النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق وقف سفيان علي حيله بـ رتباك وهوا يمسح في يديه في بعض بـ نظرات غامضه لادت بين الموجودين لين ستكانت في عيون زياد لـ همسله بـ صوت مسموع :مش مستعد نعرض عيلتي للخطر وبعد عيونه من عيون سفيان وشبح لـ عبدالكريم وضرب التحية :اني معاك سيدي ضحك عبدالكريم بـ انتصار وهز راسه لـ سفيان لـ قعد يشبح حولينه بـ صمت ونظرات لا معني ليها .
قراءة ممتعة 💛 البـــ الــ22ـتاني والعشــرون ــارت
(كملتي قرايا)
قرت فرح الرسالة بـ بتسامة خلت قلبها يتهافت لـ لهفة الرد ، وكتبت ( ايه ، علاش 🙄)
وماهي الا لحظات الا تعلا صوت تليفونها لـ قعده شاداته بين يديها معلن عن مكالمة منه خلاها تنقز تقعمز علي السرير بـ تربيعة وهيا تضحك بـ فرحة وكـ انها كانت تراجي في اتصالة .
خدت فرح نفسها من بين ضحكاتها لـ هدت اول مافتحت الخط وحطت التليفون علي ودنها :الو جاها صوت سفيان :الووين ها كملتي وراجعتي هزت فرح راسها :ايه اصلا ساهل النحو سفيان :باهي كويس رفعت فرح حواجبها وقالت :ايه باهي بتسم سفيان بـ صمت لازمه وهوا يسمع في انفاسها وتنهيداتها وهيا تراجي في رده لـ تعطل لـ دقايق خلاها تقرن حواجبها ظناً منها انه الخط علق الا ان بعدت التليفون وشافت انه قعد الخط مانقطعش ورجعت التليفون علي ودنها وناداته:سفيان
تنهد سفيان وهوا يحط في راسه علي لمخده : لأخر مره يافرح بنسألك وباللهي عليك باهي باللهي عليك يافرح نبي جواب صادق مش تسايير ولا جواب خوف مني ضمت فرح شفايفها بـ خوف خلا دقات قلبها تزيد من رتباكهم اكتر ماهيا مرتبكة من صوته الرجولي الحاد :سؤال شني سفيان :تكلمي في سراج ردت فرح تلقائياً :لا سفيان :هوا لكان يومها يتصل بيك تنهدت فرح :ايه شد سفيان علي سنونه بـ عصبية :علاش نحيتيه من الحظر فرح :لا ماحولتاش من الحظر هدا رقم جديد سكت سفيان لـ لحظه وهوا يحاول يتحكم في اعصابه وشعوره لـ قعد يستفز فيه اكتر بسبب عدم فهمه علي احساسه بيه ، وقبل مايتكلم جاه صوت فرح لـ كملت كلامها بـ صوت خايف مرتعش: اني رديت عليه باش نفهمه يسيبني في حالي ومابيتش نديره في الحظر باش كان حاول يتصل تاني نعطي بابا يكلمه ويوقفه عند حده ، مانبيش ندخلك في الموضوع ونزيد من الحساسيه بينكم ومانبيشي يفهم انك انت لـ مخليني نرفضه
