الفصل العاشر
عبيد ذهب الي ارض اسد. حيث كان علي يروي الارض هناك
اقترب عبيد منه وجلس بجواره والقي السلام
وكان يحمل بندقيته
فسلم عليه علي واطفئ ماكينة الري التي تصدر صوتاً عاليا. ليتمكن من سماعه.
فقال عبيد:- ابن عمك فين يا علي
فأشار علي مبتسما علي قلبه
وقال:- هنا.
رفع عبيد بندقيته ووجهها الي قلب علي
وقال:- يعني لو اديتك عيار دلوك هضرب عصفورين بحجر
علي:- وتفتكر انت بكده تبقي راجل وزعيم
عبيد:- وايه عرفك انت بالمرجله يا خدام اسد
علي:- ممكن اسالك سوال وتجاوبني عليه بصراحه
عبيد وضع بندقيته بجواره واخرج سيجاره واشعلها
وقال:- اسال يا علي.
علي:- هو انت تعرف اسد'. شفته قبل كده؟
لو قابلك دلوقت هتعرفه؟
عبيد:- ولا عمري شفت ضله
علي:- طيب تعرف طبعه. شخصيته. اسلوبه؟
عبيد:- كل ده ما يهمنيش انا اللي يهمني اني ادفن كل ده تحت التراب
علي:- اما انت اعمي بصحيح.
عبيد:- اتكلم زين يا علي علشان ماخدش روحك
علي:- اهو انت اكده اثبت لي انك اعمي
ماسك عصايه وداير ضرب في الضلمه
مش عارف حربك مع مين. ولا علي ايه.
لاغي عقلك خالص
مع ان النور باين وواضح قدامك وانت مصر تغمض عنيك عنه.
عبيد:- عايز تقول ايه
علي:-اكيد انت سالت اهل البلد عن اسد
وسالت كمان عليه بره البلد
واكيد الكل قالولك انه محترم وطيب وراجل من ضهر راجل. لا يعرف الأذيه. والا الغدر.
بس كل اللي سمعته ده ما يجيش نقطه في بحر من اللي انا اعرفه
لأني من صغري معاه. وشايفه وعارفه
اسد ده شخص سوي. متربي علي يد راجل صالح. وام صالحه. وجدود صالحين.
مورثينه العزه والكرامه والجود والكرم من جدود الجدود
اتربي عالحلال وبالحلال.
عمره ما ظلم ولا اعتدي ولا حتي في يوم حد شكي منه
فمعقول اللي فيه كل الصفات دي يقتل.
معقول اللي بيتشعبط في رضا ربنا يعمل اكده
اخوك كان بيشرب مع حسين ابن صابر
والمخدرات هي اللي عملت في اخوك اكده.
ان كان لك تار صوح. فهو عند تجار المخدرات وعند حسين بن صابر
عبيد:- انت ماعرفتش ان اسد ضرب عابد. قبل ما يقع عالارض ويموت.
اقترب علي من عبيد وصفعه علي خده بقوه
فاغتاظ عبيد ورفع بندقيته وصوبها نحو علي
فقال علي:- ما موتش يعني.
عارف ليه. ؟. لانك واعي. وفايق.
لكن لو متعاطي مخدرات. قلبك بيكون مريض وعقلك. واعصابك بتكون مشدوده.
واقل خبطه تأثر فيك
يا عبيد خليك منصف واصبر لعند مايطلع تقرير الطب الشرعي
وما تبقاش اداه في يد حسين بن صابر يلعب بيك ويوجهك لهلاكك
فكر في اخواتك البنات وامك. من ليهم من بعدك.
صلي علي النبي وفكر زين يا عبيد.
وشيل الشطان من دماغك واستعيذ منه
قام عبيد واخذ بندقيته. وانصرف في هدوء وصمت
لم يتفوه ببنت شفه ولم ينظر حتي الي علي فور انصرافه
اما علي فعاد الي الدار. وقص لفاطمه ما حدث ،
والتي طلبت منه ان يذهب الي الحج اسماعيل.
ويطلب منه الاتصال ب اسد
وابلاغه بما حدث.
....................................
اخذت نانا اسد بسيارتها. واوصلته الي الشقه التي تمتلكها
والتي سوف يقيم فيها اسد
وصلا اسفل العماره وتوقفت نانا في المكان المخصص لسيارتها امام العماره
أنت تقرأ
الوعد والرحيل. الجزء الثاني.
Ficción históricaمن يعتقد ان النفس البشريه تستطيع ان تتحكم في عاطفة الحب نحو اي شئ فهو مخطئ... فإننا لا نقوي علي اجبار القلب ان يخفق عندما يشعر بذلك، ولا نقوي ايضاً عن اجباره بالتوقف عن الحب برغم الهجر او الفقدان كان صلي الله عليه وسلم يقول: اللهم هذا فعلي فيما أملك...
