النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق واول مابعتها رفع راسه بـ دقات متسارعة علي صوت تكسير باب الحوش لـ كسره واحد من الشباب بـ امر من منصور لـ رفع سلاحة مع الشباب بـ إبتسامة رتسمت علي مبسمة:اطلع وسلم روح ماعندكش وين تهرب
حاسو الشباب في الحوش كله ، في المظبخ ، في الحمامات ، وفي الديار اللي اول ماخشو لـ وحده منهم تعلت اصوات الشباب لـ طلعو شاب كان يعافر فيهم بـ عياط :تي النم حول ياعن.... واول مارفع الشاب راسه وشبح منصور زاد علا صوته اكتر:شني ماتعرفوش حرمت حوش لا نمي
رفع منصور حواجبه بـ صدمة وقال وهوا ينزل في سلاحة:من انت هز الشاب راسه وهوا يحاول يبعد لـ شادينا:واللهي فوق ماخشيت عليا في نص حوشي من غير لا احم لا دستور وفوقها تسألو من اني تي حول انم حول
خفي زياد بتسامته وهوا يمسح علي عيونه بـ يده لـ نزلها اول مامنصور تلفت وقاله :شن صاير شبح زياد لـ رعد اللي غمزله بـ خفه وهوا يتلفت يشبح لـ الشباب لـ طلعو كلهم و واحد منهم قال :الحوش نظيف يافندي شبح زياد لـ منصور وقال :اتصال كاذب شكله مش الطقة يامنصور اللي يسربي مخدرات
عيط رعد وهوا يدف في الشباب لـ شادينا وهما يخضو مع بعضهم من حركته الفوضوية:انتم شن تخرطو شن مخدرات مامخدرات ، اني حتي الدخان الساهل ماندخن ولا نعرف شكلهم المخدرات اصلا ، حول من عليا انت وياه حول
ضم زياد فمه بـ كتمان لـ ضحكته وهوا يشبح لـ منصور لـ قرن حواجبه بـ غضب وصيح :سكروله فمه وطلعوه في البوكس شهق رعد لـ زاد من حركته الغجرية لـ خلت شابين يجو يشدوه مع الاربعة لـ شادينه وهما يحاولو يسكروله فمه من بين عياطه وصياحة .
وطلع وراه منصور لـ ركب السياره بغضب وهوا يضرب في الدركسيون بـ غل وتلفت خدي تليفونه من الكرسي لـ جنبه وهوا يتصل بـ عبدالكريم لـ من اول رنه رد :شن صار منصور :خدعنا ياسيدي الحوش مش حوشه ، وشكله عرف بخطتنا حتي لحشيش مالقيناشي في الحوش ضيق عبدالكريم عيونه وهوا يبعد في التليفون ويشوف في رقم خش عليه انتظار طلعلة بـ اسم (مجهول الهوية) خلاه يسكر علي منصور ويفتح الخط وهوا يسمع في صوت محمد لـ عرف نبرة صوته :مش نا ليلتعب بيه وينضحك عليه يافندي ، حق حق بعيونك علي اللي جاي وصفق لي تربيتك ليا
