#الفصل 13 #
في صباح يوم جديد تذهب سيلا إلي مبنى العمليات الخاصه وتدلف بهيئتها الخاطفه للأنظار و ينظر إليها الجميع بدهشه واستغراب و يتسائلون متي فاقت من الغيبوبه... تدلف سيلا إلي مكتبها هي و فريقها
=سيلا انتي فوقتي إمتي
-سيلا انتي كويسه
سيلا:فوقت من أسبوع...و أنا كويسه الحمدلله
_ انتي إيه اللي خرجك من المستشفى.. زمانك لسه تعبانه
سيلا:أنا كويسه جدا
سمر «أحد أعضاء الفريق تخصص تكنولوجيا» بحقد:ما هي زي القرده أهي ولا أكنها كانت هتموت..معرفش انتو خايفين عليها ليه دي زي القط بسبع أرواح ثم تضحك باستفزاز
سيلا ببرود:طب خليكي في حالك و خافي من القطه لتعورك...ليكتم الجميع ضحكاتهم بسبب منظر سمر
ليدخل العسكري ويقول:سيادة المقدم سيلا سيادة اللوا طالبك
سيلا:تمام جايه أهو...لتقول لإياد هروح أشوف سيادة اللوا وجايه لتغادر سيلا
في مكتب اللوا عدلي
تدخل سيلا و تؤدي التحيه العسكريه
عدلي:إرتاح يا سيادة المقدم
سيلا:تمام يافندم
عدلي:حمدلله على سلامتك يبنتي
سيلا:الله يسلمك يافندم
عدلي:إياد قالي علي اللي حصلك في المستشفى و معني كده إن حياتك في خطر..عشان كده إياد هيبقي معاكي فى كل مكان وهيحميكي
سيلا:بس أنا مش محتاجه حمايه أنا مش صغيره و أقدر أحمي نفسي كويس وحضرتك عارف كده كويس
عدلي:عارف يا سيادة المقدم بس ده عشان مصلحتك
سيلا:بس...
عدلي بحده :الكلام انتهى يا علي مكتبك ياله
لتنظر سيلا له بغضب و تقول:تمام يا سيادة اللوا و كادت أن تذهب ليقول اللوا:ابعتيلي إياد يا سيلا
سيلا:حاضر ثم تذهب الي مكتبها وتقول لإياد:روح كلم اللوا
إياد:ليه
سيلا بغضب:روح وانت تعرف..لينظر إياد لها باستغراب من غضبها ثم يخرج
لتقول لها سمر باستفزاز:هو سيادة اللوا زعقلك ولا إيه ههههه
سيلا بغضب ونظره مرعبه:بت انتي إخرسي خالص بدل ما أقتلك و أخلص منك و من قرفك لتومئ لها سمر برعب منها
ليدخل إياد وهو يقول ببسمه غبيه:و أخيرا يا حبعمري هبقي معاكي في كل مكان
لتنظر سيلا له بغضب وتقول:إخرس يا إياد
إياد:احم طب يلا نمشي...ليغادر الإثنان ليقول كمال:هما مالهم الاتنين دول!!؟
=مش عارف والله
عند إياد و سيلا
إياد:مالك يابت متضايقه ليه
سيلا ببعض الغضب:مفيش يا إياد
إياد:اوك براحتك...ها ياستي هنقضي يومنا إزاي
سيلا برفعة حاجب:نعم؟!
إياد:إيه يابنتي هتعملي إيه النهارده
سيلا:استني بس نروح شويه و بعد كده نشوف هنعمل ايه
إياد:ماشي...وبعد قليل يصلا شقة سيلا.......
سيلا:بص ياكبير أنا هخرج انا و كرستينا شويه بس بعد ما تخلص محاضرات
إياد:ماشي..ثم تابع بحماس و أنا أكيد جاي معاكي ياحب صح
سيلا بغيظ:أيوه ياخويا جاي
إياد:الله عليكي يا أسولتي ياحبيبتي
سيلا:هههههه ماشي ياديدو...ليرن هاتف سيلا
سيلا:أيوا كريستي
كرستينا:أسولتي العثل كله بقولك ايه
سيلا:كنت عارفه إن ورا الكلام الحلو ده حاجه
كرستينا بحزن مصطنع:اخص عليكي يا أسو تعرفي عني كده
سيلا:دا انتي أم كده..ها قولي عايزه ايه
كرستينا:احم طب طلام كده تعاليلي الجامعه وبعدين نخرج
سيلا:و أجيلك الجامعه ليه ماتيجي انتي
كرستينا:يالا بقا يا أسولتي
سيلا:خلاص ماشي هاجي
كرستينا:عثثثل ياخواتي..سلام بقا عشان عندي معيد جديد و بيقولو عليه مش بيدخل حد بعده ودي محاضره مهمه اووي
سيلا: سلام ياحب ثم أغلقت و وجهت كلامها لإياد: ياله يا ديدو عشان نروح لكريستينا الجامعه
إياد: أيوه يا كبير ياله بسرعه عشان زهقان و عايز أخرج
سيلا: يالا ياخويا.. ثم قامت بتعديل شعرها وإرتدت صندلها وخرجت هي و إياد الذي كان يرتدي تيشيرت بنص باللون الأبيض و بنطال باللون الجملي
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Azioneلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...