النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق بتسمت غاليه من بين دموعها ورجعت حضناته وهيا تستنشق في ريحته بـ كل قوتها وهيا تحس بـ يديه لـ ضغط بيهم علي جسمها الصغير اول ماركز في الشباب لـ ركبو سياراتهم بـ استعداد انهم يمشو وخلوه يبعد غاليه لـ باسها علي خدودها الاتنين وبتسم بـ ارهاق وألم وهمس :نحبك زادو دموع غاليه وقربت بساته علي خدة :حتي اني نحبك هلبااا مسحلها محمــد دموعها بـ يديه الاتنين وبعد وقف وسكر الباب عليها وهوا يتلفت يشبح لـ سفيان لـ قرب منه وقال :ماتخافش أمانة في رقبتي لين يوصلو بالسلامة بتسم محمــد بـ خفه ورفع يده طبطب علي كتف سفيان وبعد خطوتين وهوا يشبح لـ مجدي لـ شبحلة بـ قرنت حواجب قبل مايركب مع سفيان لـ السيارة ، وخلا محمــد يرجع في عيونه لـ غاليه لـ إشرتله بـ يدها بـ معني باي خلاته يرفع يده ويأشرلها بـ ضحكة تلاشت اول ماتحركت السياره بيها ... . . قراءة ممتعة 💛 البــــ الـ7ـسابع ــــارت مــايكُون إلا المكتُـوب فلا تيـأس فـ أنْ الله موجُـود 💛🔐 . .
عيطت سارة من بين كحاتها المتقطعة زي صوتها لطلعاته:تي اكنسي باهي غبرة خنقتيني الله ياخدك ويفكني من سوك واول ماكملت جملتها ماحست الا بعصاة المكنسة جتها علي ضهرها خلت عياطها يزيد يعلا مع صوت عياط صفاء:وربي هي وربي كان ماتسكريلي فمك ياكلبة نجي نحط فيك دم كبدي بطريحة تلفتتلها سارة وهيا بـ تعيط بس اول مالمحت امها وبوها جايين سكتت بـ نفخة غل طلعت منها ، وكملت تفريش لمنادير وهيا تسمع في بوها مفتاح لـ قعد يشبح لـ حوش غالية ، لـ مجدي كان طول فترت دوارته علي مكان غالية يرمم فيه بشوية وعلي قد فلوسة لـ قدر ينظف بيهم اثار الحرق ويزوق بـ بدائية بروحة علي حسب معرفته القليلة ، وقبل مايمشي لبنغازي عطي لمفاتيح الحوش لجدد لمفتاح لـ لما عرف بجيانهم خلا لبنات ينظفوه ويفرشوه بـ فرش بسيط من عندهم . تنهد مفتاح وقال:ان شاءالله غير مايردة لينا هدا كلة طلعت صفية من المطبخ وقالت :ماعنده شن يرد علي شن بيرقدو وبيدفو صفاء:نفسة عزيزة هلبا يديرها نحسة وقفت سارة بـ نفحة وقالت :مصح وجهه كان هدا ولا يتحشم ولا يستحي كان يديرها ضربتها هيام علي كتفها بـ تفنيصه وشبحت لمفتاح لشبح لساعة يدة وقال:قريب يوصلو خدت صفاء نفسها وتلفتت طبست خدت تليفونها من علي المندار وطلعت لجنان وهيا تتصل بـ غالية لـ زمطت ريقها وهيا تشبح لـ حوشهم لـ قعد اثار الحرق من برا عليه ونزلت بصرها وهيا تشبح لـ مجدي اول ما السيارة وقفت قدام الحوش .
