My Tutor Is An Ex-Gangster

Chapter 16

"Hey!" Napalingon si Bianca nang marinig ang boses ni Lance. Pagkatapos siya takutin ni Rachel na sasabihin nit okay Joe ang kanyang nakita ay iniwan siya nito. "Are you okay?" nag-alalang tanong ni Lance, inilagay nito ang kanyang palad sa noo ni Bianca. "Hindi ka naman mainit."

"I'm okay." Umatras si Bianca, natatakot ito na baka nasa paligid lang si Rachel nagmamasid.

"Are you sure? You don't look okay. Ihahatid na lang kita sa inyo. So you can rest."

"No, I'm okay." Ngumiti si Bianca. "Let's go," yaya nito. Naunang naglakad si Lance habang nakasunod lang si Bianca. Pero panay pa rin ang lingon nito. Napatingin ito kay Lance nang makita na hindi sasakyan ang dala nito kung hindi motor.

"Oh! Bakit ganyan mukha mo?"

"Nakakatakot kaya 'yan. Mukhang hindi safe." Nakangusong reklamo nito, natawa naman si Lance dahil sa sinabi ni Bianca.

"Don't worry, you're safe with me." Inabutan nito ng helmet si Bianca.

"Pambabae yata 'to," sabi ni Bianca habang tinitingnan ang helmet.

"I buy that one for you." Sumakay na ito sa motor saka sinuot ang helmet nito. "Come here." Pinalapit nito si Bianca saka tinulungan sa pagsuot nang helmet. Inalayan din niya itong sumakay. "Kumapit ka."

Mahigpit naman humawak si Bianca, mukha na itong nakayakap kay Lance. Sobra naman nag-enjoy si Bianca habang tinitingnan ang kanilang nadadaanan. Huminto si Lance sa isang kainan, nasanay naman si Bianca sa hilig ni Lance. Mayaman ito pero gusto nito kumakain sa karinderya, hindi naman umaangal si Bianca dito dahil masasarap naman ang pagkain at malinis ang lugar.

"Girlfriend mo ba ito, Nathan?" Tanong ng isang babae habang nag-serve sa kanilang order.

"Hindi pa po, Aling Berna," sagot ni Lance.

"Sayang naman, bagay pa naman kayo," nakangiting sabi ng babae. Napayuko naman si Bianca dahil ramdam niyang nag-iinit ang kanyang mukha. "Maiwan ko na kayo, tawagin n'yo lang kung may kailangan kayo," sabi nito bago umalis.

"Kumain na tayo," sabi ni Lance, tumango lang si Bianca habang nakayuko pa rin ito. "Masarap ito, kainin mo 'to." Napangiti na lang si Bianca.

"Kilala ka talaga dito?" Tanong ni Bianca dito, para naman may mapag-usapan sila.

"Oo, dito kasi kami kumakain ng mga kaibigan ko."

"Talaga naman bilib ako sa inyo. Ang yayaman n'yo at mamahalin ang mga gamit n'yo pero kumakain kayo sa ganito."

"Mas masarap kasi ito kesa sa mahal na restaurant. Lutong bahay talaga," saad nito. Napatingin si Bianca sa cellphone ni Lance ng bigla itong tumunog. Tiningnan naman ito ni Lance saka pinatay.

"Baka importante iyan." Hindi mapigilan ni Bianca na sabihin ito.

"Nangungulit lang, balak ko na mag-change ng number," sabi nito at nilagay ang cellphone sa bulsa.

"Sino ba 'yan? Bakit ka kinukulit?"

"Kaibigan mo," diritsong sagot nito.

"Si Joe?" Naalala na naman ni Bianca ang sinabi ni Rachel. Natatakot ito kung baka ano sabihin nit okay Joe. Mas mabuti na siya ang magsabi na kaibigan niya si Lance kesa si Rachel at gagawa nang kwento.

"Oo. Kasalanan 'to ni Blue, ibinigay ba naman ang number ko." May kaunting inis ang himig ng kanyang boses. Napayuko na lang si Bianca, kilala niya ang kaibigan makulit talaga ito. Hindi na ito magtataka kung namimilit ito sa mga kaibigan ni Lance upang makuha ang number nito.

"Ayaw mo ba sa kaibigan ko?" Lakas loob na tanong nito.

Napatingin naman si Lance sa kanya, uminom muna ito ng tubig. "Okay lang naman maging kaibigan iyong kaibigan mo. Pero alam ko kasi hindi iyon ang gusto niya sa akin. I can be her friend, but more than a friend, malabo," sagot nito.