Bespren
Walang iwanan, kalokoha'y pinagbibigyan
Totoong tao ka kapag siya lagi ang nand'yan
Kaya mo siya batukan, kaya mo siya yakapin
Kaya mo ang lahat, pwera lang ang paibigin
Kasalo mo sa pagkain, karamay kahit saan
Kahit pa maglakad ng nakayapak sa daan
Ginugulo ang buhok, minsa'y kinakaltukan
Ngunit hindi mo pa din siya kayang mahalikan
Katerno sa mga bagay, alam mo ang lahat
Natatawa ka na lang, kung ga'no siya kabarat
Totoo siyang tao, kahit hindi naman perpekto
Minsan kenkoy, minsan naman seryoso
Alam mo ang tipo niya, gan'un din siya sa 'yo
Kaso wala eh, nagiging plastik ang puso mo
Nahuhulog ka kasi sa bespren mong manhid
Sa kadami-dami, bakit sa tinuring mo ng kapatid?
Tama na ang asaran, ikaw lang ang nasasaktan
Tama na ang pagtulong sa kanyang nililigawan
Tama na ang pag-suggest ng bulaklak at kanta
Tama na ang pagsabing "sasagutin ka rin niya"
Gusto mo ng umiyak, kaso ang saya niya talaga
S'an ka lulugar 'pag ang bespren mo'y taken na?
Habang ika'y nilalamon ng matinding kirot at sakit
Nakatingin sa kanyang ngiti na dulot ay puro pait
BINABASA MO ANG
PasiliP (Poetry Compilation)
Poesía"Mga pighati.. Mga dalangin... Sa tinta idinaan.. Ibinulong sa hangin..." ●Plastik Ka Talaga ●Ikatlong Pahina *Ang ibang tulang nakapaskil ay kasama sa PNY9 compilation na na-publish.* ©Kyrian18
