الفصل 10 الجزء الثاني ❤️
سيلا : كله يقف مظبوط كده
ليعتدل الجميع في وقفتهم
سيلا : أول حاجه كل واحد معاه فون، سجاير، أي حاجة يجيبها حالا، مش عاوزه حد يكون معاه حاجه غير الهدوم اللي هو لابسها بس، و أي حد هلاقي معاه حاجه هيزعل مني.. يلاااا
ليقترب كل شخص منها ويعطيها ما معه
سيلا لساره بحده : هاتي يا ساره السجاير اللي معاكي
ساره بتوتر : م معييش س سجاير
شريف ل سيلا بحده : انتي هتهزري، أنا اختي مش بتشرب الحاجات دي
سيلا بحده: إلتزم حدودك في الكلام معايا يا حضرت المقدم و خليك في حالك طلاما موجهتلكش كلام ثم تقول لساره : طلعي السجاير بدل ما أطلعها أنا
سيلا : تمام.. هاتي الكاب اللي انتي لبساه ده
ساره : ل لأ الجو شمس وانا كده هتعب
سيلا بسخريه : يختي عسله ثم تقول بحده وصوت أفزعها : هاتي يابت الكاب ده
ساره بخوف : ح حاضر ثم ترفع الكاب لتظهر علبة السجائر
لتبتسم سيلا بسخريه
سيلا بسخريه : شاطره يا سوسو، هاتي بقا علبة السجاير دي ثم تقول لشريف : أهوو
شريف بصدمه لساره : انتي بتشربي سجاير
سيلا : ابقو اتناقشوا في الموضوع ده بعدين هنا مكان شغل،، يلا على مكانك
لترجع ساره مكانها
سيلا : تمام كده... اسمعو بقا اللي هقوله ده كويس.. أي حاجة أقولها تتنفذ بالحرف الواحد، هنا مكان شغل جد، مفيش هزار ولا لعب، صوت عالي مش عاوزه، أي حد هسمع صوته عالي هيبقى ليه حساب تاني، مشفش حد فيكم يتخطى حدوده مع أي حد كل يوم هتصحوا الساعه 5 الصبح
@ ليه هنبيع لبن
سيلا : متقاطعينيش لما اكون بتتكلم، تدريباتكم من الساعه 5 الصبح لحد الساعه 7 بليل، وبعد 7 عايزين تنامو نامو مش عاوزين انتو أحرار بس انا ليا ألاقيكم قدامي هنا كل يوم الساعه 5
ساره بصراخ : نعمممم
سيلا بحده : أنا مش قولت مش عاوزه صوت عالي
ساره بغضب : وهو اللي انتي بتقوليه ده كلام حد عاقل
لتتجاهل سيلا حديثها وتقول : الساعه دلوقتي 12 ونص، الساعه 3 تكونو قدامي هنا
# هنبدأ تدريب النهارده؟؟!!
سيلا : أيوه... معاكم ساعتين ونص ترتاحو فيهم وبعد كده ألاقيكم هنا.. فاهمين
** لأ طبعا.. مش هنقدر
سيلا ببرود و استفزاز : أنا قولت كده بردو... الساعه 2 تكونو واقفين هنا،، وكلمه زيادة مفيش راحه وهنبدأ تدريب حالا... كل الشباب في الأوضه اللي ناحية الشمال، دي قالت ذلك وهي تشير إلى غرفتهم ثم تقول للبنات وهي تشير إلى الغرفه الأخرى : و دي أوضتكم.. اتفضلو بقا روحو ارتاحو ثم تأخذ أشيائهم و تغادر
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Hành độngلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...
