في الحلال جنه

الفصل الثامن

في نهاية أحداث الفصل السابع دخل محمد علي فاطمه ووجدها جالسه علي الأرض لا تستطيع القيام وتتنفس بصعوبه ووجدها تنزف من فمها وانفها
ذهل محمد من الوضع الذي رأي فاطمه به واتجه مسرعاً إليها وبدأ في إيقاف النزيف بكل الطرق وبالفعل نجح في إيقاف النزيف تماماً ولكنها قد فقدت الكثير من الدماء ودخلت في حالة إغماء اتصل محمد بوالده واخبره أن يأتي علي الفور وبالفعل ذهب ياسين إليهم مسرعاً وعند دخوله الغرفه وجد الكثير من الدماء علي الأرض وقال بصوت
مرتعب علي ابنته محمد إيه اللي حصل يا ابني أختك مالها وإيه الدم ده كله
محمد: مش عارف يا بابا انا دخلت عليها لئيتها واقعه علي الأرض وعماله تنزف من مناخيرها وبؤها والحمد لله قدرت أوقف النزيف بابا انا هنزل أفتح العربيه وانت هاتها وهنروح بيها علي المستشفى نطمن عليها ونشوف في إيه
وبالفعل حملها ياسين علي ذراعيه وهو ينظر إليها ويبكي لانها لا تشعر بأي شيء بجانبها ركب السياره ياسين وبنته بين ذراعيه ومحمد قام بالقيادة إلى المشفى ياسين هاتف الدكتور علي واخبره بأنه ذاهب إلى المستشفى التي يعمل بها فهي من أعلى المستشفيات في مصر وأخبره بما حدث
ولحسن حظهم أن الدكتور علي كان متواجد في المستشفى
دخلو بها غرفة العنايه المركزه نظراً لما فقدته من الكثير من الدماء ولكن خرج أحد المساعدين ورأى حاله من الرعب علي وجوه محمد وياسين واخبرهم بأنها تخطت مرحلة الخطوره وأن كلها ساعات وستكون بخير أطمئن حالهما قليلاً وحمدا الله علي لطفه بهم
بعد ان خرج الدكتور علي ذهبا إليه وسألوه عنها ليطمئن قلبهما أكثر فأكثر فأكد كلام المساعد
محمد احتضن والده بشده وقال : الحمد لله يا بابا مفيش حاجه وفاطمه هتقوم ألف حمد وشكر ليك يارب وشكرا جداً يا دكتور علي وجودك في يوم مش يومك
الدكتور علي : انت متشكرنيش انت اللي تستاهل الشكر لأنك قدرت توقف النظيف تماماً في البيت ولولاك يا بطل كان ياعالم فاطمه كان جرالها إيه خليك فخور بإبنك لأنه أنقذ حياة أخته يا ياسين يا أخويا
ياسين كانت الفرحه تملئ عينه بما فعله محمد وشكر ابنه كثيراً
محمد : طب يا دكتور ممكن أشوفها امتي
الدكتور: ساعه بكتيره أوي علي ما تفوق من البنج خليك انت هنا لحد ما تفوق أدخلها علي طول
ثم ذهب ياسين والدكتور إلى حجرة الدكتور وقال : قولي يا علي ومتخبيش عليا
علي: أقولك إيه يا مجنون انت هو أي وهم والسلام يا أبوي عليكم تعشقو النكد زي عيونكم
ياسين بصرامه: علي انا مش صغير انا شوفت في عينك خوف علي بنتي إيه سبب الخوف ده
علي: ههههههههه انا أخاف يا ياسين أنت عارف إن ده مش حقيقي لأن مفيش عمليه الدكاتره قالو عليها مستحيله وجت عندي ووقفت علي كده انا معنديش غير حاجه واحده بس هي نجاح أي عمليه بنسبة 100% يا ياسين انا عملت عمليات المرضى كانو بيجو خلصانين خالص وأصعب مليون مره من حوار فاطمه ده فكبر دماغك وأنا أؤكدلك إن مفيش أي حاجه عند فاطمه ونص ساعه كده وتخش تسألها بنفسك أطمن بئي يا جدع
ياسين : ماشي يا عم علي ربنا يسمع من بوئك
...........
في ناحيه أخرى وبالتحديد في بيت مني
كانت مني في غاية القلق علي فاطمه وأرسلت لها الكثير من الرسائل ولكن فاطمه لم ترد علي أي منهم زاد القلق لكنها بعد فتره هدأت وقامت تتوضأ لتصلي ركعتين لله وكان متبقي علي صلاة الظهر حوالي ساعه او اقل بقليل
وبعد أن توضأت توجهت إلى غرفتها وشرعت في الصلاه ودعت لفاطمه أن تكون الأمور بخير ويحفظها من كل شر ومكروه وسوء انتهت من الصلاه وذهبت إلى غرفة والدتها وقبلت يديها وقالت لها أنها ذاهبه الي أحمد وبالفعل اتجهت إلى بيت أحمد الذي كان بجوارهم ورنت جرس البيت سمعته نيره وقالت : أحمد أحمد قوم شوف مين بيرن الجرس
أحمد: مش مهم سيبك منه
نيره: قوم يا أحمد بئي لتكون مني ولا حماتي
أحمد: ماشي حاضر هقوم أهو
أستيقظ أحمد وتوجه إلى الباب وقام بفتحه فوجد مني أمامه
فقال: دي طريقه تضربي بيها الجرس يا رخمه
قالت: ما أنا كنت لازم أعمل كده عشان تصحي عرفاك انت ومراتك خم نوم
توجهت إلى الانتريه وهو جلس بجوارها نائم بعض الشيء امعنت النظر فيه فلفت انتباهها وجود أثر حرق في كتف أحمد وقالت: أحمد هي آثار الشوربه الساخنه اللي وقعت عليك لسه باينه
أحمد استفاق قليلاً ونظر لها بعين مغلقه واخري مفتوحه وقال طبعاً لسه موجوده
مني: بس دي من 15 سنه يا ابني فاكر إيه اللي حصل يومها
أحمد: إلا فاكر هو ده يوم يتنسي يا دكتوره
فاطمه: مش مستريحه للهجه بتاعتك دي حاسه إنك هتاكلني علي غفله قلم معتبر من بتوع زمان مش عارفه ليه
أحمد: ههههههههه لا متخافيش انتي كبرتي علي الكلام ده وبعدين يا حبيبتي تتقطع ايدي قبل ما تتمد عليكي يا بت أنا ايدي دي للدفاع عنك مش لضربك
مني: يارب يخليك ليا يا أحلى أخ في الدنيا وتفضل سندي وضهري وعزوتي يا حبيبي ❤
في تلك اللحظه استيقظت إحدى بناته وخرجت من الغرفه فوجدت والدها مع عمتها مني هرولت إليها مسرعه وارتمت في حضنها وقالت وحشتيني أوي يا عمتو
مني: وانتي اكتر يا نبض قلب عمتو
ابتسم أحمد وشعر بالسعاده لما رآه من حب متبادل بين ابنته وشقيقته ومن ثم خرجت نيره زوجة احمد وقالت :اهلا اهلا يا ست مني لسه فاكره اننا قرايب يا بت اومال لو مكانش البيت جنب البيت مكناش شوفناكي خالص ولا ايه
مني بعد ان قابلتها بالاحضان قالت : والله غصب عني يا حبيبتي انت عارفه الماجستير والدكتوراه ومشغوله جداً والله اليومين دول ادعيلي بئي
نيره: بدعيلك من غير ما تقولي دا انتي اختي يا مني واخت حبيبى وعمة بناتي انا معنديش اغلي منك يا مني ❤
نظرت مني الي احمد وهي تغمزله وتقول: خدت بالك من كلمة اخت حبيبي دي الله يسهله يا هندسه 😍
شعرت نيره بالإحراج من مني لأول مره لكنه كان كسوف ممزوج بالسعاده بعض الشيء
ابتسمت لها نيره وقالت عقبالك لما يرزقك بواحد زي احمد كده ويراعيكي كانت السعاده في قلب احمد لا توصف وخصوصاً بأن الكلام كان يصل إلى القلب مباشرة ويعرف انها صادقه في مشاعرها تجاهه نظر كلاً منهما الي الاخر وفي عينيه حب لا يترجم إلى كلام كل هذا وكانت من مني جالسه بينهم تنظر الي نيره مره وإلي احمد الاخري كلاهما لا حياة لمن تنادي ثم نظرت الي اخيها احمد وقالت بصوت عالي : احم احم هنفضل كده كتير ولا ايه 😂
واقتربت من نيره وهمست في اذنها اخد البنات يشوفو ستهم ولا ايه النظام 😂
قالت نيره:ها لا خليكي انا هقوم اجهز الفطار
مني: ماشي يا ست ليلي
نيره : ليلي مين؟
مني: مش عارفه قيس وليلى
نيره: فهمتك يا رخمه😏 طب قومي يا اخت قيس صحي البت ندي اللي خم نوم زي عمتها 😂
مني: عمتها برضو اللي خم نوم دا انا فضلت ساعه اخبط عليكم وانتو مش في الدنيا اصلاً
نيره: طيب يلا قومي صحيها
مني: ماشي
.....................
في مكان اخر حيث نذهب إلى سميره التي استطاعت فاطمه التعرف عليها من خلال صوتها الذي كان في الفيديو المبعوث لسلمي رن هاتفها اكثر من مره
فأجابات في المره الاخيره
وقالت السلام عليكم
؟؟؟:وعليكم السلام ايه يا سميره عامله ايه
سميره: عاوز ايه يا حيوان مش كفايه اللي خليتني اعمله
؟؟؟:لا حاسبي علي كلامك بدل ما انتي عارفه انا ممكن اعمل ايه
سميره: انت ايه يا اخي عاوز مني ايه انت متعرفش ربنا ولا ايه
؟؟؟: هدي اعصابك بس انا خايف عليكي
سميره بغضب شديد جداً : ما تسيبني في حالي بئي يا اخي حرام عليك انت معندكش دم ولا بتحس باللي انت عملته
؟؟؟: طيب يا سموره انا هقفل واكلمك بعدين تكوني هديتي شويه باي باي يا روحي واغلق بكل برود
جن جنون سميره وقامت بإلقاء الهاتف في الحائط لدرجة ان شاشة هاتفها لم يعد بها مكان سليم
هدأت قليلاً ودعت الله بأن يخرجها مما فيها وان يلهمها طريق الحق والصواب
ظلت تفكر وتفكر وخطر علي بالها بأن تذهب لسلمي وتحكي لها كل شيء وتبرأ نفسها مما حدث لسلمي صلت صلاة استخارة وجائتها البشري يأن تذهب وتحكي كل شيء ولكن لن تذهب الي سلمي بل ستذهب الي فاطمه وتقص عليها الحقيقه ومعها ادلة برائتها من كل شيء بعد ان صلت صلاة الظهر اتجهت الي حجرتها لتنام وقررت الذهاب لفاطمه بقلب سليم وبال مرتاح ذهبت في ثبات عميق من النوم...
..............
اما في بيت عمر فكانت الامور هادئه بعد الاطمئان علي صحته وبالأخص راحة بال اميره واطمئنانها علي شقيقها وصديقها وحبيبها وكل شيء لها حتي يأتي من يستحقها
في غفله قال عمر : اميره تعالي ادعكيلي رجلي عشان فيها وجع شديد شويه
نظرت اليه اميره نظره جعلته يعتقد بأنها ستبرحه ضرب ثم قالت : من عينيا با حبيبي
اندهش عمر من ردها وكذلك والدتهما ووالدهما ولكنهم جميعاً لا يعملون ما بنية اميره لانها تعرف بأنه كاذب
اتجهت اميره إلى دورة المياه وجلبت اناء كبير وقامت بملؤه ماء ومعه كوب وعادت الي الغرفه مره اخري وقالت : حط رجلك هنا يا بيه ووجهت كلامها الي ابويها طب بعد اذنكو اتفضلو استريحو بره عشان متتبهدلوش معانا
شعر عمر بالخوف وقال في نفسه متتبهدلوش معانا هي ناوبه تعمل فيا ايه
وقال بصوت عالي لا خليكو
نظرت اليه اميره وقالت : متخافش يا حبيبي
زاد رعب عمر اكثر فأكثر
وجهت اميره انظارها الي والديها وقالت: اتفضلو بئي
وبالفعل ذهبا امه هبطت الي جدته في الدور الأول وخالد ذهب الي عمله واغلقت اميره باب( الشقه)بالمفتاح  واتجهت الي عمر لم تجده في مكانه فجلست علي سريرها بعد قليل احست بحركه وصوت يأتي من تحت السرير قالت في نفسها انه عمر ولكن عندما نظرت إلي باب غرفتها وجدت عمر امامها
والصوت الذي يأتي من تحتها يتزايد باستمرار كادت ان تشل من الرعب نظر اليها عمر واتجه مسرعاً نحوها وامسكها وقال : اميره مالك يا أميره دا الصب بتاعي مفيش حاجه
ظلت اميره صامته لمدة دقيقة وتنظر اليه فقط وملامح وجهها كوجه من رأي شئ يرتعب من رؤيته كاد عمر ان يصفعها علي مقدمه دماغها حتي تستفيق
وعند محاولته لتنفيذ ما كان سيفعله امسكت اميره يده وقالت بصوت عالي: بئي انت يا فسل تقولي تعالي ادعكيلي رجلي انت ياض فاكر ان انا هوافقك علي كده اصلاً وبعدين يا عبيط فاكر اني خوفت ياض دا انا مفطومه علي الافلام الرعب يلا انت مجنون ولا ايه
ومن ثم امسكته من شعره و قالت له : طبعاً انت عارف هتعمل إيه عقابا ليك عليك وعلي المواعين بئي وروح اشتري نسكافيه عشان اشرب شاي
عمر: واشتري نسكافيه ليه وانتي عاوزه تشربي شاي
اميره : مزاجي كده طلبت معايا اني ابهدلك عاوز تقول حاجه
عمر: لا مش عاوز اقول حاجه
اميره : طب يلا قوم من هنا روح هات الحاجات اللي قولتلك عليها
عمر: ماشي
وهو ذاهب قال يا مفتريه عليكي ربنا بصوت خفيف
اميره :سمعتك علي فكره لما تجيلي بس
عمر:لا مبقولش حاجه هو انا اقدر اقول حاجه
..................................................................................................................................
نذهب الي مني في منزل اخيها احمد بعد ان ايقظت ندي من النوم توجها الي سفرة الطعام تناولا الافطار سريعاً وتوجه احمد ومني الي حجرة الجلوس وقالت مني: احمد انا عاوزه اعرف منك حاجه واحده
احمد: ايه يا مني مالك قلبتي مره واحده كده انتي متضايقه من حد في البيت
مني:لا يا احمد انا زعلانه
احمد: لا اله الا الله زعلانه من ايه ومن مين
مني: لا انا زعلانه علي اختك هبه وكل يوم بشوفها تعيط ثم تابعت هو انتو تعرفو حاجه ومخبينها عني
احمد: لا طبعاً مش مخبين عليكي حاجه ايه اللي ممكن نخبيه يعني
مني: معرفش ياباشمهندس ايه اللي ممكن انت تخبيه واللي بسببه بشوف هبه بتعيط كل يوم من غير ما تاخد بالها مني...
احمد:يا بنتي دماغك فيها ايه هنخبي ايه يعني وعياط اختك ده ممكن يكون ندم علي حياتها القديمه فعادي يعني متكبريش الموضوع اوي كده
مني:ماشي يا احمد مش هكبر الموضوع عن اذنك انا ماشيه
احمد: استني يا مجنونه انتي رايحه فين
مني: هروح انا اسأل اختي فيها ايه وياريت تكون زي ما انت بتقول انها بتبكي علي اللي فات من عمرها ومقربتش من ربنا كويس فيه
احمد: انتي مش مصدقاني ولا ايه مني انا هسألك سؤال انا عمري قصرت مع واحده فيكم من حيث الاهتمام بمشاكلكم ومعرفة كل حاجه عنكم وعن حياتكم كلها طب انتي مش عامله اعتبار اني قولتلك انها مفيهاش حاجه وانها في مرحلة التغيير للأفضل ان شاء الله طب مش فاكره لما كنا بنقعد معاها وبنقولها التكفير عن ذنوبك بيكون بالتوبه والاستغفار والخشوع لله في كل شيء
وان لو وصل الامر انها تبكي علي اللي فات عشان ربنا يسامحها تعمل كده وتعيط وهي ساجده لله وانه هيقبل منها كل ما تكون اصدق في خشوعها وتوبتها زعلانه ليه دلوقتي بئي..
مني: يا احمد كل الكلام ده جميل جداً واتمني من الله انه يكون حقيقي وربنا يهديها ويهدينا جميعاً إن شاء الله
بس انا برضو حاسه بوجع من ناحيتها قلبي مشغول بيها وكل يوم بحلم بيها انها في مشكله ومش عارفه تخرج منها وانها في صحرا وواقعه في حفره كبيره وبصحي كل يوم علي صوت عياطها
هنا انهارت مني بالبكاء اتجه اليها احمد وضمها اليه وقال بصوت هادي :ان الله اذا احب عبدا ابتلاه وهذا ابتلاء لها ولنا ولعله خير بإذن الله تعالى
ارجوكي يا مني امسكي نفسك شويه يا حبيبتي
في هذه اللحظه دخلت نيره معها الشاي
ورأت المنظر وضعت الشاي علي المنضدة
واتجهت نحوهم وقالت : ايه ده في ايه بتعيط ليه مني ثم تابعت مني فيكي ايه يا حبيبتي ايه اللي مزعلك
مني:مفيش حاجه يا نيره ثم اعتدلت وقالت :انا هروح اجيب البنات
وخرجت من حجرة الضيوف وذهبت لتحضر البنات في الاول توجهت الي دورة المياه تغسل وجهها
نيره: مني مالها يا احمد
احمد: مني حاسه بحاجه من ناحية هبه وبتشوفها كل يوم بتعيط مع اني مأكد عليها ان لازم محدش يحث بيها
نيره:معلش يا حبيبي ان شاء الله خير وبعدين برضو  غصب عنها ما هي صاحبتها جداً من وهما اطفال فالموضوع صعب عليهم ربنا يكون في عونهم
احمد:يارب يا حبيبتي ❤
مني توجهت الي غرفة البنات لتأتي بهن ولكنهن لم يكونو متواجدين في غرفتهن بعد تفكير عميق تذكرت بأنهن يعشقن اللعب معها ويرعبونها كما يظنون وعلي الفور اتجهت نحو المكان الذي يختبئان به واستطاعت العثور عليهن وقالت بصوت طفولي :انتو فاكرين اني نسيت المكان عمتو مني مش تنسي ابداً يلا اطلعي ابت انتي وهي 😂
خرجا اليها وذهبن ثلاثتهم الي حجرة الجلوس
تناول الجميع مشروبه وذهبت مني واخذت ندي وايمان معها لرؤية جدتهما وقالت لنيره: اي خدمه يا باشا خشو بئي انظرو لبعض براحتكم اقولك علي حاجه اقفلو موبايلتكم وخليه بتاعك لوحدك النهارده
نيره:هههههههه ماشي حاضر يا دكتوره وهقوله نكت مضحكه كمان حلو كده
مني : انا معرفش ياختي حلو ولا لا انتي شيفاني اتجوزت قبل كده 😂 ولا اقولك بلاش نكتك البايخه بالله عليكي لا يطفش منك ولا حاجه 😂😂😂
نيره: نكتي انا بايخه امشي يا بت من هنا
مني: هههههههههه ماشي همشي يلا يا بنات بقولك ايه هيباتو النهارده معانا
نيره: هي دي اختي وحبيبتي اللي اعرفها 😂😂😂😂
مني :هههههه ماشي سلام عليكم بالراحه علي الواد يا بت
نيره :حاضر من عيوني 😂😂😂
ذهبت مني واغلقت نيره باب الشقه
وقالت لأحمد :يا احمد البنات راحو عند ستهم وهيباتو النهارده هناك
احمد : انتي عارفه ده معناه ايه
نيره: معناه ايه يا حبيبي
احمد: معناه اني لازم اكمل نوم
نيره: تكمل نوم طب خش نام يا هندسه
احمد: ايه في ايه انتي زعلتي ما انتي كمان هتدخلي تنامي
نيره :مش عاوزه انام انا
احمد: يا بنتي احنا مش واخدين عهد علي نفسنا ان اي حرب هتحصل بينا لازم يكون في قبلها هدنه
نيره:بس كده فهمتك يلا ناخد هدنه😂
احمد: اشطا يا ومان
نيره: اشطا يا مان
واتجها الي غرفتهم ليناموا(لأخذ الهدنه)
..................................................................................................................................
نعود الي فاطمه والتي عادت الي بيتها من دون اي تعب وشفيت تماما من مرضها التي لم تخبر به احد سوي الدكتور علي
دخلت حجرتها لكي تستريح قليلاً
فتحت اللاب الخاص بها وجدت العديد من الرسائل من قبل مني وجدت ان مني ارسلت رقم هاتفها واخبرتها بأن تحدثها فور رؤيتها للرساله
هاتفتها فاطمه وقالت :ازيك يا مني عامله ايه
مني: اجابت مين حضرتك
فاطمه: انا فاطمه يا مني صاحبة هبه وسلمي مش انتي بعتي رقمك وقولتي كلميني اول ما تشوفي الرساله
مني: اه ازيك يا فاطمه عامله ايه مكنتيش بتردي ليه عليا في الشات
فاطمه: معلش غصب عني والله المهم دلوقتي انا عاوزاكي بكره تجيلي انتي وهبه علي البيت هتلاقي هبه عرفاه كويس
مني: من عيوني يا حبيبتي اجيلك بس خير في حاجه ولا ايه
فاطمه: لا مفيش كنت عاوزه اخد رأيكم في حاجه كده ولازم تيجو
مني : ماشي حاضر
فاطمه: ماشي سلام عليكم
مني: وعليكم السلام ورحمة الله تعالى وبركاته
بعد مرور ساعه من مكالمة مني وفاطمه رن هاتف فاطمه وكان الرقم غير مسجل
وهنا كانت مفاجأة صادمه لفاطمه
تري من الذي يهاتفها هل هو عمر من رقم اخر ام هي اميره ام هي سميره ام هو شخص آخر تماماً وهذا هو الارجح اي كان من هذا الشخص ماذا يريد من فاطمه
تابعوني في احداث الفصل التاسع ان شاء الله قريباً وإجابات كل هذه الاسئله
#ابن_الأزهر
#شاعر_الشرقيه
#أحمد_ماهر