في الحلال جنه

الفصل الثاني

في اليوم التالى استيقظت فاطمه من نومها في تمام الساعه الحاديه عشر بعد مناهده طويله مع والدتها لكي تستيقظ وايضاً لتقوم بتحضير الفطور لوالدها واخيها محمد واختها مريم البالغه من العمر 4 سنوات
استفاقت فاطمه ثم ذهبت لكي تتوضأ وتؤدي فريضة الصبح قبل اذان الجمعة اخذت تؤدي فربضتها وبعد الانتهاء من الصلاه جلست قليلاً تسبح بحمد الله ثم سجدت واخذت تدعي الدعاء المحبب لها ألا وهو
(اللهم اصلح لي حالي وابعد عني كل مكروه وقني شر نفسي الاماره بالسوء ولا تكلني لغيرك طرفة عين وحبب قلبي في الطاعات وابعدني يا كريم عن كل ما حرمت ويسرلي كل عسير اللهم آمين يارب العالمين)....
بعد الانتهاء من دعائها قامت وذهبت الي غرفة تحضير الطعام لتساعد والدتها في جلب الطعام
واثناء تناول الفطار محمد قام بقص عليهم حكايه قد حدثت امامه وهو لا يعلم كيف يحدث هذا
وقال :
محمد : تخيلي يا ماما ان اكرم صاحبي بيتكلم في التليفون مع واحده زميلتنا في الدرس وبيهظرو مع بعض في الشارع وكل صحابنا عارفين وحتي الاستاذه كمان عارفين كده
من غير ما يكون في بينهم اي علاقه ولا حتي من بعيد اصلا واهاليهم غلابه ميعرفوش حاجه ووالد البنت انا عارفه شخصياً وراجل تعبان في شغله عشان يوفر لبنته كل اللي هي بتتمناه وهي لامؤاخذه مقضياها وانا بصراحه خايف لو عرف يجرالو حاجه
ماما هما ازاي كده يا ماما انا بجد كنت فاكر ان الحاجات دي في الافلام وبس..
الام(سعاد) :لا حول ولا قوة إلا بالله طب يا ابني محاولتش تكلم اكرم وتفهمه بالحسني كده ان العلاقه دي حرام وانه حتي لو بيكلمها بنية انها زي اخته حرام برضو لأنها في الإسلام اجنبيه عنه وقوله كمان إنه له اخوات بنات وانت اكيد مترضاش يكلمو حد حاول يا ابني تعقله وترجعه عن اللي في دماغه بس بعقل وحكمه عشان يتجاوب معاك وربنا يهدينا جميعاً ويستر وليانا....
محمد: والله يا ماما كلمته كتير وحاولت معاه بكل الطرق بس هو اللي في دماغه مبيتغيرش ولو قولتله ايه برضو مصمم علي اللي في دماغه زي ما يكون يا ماما مطبوع علي قلبه ولعياذ بالله...
تأثرت سعاد بما سمعته من الجمله الاخيره دي لانه ليس من السهل تماما ان يطبع الله علي قلبك المعاصي ..
سعاد : طب والبنت ازاي تسمح لنفسها بكده اصلا المفروض البنت تحترم اهلها في غيابهم قبل وجودهم
في هذه اللحظه أحست فاطمه بنغزه في قلبها وشعرت أن والدتها توجه إليها هذا الكلام وعلمت أن ما فعلته محرم قبل أن يكون سئ وأن عادات المجتمع والدين إلاسلامي الحنيف يحرمو العلاقه بين الشاب والفتاه بدون وجه شرعي كقرابه قويه أو عقد قران أو خطوبه إلى آخره وماعدا ذلك فهو حرام حرام حتي ولو كانت هذه العلاقه بحسن نيه
محمد: والله يا ماما في بنات قدام أهاليهم ملايكه بجناحات ولما بيخرجوا من بلدهم لأي سبب من الأسباب بيبئو حاجه تانيه خالص معدش في حاجه اسمها احترام البنت لأهلها في غيابهم تلاقي البنت من دول تروح الجامعه تقلب 180 درجه تكلم ده وتخرج مع ده وتصاحب ده ومقضياها علي الآخر وأبوها بيطلع عينه في الشغل عشان ميبئاش في حد أحسن منها ويا عيني بيكون فرحان بيها وفخور جداً بإن بنته في الجامعه كذا ولا الكليه كذا
وهو غلبان وميعرفش بنته علي إيه ربنا يسترها علينا وعلي ولايانا
ياسين 'سعاد :اللهم آمين يا رب العالمين
كادت فاطمه أن تبكي بعد سماع كلام أخيها محمد ولكنها تماسكت وأنهت تناول الطعام ثم ذهبت وقامت بغسل يدها وتوجهت مسرعه إلى غرفتها واغلقت الباب جيداً واخذت تبكي بكاء شديد جداً وهنا يكمن الفارق بين الشخص ذو الأخلاق الحميده وبين الشخص الذي لا يعرف عن الأخلاق شيء الفارق بين الشخصين مهم جداً في حياتنا ألا وهو الشعور بالذنب هو فعلاً من أجمل الأشياء التي يتميز بها ذو الأخلاق الحميده عن غيره من الأشخاص
لأنه حقاً من أعظم الأشياء في هذه الحياه وهنيئا لمن يتمكن من محاسبة نفسه وجعلها تشعر بالذنب مهما كان صغيراً
ودي أكتر شيء ربنا بيحبه في المذنب إنه يعترف بذنبه وأن لا يعمل علي انكاره وأن يسعي جاهداً لتصليح ما افسدته الحياه
وهذه نعمه من الله لا يمن بها الله إلا علي من أراده متقرب منه وأراده أن يكون من أهل الجنه....
أخذت فاطمه بالقرآن الكريم وفتحت المصحف الشريف علي سورة الكهف وأخذت تبكي وهي تقرأ القرآن إلى أن قامت بالانتهاء من قراءة السوره كامله وكانا خديها قد ذبلا من كثرة الدموع ثم أذن المؤذن لصلاة الجمعة قامت بمسح آثار الدموع وذهبت لكي تتوضأ وتصلي مع والدتها وبعد انتهائهم من الصلاة قالت لها والدتها : فاطمه أنا هروح عند ستك عشان خالتك مروه عندها النهارده هتيجي معايا يا حبيبتي
فاطمه: لا يا ماما مش هاجي أنا هعمل شاي وأدخل اقعد في اوضتي شويه
سعاد: ماشي يا بنتي براحتك مش عاوزه مني حاجه قبل ما امشي
فاطمه : لا سلامتك يا أمي وربنا يخليكي لينا آه وابئي سلميلي علي خالتو مروه أوي وكل اللي هناك
سعاد :الله يسلمك يا حبيبتي سلامه عليكم
فاطمه: وعليكم السلام ورحمة الله وبركاته .........
نتجه إلى الدكتوره مني وشقيقة هبه الكبري
استيقظت من نومها وتوضأت وصلت الظهر في منزلها بالتحديد في غرفتها
توجهت مني إلي غرفة شقيقتها هبه وكانت الساعه وقتها هي الثانيه ظهراً هي لم تستعجب لما رأته بالنسبه لهبه وسلمي
حاولت مني مراراً وتكراراً لإيقاظهن لأداء صلاة الظهر ولكن محاولاتها بائت بالفشل واستسلمت مني وعادت إلى غرفتها من جديد وأخذت تتصفح حسابها الشخصي علي موقع الفيس بوك وفي الصفحه الرئيسيه وجدت صوره تجمع كلا من سلمي وهبه وعمر وكريم وأمير وصدمت لما رأته ومن ثم التقطت اسم فاطمه ياسين مشار اليها في هذه الصوره ولكنها غير موجوده معهم انتابها الفضول حول معرفة صاحبة هذا الأكونت وأخذت تتصفح صفحة فاطمه وكانت مسروره جداً لما رأته من أحاديث وأيات قرآنيه وقالت في نفسها هذه هي الفتاه التي ستقبل مني النصيحة الخالصه لوجه الله وسوف تساعدني كثيراً في اتخاذ الكثير من القرارات الصائبه بعون الله تعالي قامت مني بالضغط علي أيقونة إضافة صديق
وفي الجانب الآخر جاء أشعار لفاطمه بأنه هناك طلب صداقه جديد فقامت هي الأخرى بتصفح صفحة مني وخصوصاً أنها قرأت الإسم ووجدت صديقتها سلمي وهبه من الأصدقاء المشتركين
بعد خمس دقائق جاء إلي مني إشعار بأن فاطمه قد وافقت علي طلب الصداقه الذي أرسلته منذ قليل وبدأ الحديث كالتالي :-
مني: السلام عليكم ورحمة الله وبركاته
فاطمه: وعليكم السلام ورحمة الله وبركاته مين حضرتك وعاوزه إيه ؟
مني: أنا أسمي مني معيده في كلية العلوم جامعة عين شمس وعندي 29 سنه وكمان أنا ابئي أخت هبه عز الدين الكبيره
فاطمه: أهلاً بحضرتك يا دكتوره مني وأنا فاطمه ياسين في تالته كلية تربيه انجليزي وصديقه مقربه لهبه وسلمي
مني : أهلاً بيكي يا فاطمه وتشرفت بمعرفتك
فاطمه: الشرف ليا أنا يا دكتوره وربنا يكرمك يارب
مني: طب أولاً كده ممكن أطلب منك طلب
فاطمه : آه طبعاً اتفضلي
مني: ممكن تشيلي الألقاب وتقوليلي يا مني بس من غير دكتوره وياستي اعتبريني اختك الكبيره
فاطمه: يا خبر دا شرف كبير ليا إنك تكوني اختي وهسمع كلامك حاضر وهشيل الألقاب
مني: ربنا يسعد قلبك يارب ويجازيكي خير عن هذه الرساله المبهجه للقلوب
فاطمه ضاحكه: إيه ده انتي اتحولتي ولا إيه مبهجه للقلوب مره واحده
مني بضحك: لأ ياستي متحولتش ولا حاجه المهم تحبي نتكلم في إيه بئي
فاطمه بتفكير: اممم نتكلم في موضوع شاغل دماغي أوي
مني: موضوع إيه ده اللي شاغلك
فاطمه: قوليلي الأول انتي متفقهه في الدين والأحكام الشرعيه وكده
مني: آه الحمد لله
فاطمه: بصي بصراحه كده في موضوع محيرني جداً وحاسه بتقصير في حق نفسي وحق ربنا وكمان حق أهلي
مني: اممم موضوع إيه إيه اللي خلاكي محتاره أوي كده
فاطمه: طبعاً انتي عارفه إن الكليه عندنا مختلطه
مني: آه عارفه طبعاً
فاطمه: وإن إمبارح كان آخر يوم في الامتحانات بتاعة الترم الأول
مني: آه عارفه
فاطمه: وأكيد شوفتي الصورة اللي سلمي وهبه متصورين فيها مع أصدقائنا الأولاد
مني: آه للأسف شوفتها وزعلت جداً جداً لما شوفتها بس انتي مكنتيش في الصوره ليه هو انتي كنتي معاهم ولا لأ
فاطمه: لأ كنت معاهم بس مرضيتش أتصور معاهم عشان لو حد شافها من أهل البيت عندي هتحصل مشكله كبيره جداً ومش بعيد مروحش الكليه دي تاني
مني: المهم إيه اللي حصل يعني
فاطمه: إحنا خلصنا امتحان وطلعنا علي السينما نتفرج علي فيلم انا وسلمي وهبه والتلت أولاد اللي في الصورة دول
مني بحزن شديد: لا حول ولا قوة إلا بالله العلي العظيم أنا زعلانه أوي يا فاطمه
فاطمه: بصي بصراحه انا عارفه إني غلطانه بس لما اشوف الطلبه عندنا في الكليه بقول أنه عادي يعني كل الطلبه كده وأنا مفيش في نيتي أي حاجه وأنا بصراحه تايهه خالص
مني: بصي يا فاطمه في حديث بيقول
عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام )
فاطمه: عليه أفضل الصلاة وازكي السلام بس يعني إيه الحديث ده
مني: الحديث ده معناه إن الحلال معروف للناس والحرام نفس الشئ الناس كلها عرفاه وفي بين الحلال والحرام شبهات زي مثلاً البرواز اللي متعلق في الصالات في شيوخ قالو إنه حرام وناس اجازتهم وهكذا يعني
زي مثلاً انتي دلوقتي لما بتكلمي زميل ليكي في المحاضرات عشان تاخدي منه ملزمه مره في التانيه لئيته بيكلمك في حاجات تانيه وممكن توصل لحاجات شخصيه فبالتالي ربنا نهانا عن كده عشان نتجنب أي حاجه ممكن تحصل بعد كده تغضب ربنا فكون إنك تكوني علي علاقه مع أي شاب أجنبي عنك او حتي قريبك ويجوز ليكي سواء بعلم أهلك او جهلهم فده شيء محرم وربنا سبحانه وتعالى بيبغض الشخص ده لأنه انتهك حرمة أهلك وأنتي كمان مشتركه معاه وزيه بالظبط لأنك سمحتيله بكده أما بئي لو أهلك عارفين وراضيين بكده فدي تبئي مصيبه أكبر لأنهم في الحاله دي مش هيكون عندهم غيره وكلنا عارفين طبعاً إن اللي مبيغرش علي أهل بيته بيكون أسمه ديوث ولعياذ بالله وربنا قال على لسان أشرف خلق الله أن الديوث لا يدخل الجنه
فاطمه: ايوه بس انا نيتي صافيه ومعقتدش إن الحب في الله حرام أو فيه أي حاجه عيب أو غلط
مني: لالالالا ثواني كده ده فرق السما والأرض بين إنك تحبي حد في الله وبين انك تكوني علي علاقه مع أي حد بيجمعك بيه شغل او تعليم أو أي حاجه
طب أنا هسألك سؤال
فاطمه: سؤال إيه
مني: مش انتي بتقولي إن علاقتك بزمايلك اللي بتكلميهم علاقة حب في الله طب إيه بئي اللي مخلاكيش تقولي الكلام ده لحد قريب منك في البيت زي مامتك مثلاً وليه متصورتيش معاهم زي ما للأسف اختي وسلمي عملوا ؟
فاطمه: عشان خايفه من ردة فعلهم
مني: خايفه من إيه بئي هو انتي بتعملي حاجه غلط ولا دا مش زميلك بس زي ما انتي بتقولي ؟
فاطمه: حاسه انهم هيفهموني غلط
مني: تمام إيه بئي اللي هيخليهم يفهمو غلط ؟
فاطمه: يمكن عشان إحنا من الأرياف وكده وعاداتنا وتقاليدنا متسمحش بكده
مني: طب لو انتي عايشه في مدينه والعادات والتقاليد عندهم عادي وبتسمح بكده هترضي إنك تصاحبي ده وتكلمي ده وتخرجي مع ده ؟
فاطمه: ها!! مش عارفه بصراحه بس بنسبه كبيره لأ
مني: حلو أوي كده ليه بئي لأ ما انتي هتكوني في المدينه والعادات والتقاليد هتسمحلك بكده ؟
فاطمه: مش عارفه يا مني بس أنا بطبعي انطوائيه شويه ومبحبش اعرف ناس كتير ولا أتكلم مع اي حد في أي حاجه..
مني: اممم يعني الفكره كلها إنك انطوائيه مش حلال وحرام عندك ؟
فاطمه: أكيد لا طبعاً عشان حلال وحرام بصي بصراحه أنا متلغبطه ومش عارفة أعمل إيه
مني: قربي من ربنا وانتي هتعرفي الطريق الصح..

فاطمه: حاضر ربنا يهديني ويهدينا جميعاً يارب
مني: يارب يا فاطمه يارب
فاطمه: مممم أقولك علي حاجه بصراحه بس متستغربيش!!
مني: آه طبعاً قولي

فاطمه:بصي انا كملتك عشان انا ارتحتلك من غير ما أشوفك وحسيت إنك أختي اللي كنت بدور عليها اللي هحكيلها كل غلطاتي ومش هتزعل مني لا دي هتزعل عليا والحمد لله إني لئيتك صفحتك الشخصيه ريحتني جداً.
مني: بجد مش عارفه أقولك إيه علي الكلام الجميل ده وحقيقي أنا انبسطت جداً إني عرفتك وربنا يقدرني علي إني أكون سبب سعادتك وتقريباً دا نفس شعوري تجاهك
فاطمه: ربنا يديم المعروف ويجمعنا ببعض في الجنه ويجعلنا سند لبعض وعون علي مصائب الدنيا
مني: اللهم آمين يا رب العالمين
فاطمه: ربنا يقبل مني ومنك صالح الأعمال .
مني : آمين يا رب
ها بئي يا فاطمه عرفتي دلوقتي إيه حكم العلاقه بين الولد والبنت بدون أي رابط شرعي وعرفتي كمان ربنا شايفهم ازاي وعرفتي كمان هما بيقضو معظم وقتهم مع بعض في مشاكل ليه وحتي لو مفيش مشاكل بتلاقي ده بسبب إن واحد فيهم بيتنازل عن حاجات كتير عشان خاطر الطرف التاني وفي الآخر برضو بتحصل مشكله كبيره جداً ومبتتحلش غير لما يسيبو بعض حتي بعد كل التنازلات والتجاوزات اللي حصلت وده كله بسبب إن ربنا مش راضي عنهم ومش رايد لهم إن العلاقه تكمل بيسيبو بعض وكل واحد فيهم مقتنع إن التاني هو اللي غدر بيه ودا شيء طبيعي جداً لأن أساس العلاقه من البداية حرام
الفكره يا فاطمه إن إحنا لو حبينا بجد من قلوبنا وفي نفس الوقت خوفنا من ربنا هنلاقي الحياه جميلة جدا هو الحب إيه يا فاطمه غير إنك تدعي ربنا بإنه يجمعك باللي بتحبيه في الحلال وإنه يألف بين قلوبكم دائمًا بالخير ويبعد عنكم أي شيء حرام يعكر صفو الحياه الكريمة اللي بينكم
الحلال حلو أوي يا فاطمه عارفه في الحلال مش هنلاقي التعب والحزن والهموم والمشاكل اللي بتكون موجودة بكثرة في العلاقات الغير شرعية
في الحلال هتلاقي أي مشكله بتحصل بينك وبين زوجك سبب في زيادة حبكم لبعض علي العكس تماماً في العلاقات المحرمه.
الحلال يا فاطمه فرحته متتوصفش ومشاكله مبتدومش بتلاقيها بتتحل تلقائي مع الزمن العشره بتنسي حاجات كتير والزوجين هيعدو لبعض حاجات كتير لأنهم شاريين بعض وربنا راضي عنهم .
فاطمه: ربنا يكرمك بكرمه ويوسع عليكي من علمه بسم الله ما شاء الله ربنا يباركلك يارب
طب انتي كنتي بتقولي إن الحب في الله مختلف انا عاوزه افهم مختلف ازاي
مني: بصي ياستي الحب في الله اجمل حاجه ممكن تحصلك في حياتك يا سلام يا فاطمه لو الشخص اللي يحب حد يحبه في الله عمرك ما هتلاقي حد زعلان من التاني ولا هتلاقيه شايل منه في حاجه لأن كل حاجه بيعملها بيكون طالب فيها رضي ربنا عنه وإن ربنا يظله تحت ظله يوم لا ظل إلا ظله.
نصيحتي ليكي يا فاطمه هي إنك تعفي نفسك من الحرام وانتي ربنا هيرزقك بالزوج الصالح اللي يحبك بجد من كل قلبه وهيسعدك بيه في الدارين الدنيا والجنه في الآخره إن شاء الله
فاطمه: انا والله ما عارفه اقولك إيه علي الكلام الجميل ده كله والنصايح اللي جت في وقتها دي انتي بجد يا مني
خدتي بإيدي في وقت مناسب جداً ربنا يجازيكي خير عن كل حاجه علمتيها لي ترضى ربنا
مني: اللهم آمين يا رب العالمين وجزاكي مثله ويزيد
وفاجئة يقطع حديثهم صوت يأتي من غرفة والدة مني وصوت مزعج للغايه ومقلق وازعج كل من في المنزل
يتبع في أحداث الفصل الثالث