My Tutor Is An Ex-Gangster

Chapter 15

Madalas tumambay sina Lance at Bianca doon sa kanilang tambayan. Pagkatapos ng klase ay doon agad sila pumupunta. Gusto-gusto naman ni Bianca doon dahil nakaka-relax ang lugar. Lalo na't naging busy na sila sa school dahil malapit na ang break. Mabuti na lang ay tinutulungan siya ni Lance sa pag-aaral at free pa ito.

"Okay na ba 'to?" sabay pakita kay Lance iyong gawa niya.

"Mali ang solusyon mo sa number five," sabi nito.

"Nakita mo agad ang mali? Eh! Hindi mo nga tiningnan nang maayos," reklamo ni Bianca dito. Saglit lang kasi nito tiningnan ang sagot nito.

"Obvious naman kasi mali ang sagot mo sa number five. Mali ang formula na ginamit mo," sabi nito habang abala ito sa paglalaro sa cellphone ni Bianca. "Oh! Mataas na iyang rank mo." Sabay pakita kay Bianca.

"Wow ang galing, akala ko hanggang legend lang ako. Mas naging mahirap kasi." Tuwang-tuwa na sabi nito nang makita na-mythic na ang kanyang rank.

"Madali lang naman," mayabang na sabi nito. "D'yan na tayo sa activity mo. Hindi kasi tama iyang formula mo." Kinuha nito ang ballpen at notebook ni Bianca saka sinulat ang tamang formula. Habang sinasagutan ay pinapaliwanag nito kay Bianca kung paano i-solve.

"Ganyan lang pala kaikli," nakasimangot na sabi nito, ang haba kasi nang solution niya tapos mali pa ang kinalabasan.

"May isang way pa d'yan." Sinagutan naman niya sa ibang paraan, hindi maiwasan ni Bianca na mamangha habang nakatingin kay Lance. "Iyan," sabi nito.

"Wow! Pero mas madali iyong una," sabi ni Bianca at kinuha ang notebook. Napatingin ito sa kanyang relo. "Naku, kailangan ko na umalis. May pictorial pala ako ngayon." Nagmamadaling nilagay ni Bianca ang kanyang mga gamit sa kanyang bag.

Tumayo na rin si Lance at kinuha ang jacket sa may damuhan saka pinagpag ito. Kinuha nito ang bag ni Bianca at siya na ang nagdala. Hindi na nagulat si Bianca dahil lagi naman itong ginagawa ni Lance sa kanya. Pinagbuksan din nito ng sasakyan si Bianca.

"Thank you sa paghatid," nakangiting sabi ni Bianca nang makarating na sila.

"What time ka matatapos?" Tanong nito kay Bianca.

"Hindi ko alam, text na lang kita kapag naka-uwi na ako." Lumabas na ito sa kotse at nagmamadaling pumasok sa building.

Sinalubong naman agad si Bianca ng kanyang manager at make-up artist. Inayusan agad si Bianca ng kanyang team. Matapos ay nagsimula na sila sa kanyang pictorial.

"Nice shot, Bianca!" Puri ng kanyang manager. Napangiti na lang si Bianca sa sinabi nito. Nagpalit na ito ng damit saka kinuha ang gamit nito.

"Aalis na ako," sabi nito bago lumabas. Kinuha muna niya ang kanyang cellphone upang tawagan ang kanilang driver upang magpasundo. Pero nagulat siya nang makita ang sasakyan ni Lance. Lumapit siya dito saka nagulat siya nang makita si Lance na mahimbing natutulog.

Napangiti si Bianca at kinunan niya ito nang-picture. Nilagay muna niya ang kanyang cellphone sa kanyang bulsa saka kinalabit ito, mabuti na lang at bukas ang bintana nito.

"Tapos ka na?" Napaupo ito nang maayos.

"Hindi ka umuwi?" Umiling lang ito. "Bakit?"

"Wala kang dala na sasakyan, delikado naman kung mag-commute ka pa," paliwanag nito. Umatras si Bianca nang buksan nito ang sasakyan. Umikot ito saka binuksan ang sasakyan. "Pasok ka na," sabi nito.

"Thank you," sabi ni Bianca saka pumasok sa sasakyan. Umikot naman si Lance at saka pumasok nasa loob ng sasakyan. Tinulungan nito si Bianca sa pag-ayos sa seatbelt.