في الحلال جنه

الفصل الرابع عشر

في تمام الساعه العاشره صباحا تستيقظ مني من نومها تتوضأ تصلي فريضة الصبح ثم تتناول الإفطار وفي الساعه الحادية عشر تقوم بمراجعة رسالتها وفجأه بدون سابق حدث شيء لما تكن تتوقعه تذكرت كمال وبدأت تفكر فيه قليلاً بعد دقيقتين من التوهان بسبب التفكير في كمال استعاذت بالله من الشيطان الرجيم ثم قامت بالذهاب إلى المرحاض وتوضأت بنية إن ربنا يبعد عنها هذه الأفكار حتي تستطيع التركيز في عملها توضأت ثم عادت لتصلي فتذكرته أيضا وهي تصلي فاستعاذت بالله من الشيطان الرجيم مره أخري ولكن هذه المره قد انصرف عن بالها
أنهت صلاتها وذهبت إلى مكتبها لتبدأ في مراجعة رسالة الدكتوراه التي تسعي دائماً للحصول عليها وبدرجة إمتياز ثم عدلت وكتبت قليلاً في مشروع الرساله ثم أغلقت جهازها واخذت الهاتف وقامت بالاتصال على فاطمه
فردت عليها ولكن بعد عدة محاولات أجابت قائله: السلام عليكم صباح الفل يا مني
مني: صباح الورد يا فل عامله إيه ؟ وفينك دلوقتي ؟
فاطمه: الحمد لله بخير أنا في المستشفى
قاطعتها مني قائله :خير ياحبيبتي فيكي إيه انتي تعبانه ولا إيه ؟
فاطمه: لالالالا انا كويسه وزي الفل انا بس كنت بايته مع بابا وكمال في المستشفى إمبارح وخارجين دلوقتي من باب المستشفى
مني : اه خضتيني عليكي طب علي العموم حمد الله علي سلامته
فاطمه: الله يسلمك يا مني خير بقي كان في حاجه ولا بتطمني عادي
مني: لا مفيش حاجه انا قولت أطمن عشان مسألتيش من إمبارح لما كنا مع بعض
فاطمه: تمام يا مني ومتشكره جدا علي سؤالك وميحرمنيش منك أبدا
مني: اللهم آمين يا رب العالمين يلا سلام بقي دلوقتي
فاطمه: سلام يا حبيبتي ❤.............
أنهت مني الاتصال وحمدت الله بعد الاطمئنان علي صحة كمال
تشعر وكأنها أحست بالراحه وكأن هم كالجبل أزيل من علي قلبها
ما كل هذا الذي يحدث مع مني!!!
هل هو حب أم أنها تشعر بالذنب تجاهه لأن من ضربوه هم نفسهم من ضربهم في الصباح دفاعاً عن مني وهبه!!! ياتري ما الذي يدور في عقل مني...

في غرفة هبة استيقظت هبه من نومها في تمام الساعه العاشره نزلت من علي سريرها وذهبت إلى المرحاض وتوضأت لتصلي الصبح بعد ما فرغت من الصلاه أخذت هاتفها وحاولات الإتصال بسلمي مره وأكثر لكن دون جدوي او رد من سلمي يأست والقت الهاتف وقامت بفتح المصحف وبدأت في قراءة القرآن بعد ساعه اغلقت المصحف امسكت بهاتفها وحاولت الإتصال علي سلمي مره اخري فأجابت هذه المره وقالت
سلمى: ازيك يا هبه عامله إيه
هبه: الحمد لله بخير يا حبيبتي انتي عامله إيه دلوقتي
سلمي بدموع: الحمد لله لسه عايشه ومش عارفة لسه عايشه ليه لحد دلوقتي
هبه: لا إله إلا الله ولا حول ولا قوة إلا بالله وحدي الله يا هبه كله مقدر ومكتوب بصي انا هغير هدومي وجيالك دلوقتي
سلمي: ماشي مستنياكي
بعد مرور خمس دقائق كانت وصلت إلى منزل سلمي دقت جرس المنزل وشرعت في الدخول بعد أن أخذت الإذن من والد سلمي الذي كان يجلس بحديقة المنزل رحب بها قائلاً: يا مرحب يا مرحب يا هبه اتفضلي يا بنتي دا بيتك
هبه : مرحب بيك يا أونكل أكيد طبعاً دا أنا متربيه هنا بعد إذنك بقي هطلع لسلمي
جمال: اتفضلي طبعاً يا بنتي
توجهت هبه لغرفة سلمي وطرقت الباب عدة طرقات إلى أن اذنت لها سلمي بالدخول شرعت في الدخول ملقيه عليها السلام وقالت بعدها : سلومه حبيبة قلبي بتعمل إيه
سلمي بضحكه خفيفه: مش بعمل حاجه يا هبه تعالي هنا جنبي
جلست هبه بجوارها علي السرير وضمتها إليها في عناق يشبه عناق الأم لأولادها
تشبثت بها سلمي وكأنها كانت بحاجه الي هذه الضمه من سنوات..
هبه: سلمي انا عاوزه أقولك علي حاجه
سلمي: خير يا هبه حاجة إيه
هبه: سميره ط.... قاطعتها سلمي متجبيش سيرة بنت الكلب دي علي لسانك تاني عشان بتعفرت لما أسمع أسمها
هبه: اهدي يا حبيبتي اهدي بس واسمعيني سميره لما عملت كده كانت مجبره على كده
سلمي: مجبره ازاي يا ست هبه
هبه: أستغفر الله العظيم يارب كانت مجبره وخلاص بقي يا سلمي انا ومني روحنا قابلناها عند فاطمه وكانت معاها اللي يثبت إنها مجبره وكانت حالتها صعبه جدا وفضلت تعيط لحد ما انهارت وفضلت ساعتين نائمه في حالة إغماء
سلمي ببكاء وصريخ : لا والله يا ست هبه وانتي والست فاطمه صدقتوها بقي وخال عليكم الدمعتين دول
هبه محاولة تهدئة سلمي : يا حبيبتي انا عذراكي والله وحاسه بيكي
سلمى : متقوليش حاسه بيا انا محدش حاسس بيا محدش حاسس بالنار اللي جوايا
هبه: طب اهدي يا حبيبتي اهدي وإن شاء الله خير وضمتها في أحضانها مره أخري هدأت سلمي وبدأت في النوم وبدون أن تشعر ذهبت في ثبات عميق من النوم وهي بين ذراعات هبه قبلت هبه رأسها وهي تبكي داعية الله بأن يخفف عنها ما ألم بصديقتها وبدأت تقرأ عليها ما كانت تحفظه من القرآن الكريم هدأت الأجواء في الغرفه وعادت هبه إلى منزلها مره أخري بعد أن أطفأت أنوار غرفة سلمي واطمأنت عليها .....
ألقت السلام علي كريمه وقالت: كوكييييي عندكم أكل إيه النهارده
كريمه: كل اللي نفسك فيه يا قمر
هبه: امممم عاوزه طعميه وفول وبتنجان
كريمه: إيه ده ما شاء الله انتي هتاكلي من الأكل بتاعنا يا ست هبه دا انا مش مصدقه نفسي ازغرط يعني معادش في أكل مخصوص يا ألف رايه بيضه يا ولاد
هبه: هههههههههههه بس بس بس يا كوكي افصلي هي هيصه 😂
كريمه: لا اصلها حاجه غريبه بس كده أحسن
هبه: تمام ماشي انا طالعه اوضتي لما تخلصي اندهي عليا سلام
كريمه: سلام يا هبه ربنا يكملك بعقلك يارب
ذهبت هبه وصعدت إلى غرفتها وجلست في سريرها إلى أن قامت كريمه بمانداتها لتناول الإفطار مع مني ووالدتهم وتناولو الإفطار.....