أمينه: وانتي عاوزه تروحي فرح علي ليه يا سميره حرام عليكي تتعبي نفسك وقلبك
سميره: تعب قلب ايه بس يا ماما إيه شغل العيال التوتو ده
كل هذا والدموع كانت تنزل علي وجنتيهم
أمينه: مينفعش يا بنتي تروحي الفرح ده
سميره: ليه ياما مينفعش
أمينه: أصل.......
سميره: أصل إيه يا ماما في إيه ؟
أمينه :بلاش يا بنتي عشان خاطري وخلاص
سميره: ما تقولي في إيه يا ماما متقلقنيش
أمينه: هو انتي عارفه هو هيتجوز مين يا بنتي
سميره: مش فارقه كتير يا ماما
أمينه: لا هتفرق لما تعرفي
سميره: مين يا ماما؟
أمينه واضعة يدها على فمها : هيتجوز كريمه صاحبتك قالتها وهي تبكي والدموع علي كانت تتسابق علي خديها
سميره: نعمممممم!!!!! كريمه ؟ كريييييمممه صاحبتي كريمه اللي هي أكتر واحده عارفه انا بحب علي قد إيه كريمه وافقت تتجوز علي كريمه صاحبة عمري
دا ناقص تقولولي إنها هي اللي قالتله اني قاعده في شقتنا لوحدي
أمينه: اه يا بنتي هي اللي قالتله وإحنا عرفنا كده قريب
في هذه اللحظة توقفت سميره عن الحركه وصمتت لمدة دقيقه ثم وقعت جثه هامده توقف قلب المسكينه من الصدمات لم تستطع أن تتحمل ما ألم بها وجع وتعب وحزن حاولت أمها أن تجعلها تستفيق ولكن محاولاتها بائت بالفشل صرخت الأم علي والدها فحملها والدها واخيها وائل في سيارتهم واتجهو الي مستشفي......
كان النبض ضعيف يكاد لا يسمع او يكون واضح
حملها وائل وصعد بها إلى المستشفي اخذوها منه وادخلوها غرفة العنايه المركزه حاول الدكتور علاء عمل الإسعافات الأولية لها بعدها أرتفع معدل نبضات القلب قليلاً
وما هي لحظات وانخفضت مره اخري حاول من جديد واستجابت وعاد النبض في الزياده مره أخري أطمئن علي استقرار النبض وخرج إلي والدها وأمها واخيها هدأ من روعهم قليلا وعاد إلى غرفته مره أخري كل هذا والأم تبكي على ما حدث لبنتها والأب يدعو الله في صمت وحزن وأخيها كان يقرأ القرآن....
في جانب آخر نعود إلي عمر وأميره
عمر: يلا يا بنتي عشان مينفعش نتأخر عن كده العصر أذن والمفروض نكون هناك من نص ساعه علي الأقل
أميره : حاضر انا خلصت اهو
وخرجت أميره من غرفتها قائله يلا يا حبيبي
عمر يلا يا شق يا كبير
وتعلقت بذراعه وذهبو إلى مكان الفرح
دخلو منزل خالهم والقو عليهم السلام قابلهم الخال بالأحضان وهنئوه وباركو له....
أميره لخالها: خالو حبيبي ألف مبروك يا خال وارتمت في أحضانه وحشتني والله يا خال
حسين(خالهم): وانتي أكتر والله يا ميرو عامله إيه وعقبال فرحك يارب
أميره: في وجودك إن شاء الله يا حبيبي
حسين: عقبالك يا عمور
عمر: حبيبي يا خال في وجودك إن شاء الله يا رب
حسين: اللهم آمين يا رب العالمين
أميره : خالو أنا هطلع لإسراء بقي يا خال
حسين: ماشي يا حبيبتي اطلعي
صعدت أميره إلى إسراء بنت خالها
وعمر وخاله توجها إلى المكان اللي هيقعد فيه الناس عشان يعدلو طرابيزات الفرح....
في منزل فاطمه تستيقظ فاطمه من نومها في تمام الساعة الرابعه عصرا تذهب الي المرحاض لتتوضأ وتصلي فريضة العصر بعد عشر دقائق كانت انتهت من أداء صلاة العصر
ثم توجهت الي غرفة تحضير الطعام لتساعد والدتها في تحضير الغداء لهم ولكمال
سعاد: صح النوم يا ست فاطمه
فاطمه: صح الله بدنك يا أمي ها هتعملي أكل إيه النهارده
سعاد: عامله لينا مكرونه بالبشاميل ودبحت وزه لكمال
فاطمه: طب سوري بقي يا ماما مش هاكل معاكم النهارده انا هاكل مع ابيه كمال 😂😂
أنت تقرأ
في الحلال جنه
Roman d'amourروايه تحكي بعض القصص الرومانسية وتبين حكم بعض العلاقات بين الشباب والبنات وتبين أيضاً لذة الحلال
