في الحلال جنه

الفصل التاسع

في نهاية احداث الفصل الثامن جاءت مكالمه الي فاطمه وكان المتصل شخص لم تكن تتوقعه فاطمه في البدايه ظهر الرقم كرقم غير مسجل
ثم بعد ثواني ظهر الإسم علي الترو كولر بإسم سميره زهلت فاطمه لفتره صغيره ولما استفاقت كانت الرنه قد انتهت ظلت فاطمه تفكر وتفكر هل هي سميره التي تسببت في أذية سلمي أم أن برنامج المتصل الحقيقي كالعاده يظهر أي اسم ولا يمت للمتصل بصله بعد دقيقه من التفكير رن الهاتف مره أخرى نفس الرقم فأجابت علي الفور :السلام عليكم
سميره: وعليكم السلام ورحمة الله وبركاته قبل ما تقولي أي حاجه انا سميره اللي في دماغك وانا السبب في اللي حصل لسلمي وأنا عاوزه أشوفك واحكيلك كل حاجه حصلت بالتفصيل وكمان هقولك علي اللي عمل كده وهدلك عليه بس اوعديني انك تسمعيني للأخر عشان انا مظلومه أكتر من سلمي أصلاً
فاطمه: لا إله إلا الله يا بجاحتك يا شيخه انتي ليكي عين تتكلمي أصلاً دا أنا لو شوفتك هخنقك
سميره : ليكي حق تقولي أكتر من كده وانا عذراكي جداً ومش زعلانه منك بس اسمعيني الأول وبعد كده اعملي كل اللي نفسك فيه إن شالله حتي تبلغي عني
فاطمه: ماشي يا سميره هشوفك فين
سميره: أي مكان تحدديه
فاطمه: تعالي عندي البيت بكره بعد العصر بالظبط
سميره: ماشي حاضر هكون عندك بعد العصر بإذن الله
فاطمه: ماشي يا مؤمنه سلام يا أختي علي الله ملاقيش معاكي اللي يشفعلك إني أرحمك
أغلقت فاطمه الهاتف وكانت غاضبه جداً طرقت مريم بابها وقالت : بطه بطه
فاطمه: أدخلي يا مريم يا حبيبتي
دخلت مريم الغرفه علي فاطمه
وقالت لها : بطه بطه هاتي 5 جنيه عاوز اشتري لب
فاطمه: هتشتري لب لمين
مريم: ليا أنا
فاطمه: هتديني شويه طيب
مريم: هاتي أجيب وبعد كده أفكر
فاطمه: لا ما هو أنا لازم أعرف نصيبي هيكون إيه
مريم: ماشي هديكي شويه
أعطتها فاطمه المال وذهبت مريم إلى المقلة التي كانت بجوارهم تماماً
ومن ثم عادت بعد قليل باللب توجهت إلى غرفة فاطمه واعطتها ما فيه النصيب ثم رحلت مسرعه إلى التلفاز لمشاهدة المسلسل
فاطمه بصوت عالي : ابئي احكيلي حصل إيه لما أصحي
مريم: ماشي أسكتي بئي .....
نامت فاطمه علي الرغم من أنها نامت كثيرا لكنها كانت خم نوم في الاجازات ....
................
......... نذهب إلى عمر واميره
باب الشقه يفتح فتقول
أميره: انت جيت ياض يا عمر
عمر: اه يا أميره جيت
أميره: طب حمد الله علي السلامه خش بئي أعمل اللي قولتلك عليه ونص ساعه وتجيلي علي الاوضه
عمر بصوت منخفض : حااااااااضر ثم هدئ وقال بهدوء حسبي الله ونعم الوكيل
أميره: سمعتك يا كلب بس لما تجيلي بس 😡
المهم نفذ عمر ما طلب منه من قبل شقيقته الكبري وبعد قرابة النصف ساعه تقريباً عاد عمر ومعه كوب الشاي وكوب آخر به كوفي ميكس الخاص به
عمر يطرق علي الباب طرقات خفيفه من باب الذوق الإحترام الذي تربي عليه
أميره: تعالي ياعم عمر كل دا تأخير
عمر بلهجه فيها من الصرامه شيء قليل : والله انتي ما عندك دم مش كفايه يوم اجازتي ممرتاني معاكي في البيت وكمان ليكي عين تقولي تأخير ولا مش تأخير خدي واسكتي عشان مولعش فيكي
أميره: انت بتهزر ولا بتتكلم جد ؟
عمر: هزار إيه وبتاع إيه يا شيخه بئي حرام عليكي انتي ولا اللي اشتريتي عبد
أميره: اذا كان عاجبك ياعمر
عمر وقد علي صوته وأظهر غضب شديد لا مش عاجبني يا أميره والنظام ده مش هينفع تاني بعد كده آه انتي أختي الكبيره بس أنا راجل برضو وعيب كده
أحست أميره بجدية عمر في كلامه لها فدمعت عينيها وقالت : أنا آسفه يا عم عمر بس انت عارف إني بعمل معاك كده عشان مليش اخوات ولا حتي بنات عم...