Engot ka
Engot ka talaga at nakakaya mo ang sakit
Sa bawat luha, sinasalo mo ang bawat pait
‘Pagkat tamis ng pag-ibig ay tila ba hangin
Nawala sa isipan ko, nawala sa hangarin
Engot ka talaga at nakakaya mo ang pagod
Magmahal ng babae, nagdadasal, nakaluhod
‘Pagkat puso ko’y bato sa sakit na natamo
Naglaho ang saya, bulaklak na naging tila damo
Engot ka talaga at nagpapakatanga ka na
Umaasang ang pag-ibig mo’y masusuklian pa
‘Pagkat alam mong may wakas ang bawat iyak
H’wag lang ako mawawala, maging iyong kabiyak
Engot ka talaga at pinapaiyak mo ako lagi
Gusto kong maniwalang ‘di ka lang isang kunwari
‘Pagkat nabubuo mo ang nagpipiraso kong mundo
Hindi mo lang alam, kasi engot ka nga..
…pero minamahal ko..
BINABASA MO ANG
PasiliP (Poetry Compilation)
Poésie"Mga pighati.. Mga dalangin... Sa tinta idinaan.. Ibinulong sa hangin..." ●Plastik Ka Talaga ●Ikatlong Pahina *Ang ibang tulang nakapaskil ay kasama sa PNY9 compilation na na-publish.* ©Kyrian18
