النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق سكر مجدي باب الحوش والحق بـ محمد لـ حط غاليه في السياره في الكراسي التلانية وركب معاها وهوا يسند فيها عليه ويشد في يداها وصيح لـ مجدي :اركب سوق ركب مجدي و ولع السيارة وتحرك وهوا يساوي في المرايه علي غاليه لـ تتوجع بـ الم خلاها ماتقدرش تمنع صوت عياطها لـ تحاول تكتمه باش ماتخوفش محمد لـ قلبه بيوقف لـ منظرها ، وماتخوف مجدي لـ كان يلقا يطير بـ السيارة طيارة ....
حضنت ايلاف التليفون وهيا تاخد في نفسها وطلعاته بـ دموع سالو علي خدودها وهيا تبعد في التليفون تشبح لـ شاشته لـ كانت مفتوحة علي صورت سفيان لـ خلا سيل دموعها يزيد بـ حرقه .
غمظت عيونها بـ القوة ومسحت دموعها وهيا ترجع تفتح في عيونها علي صوت امها لـ تنادي ، خلتها تسكر التليفون وتحطه علي الطاولة ووقفت وهيا تطلع من الدار لـ اول ماطلعت منها علن صوت التليفون عن مكالمه خلتها ترجع تتلفت بترد بس جاها صوت امها من الصاله :ياايلاف تعالي بسرعه اركبي شوفي خوك راقد ولا خيره صفاء تتصل بيه ومايرد ش فاتت صفاء تليفونها بـ استغراب ومشت لـ امها وقالت :شن فيه ان شاءالله خير نجية :ياناري غاليه جابت وقاعدة في المستشفي بروحها شكلها بتمشيلها ومش قادرة لين تستأذن وهوا شكله راقد شهقت ايلاف لـ حطت يداها علي خدودها وهيا تسمع في صوت تليفونها :ياروحي عليها مش مزال جيابها تنهدت نجيه :من الهم ياناري جابت بكري غير ان شاءالله تنوض مابيهاش بري لخوك قوليله يرد علي مرته هزت ايلاف راسها :باهي اهو تو نركبله وتلفتت طلعت ركبت لـ رؤوف تجري ...
نزل مجدي من درجات باب الرئيسي متع المستشفي وهوا يشبح لـ محمد لـ ساند يديه علي سيارته وعيونه علي الارض بـ قلب ينبض اسرع من البرق علي حالة غاليه وعلي المنظر لـ ماتمني يشوفه فيها نهائياً .
