الفصل. 11
كان اسد يجلس في غرفة. علي كرسي.
معصوب العينين.
وظل جالسا وقتا طويلا
حتي اقترب منه احدهم واخذ يدور حوله. وشعر اسد بذلك
فجلس ذلك الشخص امام اسد
وسأله:- بص يا اسد.
من الآخر كده وعلشان نلخص ونجيب مالآخر
هم كم سؤال. واحنا عارفين اجابتهم
لكن حابين نسمع منك.
فياريت. تجاوب بصراحه علشان توفر علينا وعلي نفسك الوقت.
اسد:- طيب اذا كان عارفين الجواب. هتتعبو نفسكم وهتسألوني ليه!
فقال المحقق:- اصل احنا قولنا ان اعصابك تعبت من بعد قتلك ل عابد. ومتوتر ومش هتجاوب بالحقيقه
اسد:- الحقيقه ان عابد مات اثر تناوله جرعه زايده من المخدر.
المحقق:- جديده المعلومه دي. ،. بس حلت لغز رجوعك اللي كان محيرنا في الوقت ده..داحنا افتكرنا ان لك يد في موضوع القطر ده.
عموما. مش عايزين نضيع وقت.
انت سلفي ولا اخواني ولا انصار بيت المقدس ولا صوفي ولا انتمائك لأي جماعه
اسد:- انا مؤمن بالقرآن وما نزل علي محمد صلي الله عليه وسلم.
والرسول صلي الله عليه وسلم. ماقالش انا شيعي. او سني. او صوفي. او. او.
اني ابرء الي الله. من كل حزب وفصيل وجماعه. مهما كان اسمها. ومهما كانت توجهاتها.
المحقق:- تفتكر موضوع السفينه اللي معطله قناة السويس مقصود ولا حصل بالصدفه؟؟
اسد:- افتكر ان المفروض نجمع حل لتحريكها. في الوقت الحالي
وبعدها تحققو في الموضوع
المحقق:- تفتكر ايه الطريقه اللي ممكن نخرجها بيها
اسد:- انا خريج خدمه اجتماعيه. بفهم في البشر وسلوكهم مابفهمش في الالآت والمعدات والسفن
المحقق ساخراً:- بتفهم في البشر اذاي يعني
اسد:- يعني مثلا انا فاهم ان حضرتك وبرغم اني متقيد قدامك. ومعصوب العين
الا انك خايف مني.
وهنا اعتدل المحقق وابتلع ريقه. وتصنع الهدوء
وقال:- اخلف منك انت. معزور يا اسد مانت مش شايفني
اسد ؛- لا شايفك. وشايف الخوف في عنيك.
كوني في مكان زي ده. مأمن ومشدد الحراسه ومخفي. وكوني فرد. وكونكم عشرات ويمكن ميات.
الا انكم. خايفين مني ورابطيني. ومغميين عنيا
المحقق:- مايمكن بنحتفظ بسرية المكان.
اسد:- واينما تكونوا يدرككم الموت ولو كنتم في بروج مشيده. اي شئ يا باشا مش في النور فهو باطل.
انا كأنسان ليا الحق اشوف اللي بيسألني
واحس بالامان وانا محتجز.
ويكون في اشهار للتحقيق معايا
انما انا. كده لا اهلي. ولا قرايبي عارفين عني حاجه.
ويمكن يفتكرو اني مت في القطر.
المحقق وقد وقف :- احنا بس قولنا نتكلم علي انفراد. بس طالما عملت فيها بطل ثوري علي شيخ علي فيلسوف.
فأوعدك. انك هتشرفنا هنا كتير،، وانصرف المحقق للخارج. وتوجه الي مكتب القائد.
والذي كان يشاهد فيديو في جواله
فجلس المحقق امامه. وقال:- الواد ده مش سهل. دا هو لوحده جماعه ارهابيه. افكار ضد النظام.
وبتاع شعارات. ومتفلسف.
القائد نظر الي المحقق واعطاه الهاتف ليشاهد الفيديو.
وفو ان التقط الهاتف. شاهد مقطعاً منتشراً لأسد وهو يتحدث الي الوزير بلسان كل الشعب.
حيث قال ما في نفوس الجميع.
وتناقلت السوشيال ميديا. هذا المقطع
حتي ان الكثير من القنوات الاخباريه. تبحث عن اسد لأجراء لقاء معه
المحقق:-يافندم المفروض النت ده ينقطع خالص
القائد:- عايز تقطع النت عن الناس واحنا في 2021،،
المحقق:- يافندم دا بقي حاجه زفت خالص.
كل شويه حوار وكل شوية مصيبه
القائد :- دا تقريبا المتنفس الوحيد للشعب.
الناس مش قادرة تتكلم. ومنظومة الاعلام بقت صوت واحد وتوجه واحد
المحقق:- قصدك يافندم ان اللي بيعملوه ده وانحيازهم للدوله مش صح؟
القائد:- يابني الصمت والكبت مش في مصلحة الدوله. لازم تكون فيه اليه. للمعارضه البنائه.
ويكون فيه فكر معاكس وده اللي بيخلق حالة تنافس للاصلاح.
المحقق:- عموما يا فندم. اسد ده لازم يفضل هنا شهر ولا حاجه. علشان نستكمل التحقيق معاه
القائد:- اسد ده لازم يكون في بيته في اقرب وقت
المحقق:- اذاي يا فندم. ؟
القائد:- بقولك الكل بيدور عليه. وبعد القبض عليه واختفائه الدنيا هتتقلب.
المحقق:- يا فندم ده متهم. ولازم يتعاقب.
القائد:- النيابه هي اللي تقرر ده.
احنا دورنا. نعرف ان كان حد وراه ولا لاء
وكده دورنا انتهي
ابعته لقسم الشرطه التابع ليه فورا
المحقق :- حاضر يا فندم.
وانصرف واخذ اسد واخرجه. واعاده الي قسم شرطة المركز.
.....................
بينما يجلس سليم يشرب الشاي مع نبيله.
والتي كانت تقلّب في هاتفها. عن احداث القطار.
شاهدت مقطعا لأحد الاشخاص واضعا صورة اسد
ويقول:- ايه ذنب الراجل ده يقول كلمتين قدام الوزير. ياخدوه ويخفوه. ولعند الآن مش عارفين هو فين.
فاعطت نبيله الهاتف لسليم.
فقال:- ده اسد. يا ساتر يارب.
وبينما يتحدثون. سمعت نانا من غرفتها. كلمة اسد. فخرجت مسرعه من غرفتها. تنظر فلم تجده.
فنادتها نبيله لتشاهد الفيديو.
فلما رأت نانا الفيديو. تغيرت ملامح وجهها. وحزنت حزنا شديداً
وقالت:- انا لازم اروح اتطمن عليه
سليم ونبيله كانوا في دهشه
فقال سليم:- هتسافري الصعيد يعني
نانا:- ماهووووو اصل ... علشان الحجه فاطمه تلاقيها تعبانه. دي ما بتستحملش حاجه في اسد
سليم:- ايه رأيك يا نبيله نروح كلنا نقعد لنا اسبوع هناك نغير جو.
نبيله:- والله يا ريت.
سليم:- طيب هاتي تليفوني. اتصل علي اروي والعيال يمكن يحبو يسافرو معانا.
فغضبت نبيله. لانها لا تريد الذهاب بصحبتهم.
فاتصل سليم علي اروي. واخبرها....
أنت تقرأ
الوعد والرحيل. الجزء الثاني.
Historical Fictionمن يعتقد ان النفس البشريه تستطيع ان تتحكم في عاطفة الحب نحو اي شئ فهو مخطئ... فإننا لا نقوي علي اجبار القلب ان يخفق عندما يشعر بذلك، ولا نقوي ايضاً عن اجباره بالتوقف عن الحب برغم الهجر او الفقدان كان صلي الله عليه وسلم يقول: اللهم هذا فعلي فيما أملك...
