My Tutor Is An Ex-Gangster

Chapter 17

"She never flirted with me." Naglakad palapit si Lance sa kanila habang ang mga kamay ay nasa bulsa nito. Huminto ito sa harapan ni Joe habang nakatalikod ito kay Bianca."She didn't steal me from you either. You don't own me," seryosong sabi nito habang nakatingin kay Joe.

Nagulat naman si Joe sa sinabi nito, hindi niya ito inaasahan. "Pero mas una tayong nagkakilala. Inagaw ka lang naman ni Bianca sa akin," paliwanag nito.

"I don't remember where we first met. You're the only one who suddenly approached me at school and kept pestering my friend." Walang ganang sabi nito, lumingon ito kay Bianca. "Kung sa inyong dalawa mas una ko pa yatang nakilala si Bianca," dagdag nito sabay turo kay Bianca.

"Of course not, una tayong nagkita sa Korea noong tinulungan mo ako," saad ni Joe. "Hindi mo na ba ako naalala?" Hinawakan ni Joe si Lance sa braso nito, nakataas naman ang isang kilay ni Lance sa ginawa ni Joe.

"I'm sorry pero hindi ko maalala. Madami na akong natulungan." Napasimangot naman si Joe sa kanyang narinig, pinipigilan nito ang kanyang mga luha. "Don't let this ruin your friendship. We didn't do anything wrong to you. We are close because I only teach her in her lessons."

"Joe.." Sabay na tawag ni Misha at Bianca ng biglang tumakbo si Joe.

"Hayaan n'yo muna siya. Kailangan niyang mapag-isa at makapag-isip." Pigil ni Lance sa kanila nang balak nilang sundan si Joe.

"Tama si Mr. Tutor, Bianca. Kailangan muna natin hayaan si Joe. May kailangan tayong puntahan." Hinila ni Misha si Bianca kaya hindi na ito nakapagpaalam kay Nathan.

"Saan ba tayo?" Tanong nito sa kaibigan ng kanina pa siya nito hinihila. Kanina pa sila na parang may hinahanap.

"Baka nandito 'yon." Hinila na naman nito si Bianca papasok sa cafeteria. Inikot ni Misha ang kanyang paningin na parang may hinahanap nang makita ang hinanap ay hinila na naman nito si Bianca. Napahinto sila sa isang table kung nasaan nandoon si Rachel at mga kaibigan nito.

"May kailangan kayo?" Nagkasalubong ang kilay nito.

"Oo, ikaw bruha ka." Sabay turo nito kay Rachel.

"Oh! Ano ginawa ko sayo, Misha? Bakit galit na galit ka? Bago 'yan ha!" Pang-iinis ni Rachel dito.

"Sa akin wala, pero sa mga kaibigan ko meron." Nagulat ang lahat ng biglang itapon ni Misha ang juice sa mukha ni Rachel.

"Fuck!"

"Alam mo hindi ko alam kung bakit laking galit mo kay Bianca. Wala naman siyang ginawa sayo. Hindi niya kasalanan na maganda siya kesa sayo."

"How dare you!" Namumula na ito dahil sa galit. Sasampalin sana nito si Misha pero nahawakan ni Bianca ang kamay nito.

"Huwag na huwag mo sasaktan ang kaibigan ko," banta ni Bianca dito.

"Oh! Parang alam ko na kung bakit kayo sumugod dito. Kulang kasi kayo, dapat tatlo diba kayo?" Nakangising sabi nito at binawi ang kamay nito. Kumuha ito nang tissue upang punasan ang mukha. "Nagalit na ba 'yong bestie n'yo? Kahit ako naman, magagalit talaga lalo't aahasin ng kaibigan iyong gusto ko. Right girls?" Tumingin ito sa kanyang mga kaibigan at mahinang bumungisngis.

"Ano ba nagawa ko saiyo, Rachel? Bakit ang laki na lang nang galit mo sa akin. Ano sinabi mo kay Joe?"

"Nakikita palang kita, Bianca, kumukulo na iyong dugo ko." Inis na sabi nito sabay irap. "Saka sinabi ko lang naman kay Joe iyong nakita ko. I just being honest, naawa na kasi ako sa kanya," dagdag nito.

"Sabihin mo lang naiinggit ka kay Bianca," singit naman ni Misha.

Hindi naman maipaliwanag ang reaksyon ni Rachel sa sinabi ni Misha. Napataas ang kilay nito. "Excuse me, bakit naman ako maiinggit? Kung sa aming dalawa mas may laman pa utak ko. Grades n'ya nga laging pasang awa."