انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل 23

الفصل 23

مازن / دي واحده بتقول انها امك
سيلا بجمود / خليها تدخل
مازن لغاده / إتفضلي يا مدام
لتدخل غاده وتنظر لسيلا بصدمه من ملابسها وتقول بصدمه / وه وه وه ايه اللي انتي لبساه ده يابت بطنى وكيف بتجعدي اكده جدام شاب
سيلا بسخريه / على ما أظن إنك مش جايه هنا عشان تسألينى إيه اللي انا لبساه،،حضرتك جايه ليه
لتقص لها والدتها ما حدث وبعدما انتهت تقول / ممكن اجعد معاكي
سيلا بجمود / وريها أوضتها يامازن
مازن / ماهو مفيش أوض فاضيه
سيلا / وديها أوضتى دلوقتي ولما الباقي يجي نبقا نشوف الموضوع ده ثم وجهت كلامها لوالدتها / إرتاحي دلوقتي في أوضتى ولما كله يجي نبقا نشوف هتنامي فين
غاده / شكرا يابتى
سيلا بجمود / إنتى هتفضلي هنا بس ملكيش دعوه بيا أو بحياتى تمام
غاده بحزن / ماشي يابتى عن إذنك
مازن / إتفضلي لتذهب غاده معه إلى غرفة سيلا ثم تركها
مازن / إنتى هتعملي ايه دلوقتي
سيلا بلا مبالاه / ولا حاجه هي هتفضل هنا بس ملهاش دعوه بيا
مازن / هتسامحيها؟
سيلا / مش دلوقتي...هو الباقي بيرجع امتى
مازن / محمد وصحابه بييجو الساعه 5 ومنار 7 او 8
سيلا / يعني لسه ساعه ساعتين عما محمد يجي ... هنعمل ايه دلوقتي عشان أنا زهقاااانه ههههههه
مازن / هههههه قومي إعملى الغدا
سيلا / اوك أعمل إيه بقا
مازن / اممممم إعملى مكرونه إسباجتي وفراخ بانيه
سيلا / قوم معايا بقا
مازن / ماشي يالاه
ليتجهو حتى يعدوا الطعام وبعد ساعه ونص إنتهو منه
سيلا / أخيرا خلصنا
مازن بضحك / ههههههه تعبتى يابيضه
لتنظر له سيلا برفعة حاجب وتقول / بتقول حاجه يا ميزو
مازن بخوف مصطنع / انا لأ طبعا
سيلا / اه بحسب
وبعد قليل يرن الجرس ليذهب مازن ويفتح الباب
ليدخل محمد وأصدقائه
مازن / جاي متأخر عن معادك يعني
محمد / على ربع ساعه
مازن بإستفزاز/ هو انت مستقل الربع ساعه دي ولا ايه دي 15 دقيقه يبنى عارف يعني ايه 15 دقيقه يعني 900 ثانيه والثانيه بتفرق مبالك بقا إنت متأخر 900 ثانيه
محمد بضيق / خلاااص ياعم هتفتحلى محاضره
مازن بابتسامه مستفزه / اه اومال ايه عايزني أسيبك فاشل ومش فاهم حاجه كده
محمد / أنا مش فاشل
مازن / وجعتك صح
محمد / اه
مازن / عشان تعرف ان كلمة فاشل بتوجع عشان كده قبل ماتقول حاجه حط نفسك مكان الشخص اللى بتكلمه وشوف لو إتوجعت متقولش
لينظر له محمد بحزن ويتذكر أنهم كانوا دائما يقولون لسيلا أنها فاشله
محمد لنفسه بحزن / قد ايه كلمة انت فاشل بتوجع بالرغم من انك بتعمل كل اللي تقدر عليه عشان محدش يقولك يافاشل هه واللهي الدنيا دي داين تدان وزي ما كنت بقول لسيلا يافاشله في الراحه والجايه أهى بقت حاجه كبيره وأنا اللى بقيت فاشل وكل شويه حد يقولهالي
ليخرجه من شروده صوت والدته التى قالت بصدمه / محمد ولدي إنت اهنه
محمد بصدمه / ماما
غاده وهي تعانقه / حبيبي اتوحشتك جووي ياولدي
محمد / وانتي كمان وحشتيني اووي
لتبتعد عنه وتقول / إنت كويس وصحتك عامله ايه
محمد / أنا كويس الحمدلله وانتي عامله ايه
غاده / بخير طول مانت بخير ياولدي
محمد / إنتى هنا بتعملي ايه
غاده / أنا خليت أبوك يطلجنى
محمد بصدمه / ايييه ليه كده
غاده / سيبك من الموضوع ده يابني المهم انت بخير
محمد / اه الحمدلله
أما سيلا كانت تنظر لهم بحزن خفي
العقل / ايه مالك حنيتي ولا ايه
القلب / وفيها ايه يعني
العقل / فيها كتير ايه نسيت كل اللي عملوه فيك ولا ايه
القلب / لأ منستش بس انا محضنتهاش من زمان
العقل / على أساس هي زمان كانت بتحضنك
القلب / لأ
العقل / خلاص تسكت
القلب / بس مهما كان دي أمي وأنا بنتها ونفسي أحضنها
العقل / طب ليه هي مقالتش لنفسها انك بنتها ولازم تقف معاكي وتساعدك عشان تحققي حلمك
القلب / معرفش
العقل / خلاص تخرص خالص طالما مش عارف حاجه
القلب / بس انا بحبها وهي وحشتني اووي ونفسي أحضنها
العقل / بردو لسه بتحبها متخلى عندك كرامه شويه يعني بعد كل الاهانات اللي كانت بتقولهالك وكل اللي عملته فيك ولسه بتحبها
القلب / اه بحبها أنا هسامحها وأروح أحضنها وأعيط في حضنها زي أي بنت وأمها
العقل / لالالا ياسيلا أوعي تعمليها إنتي نسيتي المبدأ اللى ماشيه عليه ولا ايه
القلب / لأ ياسيلا سيبك من المبدأ ده وروحي لأمك وسامحيها العمر مش طويل وممكن نموت في أي لحظه 
العقل / إنت تخرس خالص إنت كل اللي عليك تعمله تضخ الدم عشان أعيش وبس
القلب / لأ مش هخرس
العقل / إسمعي منى ياسيلا أخنق قلبك بإديك وإديله من تحت رجليك
سيلا لنفسها / ايه ياسيلا فوقي ياماما من الوهم ده دي عمرها محضنتك ولا قالتلك مالك حتى
سيلا ببرود / يارب نكون خلصنا سلمات بقا
محمد / انتى هتقعدي كده
سيلا ببرود / اه،، بص بقا إحنا هنقسم الأماكن عشان أمك تعرف تنام
محمد / ماشي
سيلا / أنا و منار هنام في أوضتي وإنت و امك في أوضه و صحابك في أوضه ومازن في أوضة الضيوف تمام كده
الجميع / اه تمام
غاده / إنتى عايشه لوحدك مع كل الشباب دي
سيلا ببرود/ لأ معايا أخويا و أختي
غاده / طب محمد وبعرفه أختك مين
سيلا / أنا قصدي على مازن مش محمد وأختي زمانها جايه...أنا هروح آكل ثم ذهبت إلى المطبخ وأحضرت بعض الطعام وخرجت وذهب محمد وأصدقائه حتى يبدلو ملابسهم
سيلا ببرود لمازن / لو جعان قوم جيب لنفسك
مازن بهمس / بااارده ثم ذهب إلى المطبخ وأحضر أكل له لتذهب سيلا إلى المطبخ وتحضر طبق به أكل ثم تعطيعه لوالدتها وتقول بجمود / إتفضلي كلى زمانك مكلتيش حاجه من الصبح
لتأخذ والدتها الطبق وتقول بدموع / شكرا يابتى
سيلا / عفوا
ليرن الجرس لتذهب سيلا وتفتح ثم تدخل
سيلا / جيتي بدري عن معادك يعني
منار بمرح / إحنا طول اليوم قاعدين في المكتب أكننا قاعدين على القهوه ومش بنعمل حاجه عشان مفيش حد هيدربنا فقولت لآسر إنى آجي بدري النهارده فهو بقا يابنتي زي ماتقولي كان ندمان عشان زعقلى فخلانى آجي بدري ههههههه
سيلا / هههههههه أحسن بردو إنك جيتي بدري
منار وهي تنظر إلى غاده / هو احنا عندنا ضيوف ولا ايه
سيلا بسخريه / ايه الذكاء ده عرفتيها لوحدك ولا حد غششك
مازن بضحك / ههههههههههه يابنتي دي عبقرينو أكيد غشيتها هههههههه
منار بسخريه / نينينينيني ياظريف إنت وهي ثم وجهت كلامها لغاده . مين حضرتك ياطنط
غاده بابتسامه / انا والدة سيلا ومحمد
منار بصدمه / ايييييه
غاده باستغراب / مالك يابتى
منار وهي تلاحظ نظرات .سيلا لها / لا أبدا ياطنط نورتي
غاده / بنورك يابتى..انتى مين
سيلا / دي منار أختى
غاده / أهلا يابتى
منار/ أهلا بيكي ياطنط،، عن إذنك هروح أغير ثم ذهبت إلى غرفتها
عبدالله بهمس لمحمد / ولا يامحمد أنا جعان
محمد بهمس/ إنت يابني مش لسه واكل قبل منيجي
عبدالله بتذمر / ده من ساعتين ونص وأكيد جعت حتى أختك شكلها بخيله ومهانش عليها تجبلنا أكل
لتسمعه سيلا ثم تقول ببرود / واللهي الأكل في المطبخ أهو مضربتكش على إيدك وقولتلك متكلش عايز تاكل روح جيب لنفسك
عبدالله بغيظ / لأ الإجابة حضره ماشاءالله
لتنظر له ببرود وتقول / الأكل جوا في المطبخ اي حد عايز ياكل يروح يجيب
لم يتحرك أحد من مكانه
سيلا / هو انتو لسه معتبرين نفسكو ضيوف ومحرجين  تتحركو ولا ايه
عبدالرحمن بهمس / الصراحه اه
سيلا / لما تيجي تتكلم إتكلم بصوت عالي وخليك واثق من نفسك ومن إجابتك
عبدالرحمن بصوت أعلى قليلا/ بصراحه إحنا لسه معتبرين نفسنا ضيوف وبنتحرج نتحرك
سيلا ببرود / براڤو عليكم
زياد / هو إنتى علطول بارده كده ولا عشان مش طيقانا فبتتعاملي معانا ببرود
منار بمرح / لأ هي اللي بارده علطول هههههههه
عبدالله / طب كويس هههههه
سيلا / طب من النهارده خدو راحتكم ومحدش يعتبر نفسه ضيف
زياد / واللهي إنتي عسل
مازن بضحك مكبوت / إسمع بس للآخر
سيلا وهي تكمل كلامها / وأي حد هيبهدل حاجه هيرتبها
عبدالله / إزاي يعني معلش
سيلا / يعني انتو بعد ما تخلصو أكل كل واحد هيغسل مكانه و أوضكم إنتو اللى هترتبوها يعني من الاخر كده أي حاجة هتعملوها هتنضفوها
لينظر لها أصدقاء محمد بصدمه وفم مفتوح وسيلا تنظر لهم ببرود
ليضحك الباقي عليهم
عبدالله / أنا مش جعان خلاص
عبدالرحمن / ولا أنا
زياد/ أنا مستحيل أعمل كده
سيلا ببرود شديد / خلاص متكلش ونام وإنت واقف ورجلك تكون نضيفه عشان متكنسش ثم تبتسم باستفزاز
مؤنس بصدمه/ إنتي عيزانا نكنس كمان
سيلا / لو وسختوا حاجه هتتكنسوها نضيفه يبقي خلاص مش هتكنسوها
عبدالله بصدمه لمحمد/ عجبك عمايل أختك دي
محمد / أنا مالى انا مليش دعوه بكلمكم ده
سيلا بسخريه / لأ يابابا إنت معاهم
محمد بصدمه / نعم انا أخوكي واللهي
مازن بسخريه / معلشي يابني إحنا معاكم بردو
منار بدراما / نعمل ايه بقا ده قدرنا ومكتوب علينا الذل
سيلا / واللهي أنا قولت اللى عندى خدو راحتكم بقا ثم تذهب وتجلس أمام التلفاز باستفزاز
ليذهب الجميع إلى المطبخ ماعدا مازن
سيلا / قوم إعمل فشار يامازن وتعالى
مازن / طب ماتقومي إنتى
سيلا / لأ
مازن / شوفي بنتك وعمايلها ياطنط
غاده / هههههه معلش ياولدي
مازن / ماهو انا مش هقوم لوحدي طبعا
غاده / أنا ممكن أقولك على حاجه تخليها تقوم
مازن / طب قولي بسرعه
سيلا / وإيه هي الحاجه دي
غاده / إنتى قولتي إن اللي عايزحاجه يعملها لنفسه وطلاما انتو كلكم هتاكلو منه يبقي كلمكم تعملوه
مازن / صح إنتى صح ياطنط،،، قومي بقا
لتذهب معه سيلا إلى المطبخ
في المطبخ
زياد / على آخر الزمن هعمل كل اللى قالت عليه ده
عبدالله / ايه الأكل الموجود
منار وهي تضع طعام في طبقها/ مكرونه اسباجتي وفراخ بانيه
ليذهب الجميع و يضع كل شخص طعام في طبقه
وبعد الإنتهاء قامو بغسل أطباقهم
زياد / البت دي جباااره
منار / اسكت عشان لو سمعتك هتموتك
سيلا / مانا سمعته خلاص،، ياحلاوه ياولاد على المطبخ اللى بقا زي الفل
مازن / احنا هنعمل فشار
الجميع / مش عايزين
مازن / هههههههه متخافوش أنا وسيلا اللى هنعمله
ليزفر الجميع بإرتياح / إذا كان كده ماشي
ليخرج الجميع وبعد قليل تخرج سيلا ومازن ومعهم الفشار
منار / هنعمل ايه بقا إحنا لسه بدري وأنا زهقانه
زياد / تعالو نلعب
محمد / نلعب إيه
زياد / لعبه شبه لعبة الصراحه كده
مؤنس / كل واحد فينا هيسأل سؤال بس كله يجاوب
هااا موفقين
الجميع / اه
عبدالله / أنا هبدأ...عمركو حبيتو قبل كده او بتحبو حد
زياد / أنا حبيت قبل كده
مؤنس / أناكنت بتسلى بس
عبدالرحمن / أنا بحب
محمد / لأ
سيلا / لأ
مازن وهو يتذكر تلك الملاك التى صدمها / أنا إعجاب
منار / أنا إعجاب
لتنظر لهما سيلا برفعة حاجب
مازن / ده دوري...عمركو ظلمتو حد أو إتظلمتو قبل كده
محمد بحزن / أنا ظلمت
منار ، مؤنس،عبدالله،عبدالرحمن،زياد / لأ
سيلا / أنا إتظلمت
عبدالرحمن / دوري
ليمضوا باقي الليله في جو ممتع ومرح

❄❄❄❄❄❄❄❄❄❄

ومر شهر إلا يوم وتغير الكثير
فعلاقة سيلا بوالدتها تحسنت قليلا،،و أصبحت منار سكرتيرة آسر ولكن مازالت تحت التدريب و أحبها آسر بشده،،ومازن ترقى وأصبح مقدم

ــــــــــــــــــــــــــــــــ

في آخر يوم من الشهر الذي حدده أزاد لسيلا
كان يجلس الجميع أمام التلفاز لتقول سيلا بجدية / إقفل التليفزيون يامازن وركزوا معايا كده شويه
ليغلق التلفاز ويقول بقلق / في ايه ياسيلا
سيلا بجدية / إسمع اللي انا هقوله وتنفذه بالحرف
مازن / قولي في ايه
سيلا / إنت من بكره هتروح مع منار في كل مكان حتى الجامعه أنا عيزاك تبقا زي خيالها وانتى يامنار أنا معلماكي جميع فنون القتال فعيزاكي تسيبك من جو الهبل بتاعك وتعرفي تدافعي عن نفسك كويس ومش أي حاجة تحصل تعيطي
مازن بخوف / يابنتى في ايه قلقتيني
سيلا / إوعدني إنك تعمل اللى قولتلك عليه
مازن / أوعدك بس أفهم طيب وليه بتقولي كده
غاده / في ايه يابنتي متقلقنيش عليكي
محمد / هو في ايه ياسيلا
ليرن هاتف سيلا
/ جايه أهو
مازن / هو مين ده اللي بيتصل بعد نص الليل
سيلا / هرد وأقولك
مازن / لأ ردي هنا وإفتحي الاسبيكر
لترد سيلا وتفتح الاسبيكر
أزاد ببرود / تك.توك..تك. توك..تيك.توك الوقت بيعدي ياحلوه
سيلا بسخريه / تصدق معلومه حلوه مكنتش اعرف
أزاد ببرود / لسانك الحلو ده هقصهولك بس اصبري كام ساعه بس وساعتها هنتقابل تاني
سيلا / وأنا مستنيه الكام ساعه دول يعدو بفاارغ الصبر
أزاد / متستعجليش على موتك ياحلوه هو جاي جاي
سيلا / حد قال إني مستعجله على موتي
أزاد / مجهزه نفسك للعبه
سيلا /اه اومال
أزاد / هتيجي انتى ولا أجيبك بمعرفتي
سيلا / لأ أفضل إنك تجبني بمعرفتك بس ياريت متتأخرش
أزاد / اه أكيد مش هتأخر أنا مستني اليوم ده من زمان
سيلا ببرود / مش أكتر مني
أزاد / هنشوف أنا بس حبيت أديكي تمهيد للى هيحصل ومردتش أجيبك على خوانه أهو
سيلا بسخريه / واللهي كتر خيرك
أزاد ببرود / تشااااووو ياحلوه نتقابل بعد كام ساعه ثم أغلق الخط
مازن بغضب / مين ده
سيلا ببرود / ده العقرب
لينظر لها الجميع بصدمه
مازن بغضب / خير عايز ايه
سيلا / ولا حاجه بيعرفني إن معادنا كمان كام ساعه زي مانت سمعت
منار / وإنتى أكيد مش هتقابليه صح
سيلا / لأ هقابله والله أعلم هرجع امتى عشان كده خلي بالك منهم لحد مارجع يامازن
مازن بغضب جحيمي / إنتى إتجننتى ياسيلا إنتي عارفة انتي بتعملي ايه انتي بترمي نفسك في النار
سيلا / متخفش انا عارفه انا بعمل ايه
مازن / لا مش عارفه ياسيلا إنتي راحه للموت برجلك
سيلا / لا عارفه كويس اووي
منار ببكاء / عشان خاطري بلاش تروحي
سيلا بحده / أنا لسه قيلالك مش عيزاكي تعيطي خالص
منار / مقدرش ياسيلا إنتي عيزاني أعمل إيه لما ألاقي أختي الوحيده راحه للموت برجليها أقعد أسقفلها يعني
سيلا وهي تحتضنها / إهدي ياموني أنا هرجع تاني
غاده ببكاء / يابنتي إرجعي عن اللى فى دماغك
سيلا / لأ انا قولت اللي عندي ثم ذهبت إلى غرفتها
منار / يامازن خليها تعقل
مازن باستسلام / إنتى عارفه ان هي طلاما حطت حاجه في دماغها يبقا هتعملها ومش هتاخد بكلام حد كل اللى علينا نعمله اننا ندعيلها ترجع بالسلامة ،، ويالاه ننام خلينا نشوف بكره ايه اللي هيحصل
ثم ذهب الجميع إلى غرفهم

💛💛💛💛💛💛💛💛💛💛💛💛

يتبـــــــــع.#