في الحلال جنه

الفصل الثاني عشر

اتأخرتي ليه يا بيبي قلقتيني عليكي
كانت هذه كلمات أمجد لسميره فور وصولها الشقه تجلد الدم في عروق سميره ولكنها أخذت نفس عميق وقالت بهدوء وببرود مبالغ فيه وغير متوقع : إيه بتقلق عليا أوي كده
أمجد: هاهاهاهاها طبعاً يا روحي دا انتي قلبي من جوا .
سميره: يا روح قلب ماما بجد تصدق مكنتش أعرف
أمجد: واديكي عرفتي يا ستي ابسطي

سميره: أبسط بس دا أنا الفرحه مش سيعاني
امجد: ها انتي كنتي فين بئي
سميره بخبث وتنهيده :أبداً يا سيدي كنت عند الست والدتك اصلها كلمتني وقالتلي إنها عاوزاني
أمجد : وكانت عاوزاكي في إيه بئي !!
سميرة :وانت مالك اتخضيت كده ليه
أمجد: ها وأنا هتخض ليه أنا بس مستغرب إيه اللي ممكن أمي تكون عاوزاكي فيه اوعي تكوني شيطانك وزك وقالك قوليلها علي اللي حصل وأنها ممكن تساعدك ولا حاجه لا تبئي غلطانه وغلطانه غلط كبير أوي كمان
سميره بدهاء شديد للغايه : تؤ تؤ تؤ تؤ يا بيبي أنا مش عبيطه عشان أعمل كده انت يا حبيبي اللي هتقول لمامتك مش أنا لأنك اول ما تروح هتسمع سؤال منها بانها عاوزه تعرف كل اللي حصل معايا ومع سلمي
أمجد بحاله من الرعب : قال نعم!!! انتي بتقولي إيه حضرتك ؟؟
سميره :ثانيه واحده بس عشان لسه التقيل جاي في السكه
وماهي إلا دقيقه ودق بابها فزع أمجد وقالتله سميره :اهدي يا أمجد يا حبيبي انت خايف من إيه
توجهت سميره لفتح الباب فتحت الباب وإذا بوالد أمجد ومعه كريم صديقهم والذي كان يحب سلمي حب أعمى كما يقولون
تسارعت نبضات قلب أمجد وتجلد الدم في عروقه وأخذ يبتلع ريقه بصعوبة بالغه
دخل كل الحضور وجلسوا مع أمجد
والد امجد كان وكأنه يعلم كل شيء :ها يا أمجد إيه رأيك في المفاجأة دي
امجد: ج_ج_ج_جمي_يله يا ب_ابا
كريم: والله أومال مش باين علي وشك ليه يا أمجد باشا ولا انت لسانك بيتقل مع الفرحه

سميره: ها بئي يا قلبي إيه رأيك فيا وفي تفكيري بس تعرف يا أمجد انا اشهدلك انك ساعدتني كتير أوي فخد بئي أشرب مايه عشان نتكلم علي رواقه وترد علينا كويس
شرب أمجد المياه وأخذ يعتدل في جلسته وينظر الي من هم حوله نظر الي سميره قائلاً انتي كده فاكره انك نجحتي ومش هنشر الفيديوهات
عصام(والد أمجد ) : يا بجاحتك يا أخي وليك عين تتكلم قدامي وقام بصفعه علي وجهه من قوة الضربه نزف دم من شفته العليا طب إيه رأيك بئي انك هتمسح الفيديوهات دي دلوقتي حالاً
أمجد : مش همسح حاجه واللي عندكم اعملوه
هاج وثار والد امجد وانهال عليه بالضرب وكل هذا وسميره وكريم في غاية السعاده

أمجد وهو يصرخ :خلاص خلاص همسح كل حاجه حاضر حاضر وقام أمجد ووجهه ينذف دما من كل مكان من قوة الضرب الذي تلقاه من والده وفتح الهاتف وفتح حساب الفيس بوك الخاص به ووجد شئ لم يكن يتوقعه وصرخ وقال : مفيش فيديوهات مفيش فيديوهات كل حاجه اتمسحت
عصام: ولا انت هتستعبط عليا فين الفيديوهات يلا أفتح اللاب كده ووريني فتح اللاب ولم يجد اي شئ أيضاً
وضع عصام يده علي رأسه وقال الحمد لله
أمجد : طب اللي حصل دا حصل ازاي