Hindi ka naduduwag pagkat ika'y lumalaban
Sa pagmamahalang, 'kaw lang ang may alam
Bakit ba kasi, sa kanya tumibok ang puso mo?
Para kang nagpukpok ng bato sa sarili mong ulo
Ang hirap niyang iwasan, ang sakit naman isipin
Kapag sa kanya, damdamin mo'y hirap umamin
Sa kanyang ganda, natotorete kang bigla-bigla
Boses ay nawawala, tuhod mo'y nanghihina
Hindi ka mahina, hindi mo lang talaga masabi
Pagkat ika'y walang tiwala sa iyong sarili
Malayo ka kasi sa tipo na kanyang iniidolo
Walang wala ka, isang suntok sa pagkatao
Natatakot ka lang, sana ay kanyang mapansin
Wala mang salita, mensahe mo sana'y makarating
K'unting lakas ng loob, masasabi mo din
Minamahal mo siya, sana'y kanyang dinggin
Sana pag sinabi mo, 'wag sana siya lalayo
Ang nais lamang ay puso niya'y mapapasa'yo
Torpe man ngayon, isang torpeng nagmamahal
Sa panalangin, kasama siya sa 'yong dasal
Plastik mang maituturing ang 'yong katahimikan
Humanap lang ng tiyempo, kahit nasasaktan
Para sa kanya, isa ka lamang matalik na kaibigan
Makikita niya, siya ay iyong haharanahin at liligawan
BINABASA MO ANG
PasiliP (Poetry Compilation)
Poesía"Mga pighati.. Mga dalangin... Sa tinta idinaan.. Ibinulong sa hangin..." ●Plastik Ka Talaga ●Ikatlong Pahina *Ang ibang tulang nakapaskil ay kasama sa PNY9 compilation na na-publish.* ©Kyrian18