i.
Kung inakala mo mang prinsipe ako,
Patawad kung nagpanggap ako sa ‘yo.
Nagmahal kasi ako ng isang bituin,
Kahit alam kong kay hirap mong abutin.
ii.
Gusto kitang hawakan, kahit saglit lang,
Kahit na ako’y nagbabalot-kayo lamang.
Kahit balang araw, malalaman mo din,
Na ako’y huwad at di dapat mahalin.
iii.
Walang pinag-aralan, walang ipinagmalaki,
Sa buhay kong napupuno ng pighati.
Ikaw ang tamis, ikaw din ang aking pait,
Sa iyong ningning, ako’y iyong naakit.
iv.
Kasalanan kong minahal mo na ako.
Patawad kung ako’y lumayo sa ‘yo.
Poot man ang ibunton mo sa akin,
Pinalaya lang kita sa puso kong sakim
BINABASA MO ANG
PasiliP (Poetry Compilation)
Puisi"Mga pighati.. Mga dalangin... Sa tinta idinaan.. Ibinulong sa hangin..." ●Plastik Ka Talaga ●Ikatlong Pahina *Ang ibang tulang nakapaskil ay kasama sa PNY9 compilation na na-publish.* ©Kyrian18