***النهايه***
اجرت نانا العديد من المقابلات مع مصممين ذوي خبره
واخيرا استقرت علي فتاه تدعي صوفيا. كانت تعمل مصممه لكبري الشركات خارج مصر
ووضعتها نانا تحت الاختبار فأثبتت جدارتها
وكلفتها نانا بمهامها
وظلت داليا تلح علي نانا بأن تسمح بأعادة امجد كموظف عادي
وظلت تقول:- يا نانا رمضان داخل علينا. وده شهر خير. وامجد ظروفه وحشه جدا ومش لاقي شغل
وبعدين هو لا هيرجع شريك. ولا مصمم
احنا هنعينه مراقب جوده.
بمرتب شهري ، وانا هراقبه. وهيكون تحت نظري
لو صدر منه اي غلط همشيه علي طول
نانا:- داليا انا لو هوافق علي الموضوع ده ، هيبقي علشان خاطرك. وعلي مسؤليتك.
انا مش عايزه الفتره الجايه دي اي مشاكل في الشغل
عايزه المصنع يستقر.
داليا:- وانا يا ستي هتحمل مسؤليته.
ولو صدرت منه حاجه غلط انا هتحاسب معاه
نانا:- هو انتي بتعملي معاه كده ليه
داليا:- والله علشان مامته يا نانا.
ست طيبه وبروح ازورها كل فتره
وبتترجاني اعمل كده
نانا:- عموماً انا هروح ،تعبانه شويه
وابقي كلميه ورجعيه
انصرفت نانا وعادت الي المنزل.
ولما وصلت وجدت نبيله تنظف في الشقه
وتعيد ترتيبها
فقالت نانا:- ايه يا ماما. هو انتي جايالك ضيوف ولا ايه
نبيله:- لا عادي انا بروق بس قبل رمضان
نانا:- هو بابا فين؟
نبيله:- راح يعمل توكيل لشريف
نانا:-اخيرا هرتاح بقي من هم الشغل
نبيله:- هانت كلها ايام وترتاحي خالص
نانا:- اذاي يعني
نبيله:- اقصد يعني في رمضان مش هتروحي الشغل كتير
نانا:- ااااه. طيب انا داخله انام. اما بابا يرجع صحيني
...........
ذهب اسد وعلي الي قسم الشرطه
وطلبو مقابلة رئيس المباحث
وطلب اسد منه التنازل علي المحضر وتبرئة حسين
مدعياً انه لم يكن يعرف ان حسين ابن عمه قد اتي الي المنزل في ذلك الوقت
فهم رئيس المباحث ما يرمي اليه اسد
وطلب احضار حسين
وظل اسد يقول ل حسين:- سامحني يابن عمي علي سوء التفاهم اللي حصل
اصل شريف ما كانش يعرف انك جاي تزورنا افتكرك جاي تسرق
حسين:- انت بتعمل اكده ليه
اسد:- علشان انت ابن عمي يا حسين.
ومن دمي. وماينفعش نفضل كده بنكره بعض
انت ماشي في سكه غلط
وانا من واجبي اني امنعك من اللي انت فيه
دانت حتي برغم اللي خالتك هناء بتعمله
ما كانلكش ردة فعل
فين النخوه والاصول اللي اتربينا عليها
فين المرجله اما تسيب وحده زيها تشوه سمعتك وسمعة بيتك
حسين:- قوم تعمل فيا اكده يا اسد
تطلعني حرامي
اسد:- ياد انت ماتفوق لنفسك. دانا كنت هبقي مكانك من عمايلك وتخطيطك اللي زي السم ده
انا جايلك ومسامح في كل اللي عملته
هنفتح صفحه جديده مع بعض
هننسي اللي فات وتبقي واد عمي وسندي وصاحبي
وتبقالك شخصيه وتحافظ علي اسم ابوك وجدك
دانت المفروض تكون كبير وتحل المشاكل
سكة الغلط دي انت شفت بعينك بتودي صاحبها فين.
حسين:- خلاص يا اسد ما عدتش هعمل اكده تاني.
وبأذن الله هبطل شقاوه
اللي شفته في السجن اليومين دول. تعبني قوي
اسد:- وانا بأذن الله هكون معاك لعند ما تقف علي رجليك وتفتح لك اي مشروع في المركز تترزق منه
علي:- ولو عايز تشتغل معاي في الارض يا حسين ونقسم المحصول سوا مافيش مشكله
حسين:- اللي فيه الخير يقدمو ربنا يا واد عمي
أنت تقرأ
الوعد والرحيل. الجزء الثاني.
Ficção Históricaمن يعتقد ان النفس البشريه تستطيع ان تتحكم في عاطفة الحب نحو اي شئ فهو مخطئ... فإننا لا نقوي علي اجبار القلب ان يخفق عندما يشعر بذلك، ولا نقوي ايضاً عن اجباره بالتوقف عن الحب برغم الهجر او الفقدان كان صلي الله عليه وسلم يقول: اللهم هذا فعلي فيما أملك...
