النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق وتنهدت وهيا تتلفت لـ التليفون لـ تعلا صوته معلن علي مكالمه خلتها تبوس غلا بخفه علي خدها الناعم الصغير ، و وقفت حطتها في سريرها جنب متيم الراقد بـ سلام ، وتلفتت قربت من التليفون لخداته بـ نفخه لـ تحولت لـ كحة اول ماشافت رقم رنا لـ رتسخ في راسها من لما بعتت الرساله .
سكرت علي قبضة يدها الصغيرة بـ قرنت حواجب مع انقباض قلبها وهيا تفتح الخط وتحط في التلفون علي ودنها .....
قراءة ممتعة 💛 البــــ الـ14ــرابع عشــر ــــارت لدعـــة وجاعـــة ، إن كــان عيــن قديــم ردت حباتـــه 🔥
جاها صوت رنا الهادي:الو رفعت غاليه حاجبها وهيا تتلفت لـ باب دارها علي صوت اطقطيق باب الحوش لـ طلعتله وهيا ترد علي رنا :ها تفضلي من تبي ؟ قرنت رنا حواجبها وبعدت التليفون لـ شبحتله بـ نظرت شك انها غالطه في الرقم ، بس لقاته الرقم نفسه ، لـ خلاها ترجع تحط سماعة التليفون علي ودنها ، وقالت :اممم هدا رقم محمد فتحت غاليه الباب لـ صفيه وسارة لـ خشت وهيا تشبح لـ دار مجدي وقبل ماتتكلم ، ردت غاليه علي رنا وهيا تتلفت تعطي بـ ضهرها لـ سارة وصفية ، وقالت بـ تسهويك :ايه ياحنة رقم محمد ، شن تبي فيه ان شاءالله بلعت رنا ريقها بـ توثر من لهجة غالية ، وقالت :انتي اخته شبحت صفية لـ سارة لـ سكرت باب الحوش وهيا تشبح لـ غاليه لـ صيحت بـ استفزاز :لا حبيبتي اني مرته رفعت رنا حواجبها بـ صدمه وعدم استعاب وقالت :مرته؟! غاليه:ايه ياماما مرته ، انتي اللي مني متصله بـ راجل متزوج وبصغاره فوقها خدت رنا نفسها بـ غصة خيبة ورجعت كررت اخر كلمات غاليه بـ بلاها :بصغارة؟!
وهزت راسها تحاول تستوعب بها وقالت بـ لكنه سريعة مكملة كلامها :اممم لا ماتفهميش غلط حبيبتي ، بس امم كنت نبيه في خدمه هزت غاليه راسها بـ رفعت حاجب وهيا تحط في يدها في وسطها :اه وشني هيا الخدمه بالله
رنا :اممم خدمة هكي بيني وبينه ممكن تعطيني رقم يستخدم فيه هوا ظروري لو سمحتي فتحت غاليه فمها بـ ضحكة غيظ :نعطيك رقمه ههه ، انتي شن تحسي وانتي تطلبي في رقم راجلي مني ؟! وخدت نفسها من بين عصبيتها لـ خلت من سارة وصفيه يقربو منها وهيا تسبق في رنا بـ كلماتها بـ تكمله لـ كلامها وكـ انها بركان علي وشك الانفجار:اهو بنكلمك بكل احترام واسلوب وكيوت تمام ، امسحي هدا الرقم من عندك وامسحي من حياتك شخص اسمه محمد وانسي حتي انك تعرفيه
