النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق خدت ميسم منها طاسة العصير وحطتها علي الكمادينو ورجعت تلفتتلها:باهي خلاص بلاش منه نجيب ناكل نا وياك قبل مايهجمن علينا الباردات لتحت هزت غاليه راسها بتنقنيق وتلفتت لـ الجيها التانيه وهيا تغمظ في عيونها لـ ولت و فتحتهم علي صوت دوشه خلتها تنهض روحها وترجع تتلفت لـ ميسم لـ طلعت لـ البلكونه وهيا حاطه يداها علي فمها ، واول ماتلفتت تبي تسكر البلكونه قبل ماغاليه تجي بس اول ماتلفتت لقتها وراها وهيا مضيقه عيونها :شن فيه شني حسه شدتها ميسم من يدها :مافيش شي تعالي نخشو صقع بعدت غاليه ميسم وطلعت لـ البلكونه وهيا تشبح في العيله كلها برا تصيح علي الشاب لعيونه حمر وناااار من الغضب وهوا رافع سلاحه علي محمد لواقف بـ تبات من غير ولا رهبه ولا خوف لـ حس بيهم اول ماجاهم صياح غاليه من فوق :مــجـــدي ....... . .
قراءة ممتعة 💛 البــــ الـ4ـرابع ــــارت ولـ النظرات حديث أبلغ من نطق الكلمات 🥀👌🏻
. . رفع مجدي راسه وشبحلها كيف تلفتت دفت ميسم وطلعت زي المجنونه بـ لهفت شوق وحنان وفي نفس الوقت رعب وخوف ونزلت وهيا تصيح بـ تعب وارهاق باين علي مشياتها المتعتره وعلي وجها الاصفر المليان دموع وصوتها المبحوح لـ طلع بـ عبره مليانه خوف :مـ مـجدي باللهي عليك لا بالـ ـلهي عليك صيح محمد :غاليه خشي جوا وتلفت لـ سالم وزاد صيح :دخلها بسرعه وقبل ماسالم يتحرك تلفتله مجدي بالسلاح وقال :وقف مكانك ماحد يتحرك ورجع شبح لـ غاليه لـ زادت قربت منه :مـ ـجـ ـدي ملو الدموع عيون مجدي :علاش يااختي علاش درتي هكي غاليه :شن درت اني محمد :غاليه باللهي عليك خشي عيط مجدي :وين بتخش ياكلب وين هدي اختي مكانها مش هني ورجع شبح لـ غاليه وكمل :مش هني ياغاليه مكانك مش معاه هوا علاش يااختي هدم دمرونا يتمونا شردونا مكانك مش عندهم غاليه زادت قربت خطوتين منه تحت انظار محمد لـ صيح :غااااليه تلفتتله غاليه وقالت من بين دموعها :خوي هدا خوي ورجعت شبحت لـ مجدي وكملت :راجيتك هلبا ، هلبااا لين يأست ، وانت تعطلت مجدي :اهو جيت وخلاص ماعاش بنسيبك بكل هيا غاليه تعالي نمشو نولو لحوشنا غاليه :حوشنا انحرق هز مجدي راسه بغصة :نخدم ونرده زي ماكان غاليه:ماما واحمد ماتو نزلو دموع مجدي :ناخد حقهم ومانسيبه غاليه :هدا قضاء ربي هز مجدي راسه وشبح لـ محمد :لا هدا جرم ياغاليه غاليه :خلاص مجدي نزله مجدي :امشي معاي انزله محمد :ماعندها وين تعدي صيح مجدي وهوا ينزل في السلاح لـ سحبه ورجع رفعه علي محمد :هوا موتك علي يدي توا ولا بعدين ياكلب غاليه صيحت :لالا مجدي لااااا خلاص نطلع معاك نعدي معاك وين ماتبي بس نزل سلاحك باللهي عليك باللهي عليك مسح محمد علي لحيته وهوا ياخد في نفسه :تي وين بتعدي ياغاليه وين
