انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل 16

#الفصل 16 #

في منزل سيلا

إياد بهدوء / الشقه 3 اوض + اوضة الضيوف ومطبخ وحمام وصاله انتو ليكو 2 من دول ثم أشار لهم على الغرفتين وقال / دي اوضكم
محمد / ماشي
اياد / العفو...محتاجين مني حاجه
محمد / لأ شكرا...بس سيلا راحت فين وهترجع امتى
إياد / راحت عند أهلها
محمد بصدمه / ايــه انت بتتكلم جد..يعني هي سامحتهم
إياد / لأ هي راحه تثبتلهم ان هي مش فاشله زي ما قالو عليها
لينظر له محمد بحزن وندم ثم يقول / احنا ظلمناها كتير اوي
إياد بسخريه / كويس انك عارف...انت عايز منى حاجه قبل مامشي
محمد/ لا تسلم
ليغادر إياد ويبقى محمد وأصدقائه
محمد / انتو عارفين لو حد فيكم فكر بس هاا فكر يبص لسيلا او لصاحبتها هعمل ايه
زياد «صديقه‌»/ متخافش ياصحبي دي زي أختنا مش كده ولا ايه يا شباب
الجميع / ايوه طبعا دى اختنا
محمد / انا نبهتكم أهو
مؤنس / ماشي سيبك بقا من الموضوع ده انا جعان عشان مأكلتش حاجه من الصبح
الجميع / واحنا كمان
محمد / ياخربيتكو احنا لسه داخلين يعني اول حاجه هنعملها كده هناكل
- الأكل جوه في المطبخ لو عايزين تاكلو..اعتبرو البيت بيتكم
مؤنس/ فين المطبخ
ليشير له إياد على المكان
محمد بحرج / انت رجعت ليه
إياد ببسمه / نسيت مفتاح العربيه هاخده وهمشي
ليذهب لإحضاره ثم غادر
ليذهب الباقي إلي المطبخ ثم تناولو الطعام

ــــــــــــــــــــــــــــــــــــــــــــــــــــ

عند سيلا

كانت تقود سيارتها بسرعه بسبب خلو الطريق لأ الجو بدأ يظلم لتلاحظ ثلاث سيارات خلفها، لتنظر لهم ببسمه خبيثه فتخرج مسدسها وتطلق النار علي سياره ما وفي ثواني كانت تشتعل النار في السياره ويبدأ تبادل إطلاق النار بين الطرفين ولكن سيلا لم تلاحظ تلك السياره التى خرجت من العدم ووقفت امامها

لتوقف سيلا السياره بسرعه وتخرج منها لتتوقف السيارتين خلفها لتصبح محاصره بينهم
مالك / هاتوها
ليتقدم بعض الرجال منها ... لتقوم بإطلاق النار وضربهم ولكن فجأه تشعر بدوار شديد بسبب ضربه شديده تلقتها على رأسها
وفي ثواني كانت تسقط على الأرض ليحملها مالك ويضعها في سيارته ويركب مكانه ثم يغادر

🔥🔥🔥🔥🔥🔥🔥
قبل قليل في شركة الآسر للديكور

آسر / ممكن أفهم ايه اللي حصل بره ده
كرستينا / معرفش والله ياخويا أنا بقولها عايزه اقابلك تعرف ردت عليا وقالتلى ايه
آسر بفضول / ايه
كرستينا بضحك / قالتلى عايزه ايه من أسورتي
آسر بصدمه / أسورتي !!
كرستينا / اه هههههههههههه
ليردف آسر في نفسه بحسره / أنا بيتقالى أسورتي أنا ياهيبتك اللي ضاعت قدام المزه دي يا آسر...أنا لازم ابقى جد شويه معاها
آسر بجديه / بس ضحك خلينا في الشغل
كرستينا بحرج / اه تمام
آسر / بصي انتى هتبقي متدربه هنا في الشركه وهيدربك أستاذ حازم ومكتبك هيبقي في نفس مكتب المتدربين الجداد وهو قريب من مكتبي تمام
كرستينا بجدية / أيوه تمام كده وشكرا جدا ليك
آسر / على ايه ياستي دانتى أخت سيلا مش أي حد
كرستينا بضحك / والله سيلا دي عامله معايا الواجب وزيادة أي حاجة انا عيزاها بصدر سيلا طوالى ههههههه
آسر / ههههههه‍هه ربنا يخليهالك يارب
كرستينا بحب لسيلا / يارب...سيلا دي بعتبرها أمي التانيه بالرغم ان فرق السن مش كبير
آسر / ربنا يخليها لينا يارب
كرستينا / يارب...انا مكتبى فين
ليقوم آسر بإخبارها ويقول/ بصي روحي إسبقي وانا 10 دقايق وهاجي وراكي اعرفك عليهم
كرستينا / ماشي عن إذنك ثم تغادر.....
بعد دقيقه تطرق كرستينا على الباب ثم تدخل ليقول أحد الشباب المتدربين / اوبا مين المزه الجامده دي
شاب آخر / دي صاروخ ياض
حازم بخبث هو ينظر لها / انت مين يا جميل
كرستينا بتوتر من نظراته / ا ا انا المتدربه الجديده
متدربه تدعي سلمى / اهلا بيكي ياقمر أنا سلمى
كرستينا / أهلا بيكي أنا كرستينا
معاذ / وانا معاذ
ياسر / وانا ياسر
مصطفى / وانا مصطفي
منه / وانا منه
ساره / وانا ساره
كرستينا / وانا كرستينا اتشرفت بمعرفتكم
آسر من خلف كرستينا/ اتعرفتي عليهم
كرستينا بخضه / بسم الله الرحمن الرحيم حرام عليك خضتني
آسر بهمس / سلامتك من الخضه ياجميل
لتنظر له كرستينا بغضب ليبتسم بخفه ثم يقول
آسر بجديه / دي المتدربه الجديده وهتبقى انت المسؤول عن تدريبها ياحازم
حازم بخبث / وماله مفيش مشكله
كرستينا لآسر بهمس وعدم ارتياح / بقولك
آسر بهمس / اسكتي يابت نبقي نتكلم بعدين
كرستينا / بس
آسر / خلااص
لتصمت على مضض ويقول آسر / كده كله تمام همشي انا وكل واحد يشوف شغله
كرستينا مره أخرى / بس..
لكن تجاهلها آسر وغادر لتقول بغيظ / ماشي ماااشي عيل بارد وتلتفت ناحيه مكتبها تجدهم ينظرون لها
كرستينا بتوتر / احم خير في حاجه
سلمى / لأ أبداً مفيش
ساره/ هو انتى تعرفي آسر بيه
كرستينا بتوتر / ا ا لأ أبداً
ثم جلست على مكتبها
لينظر لها حازم بخبث لكن تجاهلته وجلست تعمل...وبعد عدة ساعات يرن هاتفها لترد عليه لينتبه لها حازم
كرستينا بمرح / أحلى مسا عليك يا ديدو
إياد بمرح / أحلى مسا عليكي يا مزه...اممم هدخل في الموضوع على طول
كرستينا / أييوه بالظبط كده خير في حاجه
إياد / اه فيه ا ا
كرستينا / ما تنطق يابني انت هتشلني
إياد / محمد هو وصحابه هيجو يقعدوا معانا في البيت
كرستينا بغباء / محمد مين معلش
إياد بتوتر لانه يعلم انها تكره محمد وأصدقائه / محمد أخو سيلا
كرستينا بغضب وصوت عالي جعل الجميع ينتبه لها /نعععععم يا عووومر انت بتهزر يا إياد محمد مين اللي يجي يقعد معانا هو وصحابه
إياد / صوتك عالى يا كرستينا
كرستينا بغضب / انت بتهزر يا إياد
إياد / لأ مش بهزر
كرستينا / وانا مش قاعده في البيت طالما هو فيه
إياد / كرستينا إهدي ياماما ها إهدي عشان منزعلش
كرستينا / إياد انت عارف ان انا بكرهه ومش بطيقه عايزني إزاي أعيش معاه والله اعلم لحد امتى
إياد / معلشي استحملى تعالى على نفسك شوية
كرستينا بعند / وانا قولت اللي عندي طول ماهو في البيت انا مش هقعد فيه
إياد بغضب / كرستينااااا كلام كتير مش عايز أنا قولت أعرفك عشان ميحصلش بينكم مشاكل لما تروحي
كرستينا بدموع / ماشي يا إياد سلام
إياد / متمشيش أنا جايلك أهو ثم أغلق الخط
كرستينا بدموع / ماشي يا إياد الكلب ان ما خليتك تقول حقي برقبتي مبقاش أنا
منه / مالك يا كريستي بتعيطي ليه
كرستينا وهي تمسح دموعها / مفيش حاجه
ياسر / مين اللي كنتى بتكلميه ده
كرستينا / محدش ليه دعوه
ليدخل آسر ويقول / هي سيلا فين يا كرستينا
كرستينا باستغراب / ليه
آسر / عشان برن عليها مش بترد
كرستينا / راحت لأهلها
آسر / وجايه امتى
كرستينا / قالت هتيجي النهارده متأخر
ليومئ برأسه
كرستينا / هو انا المفروض اجي الساعه كام وامشي امتى
آسر / هتيجي بعد الجامعه وتقدري تمشي من الساعه 7
كرستينا / تمام
ليدخل إياد وهوويلفت الأنظار لوسامته ويقول / ياله يا كرستينا
لتنظر له كرستينا بإقتضاب وتأخذ أشيائها وتخرج
إياد وهو يمسكها من يدها / استني
لتنفض يدها من يده وتقول / ابعد عني..ومتخافش مش هطفش انا هستناك تحت في العرببه
ثم تخرج
إياد / شكلى ليلتي طويله النهارده
آسر باستغراب / مالها دي
إياد / متضايقه عشان محمد وصحابو عيعيشو معاها
آسر بضيق / حقها الصراحه دول لا يطاقو خااالص
كرستينا لإياد / عشان تعرف بس...اه هات مفتاح العربيه لتأخذه وتغادر
إياد لآسر / تعالى يابنى معايا نسهر في البيت شويه
ثم يغادروا

💎💎💎💎💎💎💎💎💎💎

عند أزاد

يدلف مالك وهو يحمل سيلا ويقول / البت أهي يا أزاد أعمل إيه
أزاد ببرود / وديها المخزن وأنا هجيلها دلوقتى
ليذهب مالك إلي المخزن ويضع سيلا ثم يخرج
مالك / ناوي تعمل معاها ايه
أزاد بخبث / كل خير ان شاءلله
ثم يتركه ويدخل إليها
ويقوم بحملها ويضعها على كرسي ويربط يديها وقدمها في الكرسي جيدا ويضع شريط لاصق على فمها ويقول / والله وعرفت أجيبك ياكوبرا
ثم يخرج ويصعد إلى غرفته ويطلب إحدي عاهراته وتأتي له بعد قليل

✴️✴️✴️✴️✴️✴️✴️✴️✴️✴️

يتبــــــــــع