Ang puso mang natamaan nang direkta,
Eksaktong nakatuon, 'di kailangan ng tsamba,
Tagilid pa rin nang mapagtanto nito,
Ang kanyang iniirog, sa iba na nakalaan ang puso.
Tagilid man ang sitwasyon, wari'y 'di iniinda,
Hanggang takipsilim ay mabubura,
Patalo na'y lumalaban pa
Sa tagilid na puso'y, walang pag-asa.
Nalulumbay ma'y hindi batid ng iba,
Tagilid na puso'y hindi maipagkakaila,
Kahit na patagong pinana ni Kupido,
At palihim na nadudurog na kanyang mundo.
BINABASA MO ANG
PasiliP (Poetry Compilation)
Poetry"Mga pighati.. Mga dalangin... Sa tinta idinaan.. Ibinulong sa hangin..." ●Plastik Ka Talaga ●Ikatlong Pahina *Ang ibang tulang nakapaskil ay kasama sa PNY9 compilation na na-publish.* ©Kyrian18