السَّعادة تَدوم بِالرضَى التَّام لِما يَحدُث حُولَك.
...
دخل الغرفة بهدوء وراح للنايم على السرير ، حب يغير جو اخوه بعد الي صار له اليوم وحط قطوة صغيرة عند راسه عشان تصحية.
فتح الثاني عيونه على طول لما حس بثقل غريب على سريره ، واول شي قابله القطو الصغير الي كان يحاول يتوازن فوق المخده.
راشد: جبت لك صديق جديد
ريان بصوت مبحوح: معرف اهتم فيه
راشد: اول شي مساء الخير
ريان: مساء النور
راشد: قوم صحصح الساعة ٦ المغرب
ريان: ما نمت الا ٣ ساعات
راشد: ليش ناوي تخمد وما تقوم
ريان: بس شوي عشان نكد بكرة
راشد: ما عليك فيهم هذولا ، قبل شوي ابوي دق واكلهم تهزيئة يحبها قلبك .. وقال انه يبي يكلمك بخصوص الي صار.
ريان: انت قلت لأبوي السالفة.؟
راشد: ما فتحت فمي ، بس رياض معصب .. على باله انك انت الي قايل لأبوي سالفة شعاع.
ريان: ما قلت لأبوي شي ، لا يقعد يحط اللوم علي.
راشد: قوم انت الحين وما عليك فيه.
ريان قام وراح الحمام يغسل وجهه ، في هاللحظة بدأ يكح واجد ومو قادر ياخذ نفس الا يرجع يكح اكثر واكثر ، الين استفرغ شوي دم ..
ناظر الدم بخوف ورفع راسه يناظر نفسه بالمراية.
راشد: جبت لك اكل..
ريان شغل المويه ومسح الدم بسرعة من فمه ومن المغسله ، ورفع شعره عن وجهه.. وقف راشد عند عتبة الباب وتسند عليه.
راشد: واغراض للقطو
ريان: ها.؟ ايه كنت شايل هم القطو الصراحة مالي خلق اطلع واجيب اكل له واغراض ، شكراً
راشد: شدعوة مابينا ، بعدين احنا اخوان .. اذا ما دلعتك ادلع منو.؟
ريان: حبيبتك
راشد: مع نفسها ، جابت لي الهم .. يله لا يبرد الاكل
ابتسم ريان لـ راشد ولما طلع اختفت ابتسامة ريان وناظر نفسه بالمرآية ، طلع بكل هدوء بعد ما خلص وجلس بالصالة مع راشد ، والاكل على الطاولة قدامهم.
راشد: مرة مزعجة اسألتها واجد وسواليفها واجد موضوع اني اخطبها شلته من راسي ، هو يعني...
سرح ريان بموضوع الدم الي طلع منه ، هذي ثاني مرة تصير له والمستشفى يقولون مافيه شي .. قعد يمسح على راس القطو الي كان منسجم مع الحركة و راشد كان يكمل سواليفه على باله ريان يسمعه.
وهو باله بعيد.. بعيد حيل
...
إياد: وين بنروح
شعاع: محل العاب
إياد تحمس: بنشتري العاب.؟
شعاع: اكيد وبنلعبها مع بعض
إياد: وناااااسه اليوم كله راح نكون مع بعض
شعاع: قلت لك راح نقضي وقتنا مع بعض
