لأ أحد الحراس أخبره ان والدته مريضه لذلك اعتذر
ليصلا بعد قليل لتنزل كرستينا بسرعه وتصعد إلى الأعلى تاركه إياد..ليصعد خلفها
لتخرج كرستينا مفتاحها وتدخل ويدخل خلفها إياد
إياد بهدوء / ادخلي غيري هدومك عما أشوفهم فين وتعالى عشان ناكل
لتدخل كرستينا لتبدل ثيابها
محمد بعدما خرج من غرفته على صوت الباب / احنا هنا أهو
إياد / تمام نادي صحابك عشان ياكلو
محمد / ماشي ثم دخل وأخبر أصدقائه وخرج في نفس وقت خروج كرستينا لتنظر له كرستينا بضيق ثم تتجه إلى المطبخ لتجهز الطعام
محمد بحرج / هو احنا مضايقينكم او حاجه
إياد بتوتر / ها لا ابدا
محمد / انت مشوفتش كرستينا بتبصلي ازاي
إياد / لأ مفيش حاجه هي بس متضايقه منى شويه وايجت فيك
كرستينا في نفسها وهي تعد العشا / انا هتعامل معاه عادي عشان خاطر سيلا بس
لتخرج بعد قليل وتضع الطعام وتقول / يالاه ياشباب الأكل جهز
ليتناولو الطعام ويجلسو أمام التلفاز قليلا
إياد لكرستينا / عملتى ايه فى شغلك النهارده
كرستينا ببرود / ملكش فيه
إياد / كلمينى عدل
كرستينا ببرود / أنا قايمه انام تصبحو على خير ثم غادرت
الجميع / وانتى من اهله
إياد وهو يذهب خلفها / عن اذنكم ياشباب
ليدخل غرفتها
زياد / هو فى ايه..ولا إزاي يدخل اوضتها كده
محمد / متشاكلين ورايح يصالحها
مؤنس / هو يقربلها ايه
محمد / معرفش..وقومو يالاه عشان ننام الساعه بقت1
في غرفة كرستينا
إياد / انا آسف والله مقصدتش أزعق فيكي حقك عليا
كرستينا بدموع / انت عارف ان أنا مش بحب حد يزعق فيا بتزعقلي ليه
إياد بحزن / والله آسف انا مقصدتش أزعلك كنت متضايق وانتى كلامك عصبنى وخوفت لتسيبى البيت وتمشي أنا آسف ثم أكمل بدموع كنت خايف أخسرك تانى انا مصدقت لقيتك ثم اقترب منها واحتضنها وقال بدموع أنا بحبك اووي يا منار( كرستينا) ومقدرش اعيش من غيرك
كرستينا بصدمه / انت تقصد ايه بكلامك ده وتعرف منار منين
إياد بحب / أنتى منار النويري أختي بنت أمي وأبويا
كرستينا بصدمه / اختك إزاي انت اسمك إياد الدمنهوري وانا النويري وبعدين انا أخويا اسمه مالك مش إياد
إياد / بصي ياستي انا هفهمك كل حاجه
أنا مازن النويري توأم مالك النويري..لتقاطعه
كرستينا / انا مفيش ليا غير أخ واحد بس انت هتهرج
مازن (إياد) / متقاطعنيش تانى عشان أقول كلامي مره واحده وتفهمى
كرستينا بنفاذ صبر/ اتخرصت خالص اهو كمل كلامك
مازن / انتى طبعا عارفه ان بابا ليه اعداء كتير وهما كانو عايزين ينتقمو منه بأي طريقه...عشان كده لما ماما كانت بتولدنى انا ومالك...واحد من اعداء بابا دفع للدكتور اللي بيولد ماما فلوس كتير مقابل انه يخطف واحد من الطفلين ويقول ليكم ان فيه طفل مات...وفعلا الدكتور نفذ الكلام بالحرف الواحد..وطبعا لما الدكتور قال ان فيه طفل مات ماما انهارت جدا...بس في الآخر رضيت باللى ربنا كاتبه..وعدو بابا خطفني وكان علطول بيضربني ويعذبني....
كرستينا باهتمام / ها وبعدين ايه اللي حصل..او حتى بابا معرفش ان ليه ابن
مازن / لأ عرف....بابا مع الوقت إكتشف ان ابنه التانى ممتش وان هو واحد من أعدائه خطفه...وبابا دور ورا الراجل اللى خاطفنى واكتشف ان هوشغال مع المافيا وبيتاجر في كل حاجه ممنوعه..بابا قرر يبلغ عن الراجل ده بس الراجل ده لما عرف راح مموت بابا وماما وانتى عارفه اللي حصل
كرستينا بدموع / مين الراجل ده
مازن / عمو منير
كرستينا بصدمه / ايــــــه انت بتهزر
مازن / لأ بتكلم جد والله
كرستينا بصدمه / طط طب ليه يعمل كده ويحرمنا منهم ليييه
مازن بحزن / عشان كان بيكره بابا وبيحب ماما ولما اتقدم لماما رفضته واتجوزت بابا
لتبكى كرستينا بشده / طب وانت عرفت تهرب منه إزاي وامتى
مازن / أما كنت مصمم انى اتعلم وهو قرر يستفيد منى ويعلمنى عشان أساعده في المافيا فبعتنى مدرسه داخليه وانا عرفت أهرب منها وهو دور عليا كتيير بس معرفش يلاقيني
كرستينا باستغراب / ليه دا المفروض واحد زيه يلاقيك في ثواني
مازن/ أنا لما هربت من المدرسه قابلت راجل كان في مكان مفيهوش ناس وكان الراجل تعبان طلب منى اوديه المستشفى أنا اترددت في الأول بس بعدين وديته وساعدته ولما جيت امشي هو سألنى كنت بعمل ايه فى الشارع الفاضي ده في وقت متأخر عشان ساعتها كانت الساعه 2 الصبح فانا حكيت ليه كل حاجه يمكن يساعدنى وبالفعل هو ساعدني واعتبرني ابنه وغير اسمي وخلاه «إياد الدمنهوري» وهو كان راجل كبير وليه مكانه ومسح أي حاجة ليها علاقه بمازن النويري عشان كده معرفش يوصلي وبس يا ستى
لتنظر له كرستينا بدموع وفي ثواني كانت تلقي نفسها داخل أحضانه وانفجرت في بكاء شديد يفطر القلب لدرجة لمعان الدموع في عيون محمد وأصدقائه الذين سمعو حديثهم
منار ببكاء شديد ( أنا بعد كده هقول منار ومازن مش إياد وكرستينا ) / أ اا أنا مش مصدقه اني أخيرا لقيت حد من عيلتي
مازن بدموع / وحشتيني اووي طول الفتره اللى فاتت دي كان نفسي أخدك في حضني بس مكنتش قادر
ليظلا في أحضان بعضهما يبكيان ليقول مازن بعد قليل بمرح / يعني ينفع كده هدومي اللىلسه لابسها تبقى كلها دموع
لتضحك منار ضمن دموعها وتقول بمرح / تصدق انك بخيل ومستخسر فيا طقم يابخييييل
مازن بحب / فداكى أي حاجة ياقلبي
منار بحب وهي تحتضنه / ربنا يخليك ليا وميحرمنيش منك ابدا
مازن بحب / ويخليكي ليا يارب...أكيد سامحتيني صح
منار / اه
مازن / صافي يالبن
منار / حليب يا قشطه
ليعانقا بعضهما
مازن/ تعالى ننام بقا
منار / ياله
ليناما معا في أحضان بعضهما وهما سعيدان
ولكن هل ستظل هذه السعادة إلى الأبد أم لا ....؟؟!
ـــــــــــــــــــــــــــــــــــــــــــــــــــــــــــــــ
_يتبـــع_
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Actionلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...
