...
طلع شعاع من سيارته عشان ياخذ اخوه الصغير الي كان متشقق من الحماس وماسك هدية بيده ، ركض اول ما شاف شعاع وضمه على طول.
إياد: إياد أخذ نجمة كبيرة ، والأستاذ عطاني هدية شوف.
شعاع: جد.! وش هالشاطر الي عندنا ، انا مديري ما عطاني هدية.
إياد: خلاص هذي الهدية لي انا وانت
شعاع: بتعطيني هديتك
إياد: ايه لأنك افضل اخ بالدنيا
شعاع ابتسم: لا حبيبي خل هديتك حقتك ، انا عندي هدية اكبر
إياد: شنو هديتك الكبيرة.؟
شعاع: إياد هو هديتي
إياد: انا هدية.!!
شعاع: اي انت اجمل هدية عطاني إياه ربي
إياد: ربي يعطي هدايا.؟ طيب عادي ربي يعطيني اخو صغير
شعاع: ليش تبي اخو صغير
إياد: عشان غدير وشهد يلعبون دايم مع بعض ، بس انا ما عندي اخو العب معاه
شعاع: انا اخوك العب معاي
إياد: انت كله مشغول تروح الدوام وتطلع مع اصحابك
شعاع: بس زعلان من كذا ، خلاص انا ما بطلع مع اصحابي بظل معاك.
إياد: جد.؟ انت بتلعب معي.؟
شعاع: اي حبيبي نشغل البلاستيشن ونلعب مع بعض
إياد: احبك احبك احبك
...
ريان كان قاعد مع اخوانه الي قرروا فجاءه يطلعون يتغدون غداء عائلي ، رياض و رعد متعودين مع بعض فـ كانو يتكلمون بأمور واجد عن الشغل والترتيبات وكيف راح يتعاملون مع الجدد
راشد كان بس يصور الأكل ويسولف مع ربعه على الجوال ، و ريان قاعد بس يقلب بالشوربة..
رياض: شفيكم مكتئبين
راشد: محد مكتئب.!
اشر رياض بعينه على ريان ، و رعد همس بأذن رياض .. ريان لاحظ حركتهم وابتسم على خفيف.
ريان بهدوء: معليش لو سببت لكم اكتئاب ، مصدع شوي.
راشد: زين خذ مسكن ، بعدين اكل عدل ليش قاعد على الشوربة وبس.
ريان: الدكتور منعني من اكلات واجد لين يتأكدون من حالتي.
رعد: يعني وش بيطلع فيك ، دلع .؟
راشد حد من نبرة صوته: الولد تعبان وابوي وصاكم عليه
رياض: شفيك قلبت الموضوع جد ، رعد كان يمزح
رعد: حرام امزح مع اخوي الصغير ولا انتو حساسين مره
ريان ما قال شي وقعد يشرب شوربته بهدوءه المتعاد ، راشد خز اخوانه وحط له اكل وقعد ياكل مو حاب يشاركهم بنقاشاتهم بعد ، رعد بدأ ياكل ورياض اكل معاه.
رياض: اسمعوا ما عندنا الا اسبوع واحد ولا بعد يمكن اقل من اسبوع ، يعني جهزوا نفسكم من الحين وش راح تسوون وايش راح تقدمون وشكل القسم الي بنحطهم فيه لازم يكون راقي وأنيق حق الشغل ...
