بعد أن انتهت أحداث الفصل الثاني علي صوت مزعج قادم من غرفة والدة مني بعد أن استإذنت من فاطمه ذهبت مسرعه إليها هي وكريمه واقتحمو الغرفه ووجدو ساره (ام مني)
جالسه علي الكرسي الخاص بها مني بفزع :إيه يا حبيبتي فيكي حاجه اتعورتي ولا حاجه
ساره :أنا كويسه يا بنتي متقلقيش دا الازازه فلتت من ايدي ووقعت فاتكسرت كده
كريمه:انتي كويسه يا مدام
ساره:اه يا حبيبتي انا كويسه ربنا ما يحرمني منكم أبداً ياحبيابي
مني لكريمه: لمي الازاز دا يا كريمه عشان محدش يدوس عليه
كريمه: حاضر هعمل كده من غير ما تقولي
بعد أن انتهت كريمه من تنظيف الارضيه وذهبت الي أسفل لتكمل تجهيز الغداء
مني: ماما اهدي يا ماما انتي كويسه الحمد لله
ساره: حاضر يا بنتي ربنا يريح بالك وقلبك يارب
مني:بقولك ايه يا ماما انا كنت عاوزه أسئلك علي أحمد هو مش عاد بيجي هنا ليه زي الأول
ساره :مشغول يا مني الله يكون في عونه مضغوط جامد في الشغل وصاحب الشركه بيخلي المهندسين يطبقو ويكملو ال 12 ساعه من 8 الصبح ل 8 بالليل ولما بيرجع البيت بيبئي خلصان وكمان بيرجع يكمل شغل لحد الساعه 11 بس فتره وهتعدي إن شاء الله
مني: الله يعينك يا حبيبي يا أخويا والشغل يرجع 8 ساعات تاني زي الأول عشان عاوزه أرجع أشوفه كتير زي الأول
ساره : يارب
مني :آمين
ساره: بحاجب مرفوع مني 🤔
مني: نعم يا ماما بتبصيلي كده ليه
ساره: بتسألي علي اخوكي كتير ليه اليومين دول عاوزه تقوليله إيه كمان دا أنا لو فتحت دماغه هلاقي مفيش مكان لسر تاني
مني: بضحكه مكاره مش أخويا الكبير يا ماما ولازم اسأل عليه وبعدين بئي اه عاوزه أقوله علي سر جديد انتي عاوزه إيه مننا بئي
ساره :يا برميل غباوه أنا فرحانه أنكم كده وبعدين أهدي علي الواد شويه مش كل ما تشوفيه تقوليله حاجه جديده وعلي فكرة بئي ممكن يكون سبب من أسباب إنه مبيجيش إنه يكون عاوز يخلص من لكك وعجنك ده 😁
مني: طب لعلمك انتي يا قمر لو كلامك ده صح أنا هخليه يجيلك بكره كل أسراره معايا 😉😅
ساره :قومي يا بت من هنا عشان معوركيش
مني: ماشي ياعم الخطر انت 😉
ساره : استني انتي هتقومي بجد انا بهزر معاكي ياعسل انا مقدرش اطردك
مني: بضحكة أشرار هاهاهاهاها وانتي فكراني هقوم بجد ولا ايه دا أنا بعدل نفسي مش أكتر
ساره: يالمضه 😏
مني: بقولك يا ماما ما تجيبي بوسه 😂
ساره: اتهدي بئي انتي متشبعيش بوس لزئتيني يا شيخه والدبان اتلم عليا
مني: بضحك جنوني عشان أنا عسل
ساره :اركزي بئي يا عسل وقوليلي تفتكري أحمد اخوكي لسه بيحب نيره زي الأول..
مني: بإهتمام لأول مره في حياتها ناحية كلام أمها المهم
مني:ليه يا ماما بتسئلي السؤال ده
ساره:مش عارفه بسأل عادي أصل شيفاه مش بيكلمني عنها زي الأول كده لما كان بيقعد معايا بالساعات يكلمني عنها.
مني:ما يمكن دا بسبب الشغل زي ما حضرتك قولتي
ساره:انا قولت كده برضو بس نيره اشتكتلي وقالتلي إنها مش عادت بتشوفه غير وهو نايم تعبان ومش حاسس باللي حواليه دا حتي مبيقعدش مع بناته وكل ما تيجي تكلمه يزهق عليها ويتعصب جامد ويوم الجمعه والسبت صاحب الشركه بيخليه يعمل شغل من علي اللاب واتفاقيات مع شركات أجنبيه والشغل كله علي كتفه وأنا بصراحه عاذره نيره.
مني: والله يا ماما مش عارفه أقولك إيه بس تعالي هنا هي ازاي نيره تكلمك في حاجه زي دي أصلاً
ساره :عادي يا بنتي وبعدين انتي عارفه مرات اخوكي أكتر مني وعارفه إنها مبتتكلمش غير لما تجيب آخرها والتعب يفيض بيها..
مني : بصراحه يا ماما الشهاده لله هي محترمه جداً جداً وشايله أحمد أخويا في عنيها ومهتمه بنفسها عشانه عشان كده هو بيحبها جداً وفوق دا كله متدينه جداً جداً أخلاقها عاليه وروحها طيبه وقلبها أبيض الله يكون في عونها وبصراحه يا بخت أحمد بيها ويا بختها بيه هما الاتنين فعلاً الطيبون للطيبات
ربنا يارب يباركلهم في بعض وفي بناتهم العسلات وربنا يهدي ويصلح الحال يا ماما
ساره : ربنا يكملك بعقلك يا حبيبتي ويرزقك بإبن الحلال اللي يريح بالك وقلبك ويخاف عليكي ويتقي ربنا فيكي
مني: اهي دي بئي أحسن دعوه يتقي ربنا فيا
أنت تقرأ
في الحلال جنه
Roman d'amourروايه تحكي بعض القصص الرومانسية وتبين حكم بعض العلاقات بين الشباب والبنات وتبين أيضاً لذة الحلال
