عند يزن -
فتح الباب بشويش يستقبل صاحبه ، لكنه طاح بقوة على الارض بسبب حضن سلطان له والي انقض عليه يبوس خدوده
سلطان: اشتقت اشتقت اشتقت .. كيف قاطع عني كذا
فتح يزن عيونه بشويش من بعد الم الطيحه، وشاف سلطان جالس فوقه وماسك ذراعينه ضد الارض.
كانت لحظة صامته بينهم قبل ما ينزل سلطان لـ شفايف يزن الي رجف بقوة وبعد راسه بسرعة عنه
استغرب سلطان وبعد عشان يشوف وجه يزن وسأل: شفيك؟
يزن لا زال يرجف والتفت لسلطان يناظر عيونه بعدها رد عليه: ا.ا.نا عنـ.دي حب. حبيب
تجمد سلطان بمكانه وترك يدين يزن وهو مصدوم: عندك! انت عندك حبيب!!!
هز يزن راسه بموافقه اما سلطان عض شفته وقال: وانا اخر من يدري؟
فتح يزن فمه بس رجع يسكره بعد ما شاف سلطان قام من فوقه وباين عليه منزعج
اما سلطان بدأ يمشي داخل البيت اكثر وهو شارد الذهن من علاقة يزن بشخص غريب
عض شفته والتفت من جديد لـ يزن الي وقف وبدأ يعدل ملابسه، وقبل ما تتصل بينهم النظرات تكلم: مين هذا؟ لا يكون ذا بيته؟
فتح يزن فمه عشان يتكلم بس سلطان رجع له بخطوات سريعة وهو يسأل اكثر: من وين تعرفت عليه؟ وليش انت مو في بيت ابوك؟ لا يكون ..
قاطع يزن افكاره بتردد: ا.اسمه عماد، و ا.. ا.ايه ه.هذا بيته .. و.هو صد.يق شخص يعرفه ابو.ي
رفع الثاني حواجبه بذهول قبل ما يقول وهو يضيق عيونه: يا بتش كيف وصلت له
بلع يزن ريقه وتكلم بضيق: لـ.لا تناد.يني كذ.ا
عقد سلطان حواجبه وهو يشوف يزن منزل راسه ومتكتف، هو فعلاً مصدوم ان هذا يزن .. هذا الي كان ..
قطع سلطان الفكرة بسؤاله: ليش ما كلمتني يزن؟ من بعد ما غبت من المدرسة ما توقعته اخر يوم بشوفك فيه وانك نقلت لمدرسة ثانية وكل هذا وانا مدري .. والحين هذا مدري عنه .. انت متأكد اننا اصحاب او مجرد زملاء ولما رحت طويت صفحتي
عض يزن شفته ورفع راسه يكلم سلطان: انا مابي ازعجك، بألي صار هذاك اليوم
توسعت عيون سلطان قبل ما يقرب ويمسك يزن من كتوفه بقوة ويصرخ عليه: قلت لك ما عليك منه!! تسحب نفسك وتنقطع عني عشانه؟؟؟ كنا انا وانت لاصقين في بعض بكل مكان .. انا وانت سوينا كل شي حتى تروشنا مع بعض! كيف تغير كل هذا بسبب شخص ما يسوى ربع صداقتنا
