My Tutor Is An Ex-Gangster

Chapter 7

Napasipa na lang si Bianca sa kanyang sasakyan dahil sa sobrang inis. Kung kagabi wala siyang masakyan, ngayon naman ay bigla tumirik ang kanyang sasakyan. Mabuti na lang at wala silang pasok ngayon dahil abala sa celebration sa school. Isang lingo ang kanilang event kaya pwede siya late na pumasok.

Kinuha ni Bianca ang kanyang cellphone sa bag upang tawagan ang kapatid para magpatulong. "Kung minamalas ka naman," inis nasabi nitong makita ang cellphone na-lowbat. Itinapon niya ito sa loob ng sasakyan dahil sa inis. Hindi pala niya ito na-charge kagabi dahil nakatulog siya agad dahil sa pagod.

"Problema, miss?" Napalingon naman si Bianca sa kinaroroonan ng boses. Nakita niya ang isang lalaki nakasakay sa motor. "Nasiraan ka ba? Sabay ka na lang sa akin," dagdag nito. Umiling lang si Bianca, hindi niya ito kilala. Baka mapaano pa ito kung sasama siya, mas mabuting maghanap na lang siya ng taxi at iiwan na lang niya ang kanyang sasakyan. "Alam ko iyang iniisip mo, hindi ako masamang tao. Same school lang tayo."

Nagulat naman si Bianca sa sinabi ng lalaki. Pero ayaw pa rin nito maniwala kaya bumaba ang lalaki sa motor at may kinuha siya sa kanyang bag sabay pakita kay Bianca. "Cirus Jan Monterel," basa nito sa ID.

"Siguro hindi mo ako nakikita kasi malaki ang school, pero kilala kita dahil sikat ka na-model. Kaya huwag ka mag-alala, hindi ako masamang tao." Nakikita naman ni Bianca na mabuting tao ito. Kaya pumayag na lang siya pero bago iyon kinapalan muna niya ang kanyang mukha manghiram ng cellphone upang tawagan ang kanyang kapatid upang puntahan ang kanyang sasakyan.

"Salamat," sabay abot sa cellphone. "Wait, safe ba 'yan?" Tanong nito, first time niya sumakay ng motor at natatakot siya dito.

Napatawa naman ang lalaki dahil sa tanong ni Bianca. " Oo naman, ilang taon ko na itong gamit. Suotin mo ito." Sabay abot ng helmet kay Bianca. Kinuha naman ito ni Bianca at sinuot bago sumakay. Noong una ay napakapit ito sa leather jacket ni Cirus dahil sa takot. Pero nasanay ito habang tumatagal.

Mabilis lang sila nakarating sa school dahil medaling nakakasingit ang motor sa ibang sasakyan. Bumaba na si Bianca at hinubad ang suot na-helmet saka ibinalik kay Cirus. "Salamat pala, pasensya na kung kanina inisipan kitang masama na gusto mo lang naman tumulong."

"No problems," saad nito. Nagpaalam na si Bianca at pumasok na ito sa loob ng school. Madaming tao ang sa kanilang school, may taga ibang paaralan din pumasok. Naka-uniform pa ito, ganito talaga tuwing may event ang kanilang school. Dinadayo ito ng ibang estudyante pero may mga patakaran ang school bago sila makapasok.

Hinanap agad ni Bianca ang mga kaibigan. Hindi naman niya ito matawagan dahil lowbat siya pero kanina ay nabasa niya ang text ng kaibigan na nauna ito sa school. Naisip ni Bianca na pumunta sa booth nila baka nandoon si Misha. Kasama nito kaibigan nila na si Joe. Napangiti naman ito ng makita ang kaibigan, nagliwanag naman ang mukha nito ng makita siya.

"Bianca!' Tumayo ito at sinalubong si Bianca ng yakap. "Ang pretty mo talaga, as always."

"I know right," sabi nito.

"Ang hangin, signal number 2," natatawang sabi ni Misha. "Pero huwag ka mabahala Joe, mas maganda tayo kasi endanger species tayo. Iniingitan." Hinampas naman ni Joe ang balikat ni Misha habang panay ang tawa ni Misha.

"Maka-endanger ka d'yan."

"True naman, endanger beauty natin dahil nanganganib maubos." Napailing na lang si Bianca sa kaibigan.

"Hali na kayo, may basketball games kasi ngayon. Naririnig ko nasabi ng mga estudyante," sabi nito sabay hila sa mga kaibigan.

"Naku, Joe, kilala kita. Mga yummy na papa lang hanap mo doon," sabi ni Misha sa kaibigan, ngumiti lang si Joe at patuloy sa paghila sa mga kaibigan. Pagkarating nila doon ay narinig nila ang sigawan ng mga estudyante sa naglalaro.