انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل 24

ا

في صباح اليوم التالي
استيقظت سيلا وأيقظت الجميع ثم قامت بإعداد الفطار تناول الجميع الفطار في صمت ثم ذهبت سيلا غرفتها وبدلت ملابسها إلى بنطلون چينز وبدي أبيض يصل إلى منتصف بطنها و چاكيت جلد أسود قصير ثم خرجت
منار / لسه مصممه على اللى فى دماغك
سيلا / وأنا من امتى برجع في كلامي
منار ببسمه غبيه / ولا مره
سيلا / خلاص يبقى لسه مصممه على رأيي،، أنا ماشيه
مازن / أنا جاي معاكي
سيلا / اوك
منار / وانا كمان
محمد / واحنا أكيد طبعا جايين
سيلا بتجاهل/ أنا ماشيه ثم غادرت وذهب خلفها الباقي ماعدا والدتها
غاده / ربنا معاكي يابنتي ويوفقك وترجعي بالسلامه

ــــــــــــــــــــــــــــ
يصل الجميع إلى الجامعه
ويدخلو إلى المدرج وتبدأ سيلا في شرح المحاضره
وبعد ساعة يدخل مالك ومعه بعض الرجال و يمسكو أسلحتهم لينظر لهم الجميع برعب
سيلا ببرود / يا أهلا
مالك / إنتى عارفه احنا جايين ليه إتحركي معانا
سيلا / متكلمنيش بصيغة الأمر ثم وجهت كلامها للجميع طب ياشباب أنا كده خلصت شرح وفي واحد هيجي مكاني فتره مؤقّتة وهرجع تاني
مازن / خلي بالك من نفسك
لتومئ برأسها ووقفت وهي تخرج أمام / 10 دقايق ورجعه
رجل 1 وهو يمسك يددها / اقفي مكانك إحنا مفيش معانا أوامر نسيبك تمشي
سيلا وهي تنفض يده بحده / ايدك جمبك لتوحشك،،وأنا قولت 10 دقايق وراجعه يبقا هرجع
مالك / هنستناكي بره عما تيجي ثم خرج لتذهب سيلا إلى مكان ما ثم خرجت لهم
منار / يارب الفتره دي تعدي علي خير
مازن / يارب .. يالاه بقا يحلوه عشان جامعتك
ثم ذهب معها إلى جامعتها

ـــــــــــــــــــــــــــــــــــــ
وبعد قليل يصل مالك وسيلا إلى القصر.ويدخلا
أزاد بخبث / يامرحب يا كوبرا يارب تكوني جاهزه
سيلا ببرود / آه جاهزه يارب تنجز ونبدأ
أزاد / كويس انك داخله حاميه وجاهزه ياريت تفضلي كده علطول
سيلا / طب انجز بقا
أزاد بصوت عالي / يا سعديه يا سعـديـه
سعديه / نعم يا أزاد باشا
أزاد بخبث / خدي الخدامه الجديده (سيلا ) وعرفيها كل حاجه وزي ماقولتلك
سعديه / حاضر يا باشا ثم قالت لسيلا بحده إتحركي يابت انتي قدامي
لتنظر لها سيلا برفعة حاجب وكادت أن تذهب ولكن
أزاد / استني
سيلا ببرود / استنيت خير
أزاد لسعديه/ خدي كل اللى معاها
لتذهب سعديه وتفتشها وسيلا مستسلمه
سعديه وهي تعطي المسدس ل أزاد/ إتفضل ياباشا
وجاءت ان تأخذ هاتفها
سيلا / لااا تليفوني خط احمر ولو أخدتيه هتزعلى
أزاد / هاتي التلفون
سيلا ببرود / لأ تلفوني لأ
أزاد بغضب / هو ايه اللي لأ احنا هنهزر
سيلا / شايفني بهزر
أزاد / هاتي التلفون
سيلا / وأنا قولت لأ
أزاد بغضب / من أولها كده انا اي كلمه بقولها تتنفذ من غير نقاش فاااهمه
سيلا ببرود / الكلام ده تقوله لبقيت الخدم مش ليا ،، وأنا مش حيوان عندك عشان لما تقول حاجه أنفذها
أزاد بغضب / خديهااا من هنا ياسعديه وخليها تلبس هدوم الخدم
سعديه / حاضر ياباشا
ليغادر أزاد وتذهب سيلا مع سعديه حتى تعطيها ملابسها
سعديه / إدخلى غيري هدومك وخلال 10 دقايق تكوني جاهزه
لتأخذ سيلا ملابسها وتدخل حتى تبدل ثيابها
تخرج سيلا بعد قليل وكانت ترتدي ملابس الخدم المكونه من چيبه سوداء قصيره وقميص أبيض ضيق شبه شفاف
سيلا / مفيش هدوم أكبر من كده شويه
سعديه / لأ مفيش وتعالى ورايا ثم خرجا وتوجها إلى المطبخ
سعديه لجميع الخدم / إسمعوني كده
لينتبه لها الجميع
سعديه وهي تشير لسيلا / دي الخدامه الجديده وهتعمل معاكو كل حاجه من تنضيف لغسيل لأكل لكله
سيلا بسخريه / مش عيزاني أنيمهم كمان
سعديه بحده / احترمي نفسك يابت
سيلا بسخريه / طب انجزي بقا وقوليلي هعمل ايه دلوقتي
سعديه / إنتى هتصحي كل يوم الساعه 5 ونص
سيلا بسخريه/ ليه هبيع لبن
سعديه / اللى أقوله يتنفذ..أزاد باشا بيصحى الساعه 6 ونص الساعه 7 بالدقيقه يكون الأكل قدامه وبيمشي الساعه 7 ونص الساعه 8 يكون المطبخ ده نضيف وساعتها هيجي بقيت الخدم اللى هيكونو معاكي في المطبخ والساعه 9 بييجي الخدم المسؤل عن تنضيف القصر إنتى هتساعديهم فاهمه وأي غلط منك هتتعاقبي منى ومن أزاد باشا
سيلا / على فكره أنا سألتك هعمل ايه دلوقتي مش هعمل ايه كل يوم
سعديه / دلوقتي هتنضفي القصر مع الخدم وبعدين تيجي تعملي الغدا ولوحدك
سيلا / تمام ثم ذهبت حتى تساعد الخدم في التنظيف
سيلا / أنا المفروض أعمل ايه
خادمه 1 / إنتى مين
سيلا / أنا اللي هساعدكم في التنضيف
خادمه 2 / تمام ثم أخبرتها بما يجب عليها فعله
وبعد 3 ساعات إنتهو من تنضيف القصر ثم تذهب سيلا إلى المطبخ
سيلا / أنا هعمل أي أكل ولا أكل معين
- أي حاجة
سيلا / تمام..ثم تبدأ في إعداد الطعام بمهاره
وبعد ساعتين تنتهي من اعداد الطعام
سيلا بهمس / وأخيراً خلصت..ثم ذهبت وجلست على أحد الكراسي
سعديه بحده / خير سبتي الشغل وأعدتي ليه
سيلا ببرود / خلصت الشغل
سعديه / الأكل خلص؟
سيلا / روحي شوفي
لتذهب سعديه وتري الطعام ثم تذوقته وكان طعمه جميل
أ