النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق محمد :لما قلت لصقر كنت نبي نقتلك قالي ماتقدرش عشان انت كلب تحت كرعيهم وسكت بضحكة استهزاء :ونا رديت عليه بسذاجه نقدر نقتله وانتم بيطلعوني ، كنت ساذج ههههه لاول مره الطقه يتغباء ويطلع غلط والصقر صح بس صدقت في حاجه نا بس لنقدر نمسك الناس لكيفه وكيفك عبدالكريم :ماتقارنيش بالصقر لانه ظفر مني مايسواشي واللي عندي ماكانش يكسابه محمد :صح فعلا نعم مانقدرش نقارنك بيه عشان هوا ارجل منك علي الاقل كان موضح نوياه من البداية ، الصقر كلب وخاين وخبيت وغدار ايه لكن مش منافق ومتعدد الوجوه كيف حضرتك يافندي رسم عبدالكريم بسمة علي مبسمه محاول يطفي بيها غلة :بما ان تعريت قدامك شوف علي الطيحه لبنطيحهالك غمظ محمد عيونه وهوا يجبد من السبسي وقال:وانت شوف كيف بنعريها بيك قدام الكل ، تشاو يافندي وسكر محمد الخط وهوا يرفع في راسه لـ السماء ويطلع في نفسه مع الدخان .
قراءة ممتعة💛 البــــ الـ19ـتاسع عشــر ــــارت
عيط عبدالكريم لـ صوت عياطه تردد صداه في ارجاء المقر :منصووووووور طق باب المكتب وخش شاب ضرب التحية وقبل مايتكلم حس بـ يد منصور علي كتفه مع صوته :خلاص جيت برا انت وخش منصور وضرب التحية بـ عيون ثابته في عبدالكريم لـ الشرار يطلع من ملامحة الحادة :نعم سيدي تلفت عبدالكريم لـ الحيط وقال :جيبولي نسيبة نزل منصور راسه وهوا يفرك في يديه بـ غضب ممزوج بـ خوف وقال :من ساعتين ماعاش امبين في المقر سيدي شكله روح ولا طلع تلفتله عبدالكريم بـ عياط:اخلقهولي يامنصور جيبوهولي توا نبيه ضرب منصور التحية :حاضر سيدي وتلفت طلع وخلا عبدالكريم لـ ضرب المكتب بـ يديه الاتنين .
. . الخُـوف من المُمكن أن يجعلكـ تشعر بـ أقسي وجع يُسري في أوصالِكـ ❌ . .
ضيقت غالية عيونها بـ انفاس راحت من بين كليماتها لـ طلعتهم بـ صعوبة :خوي ، مجدي واول مادرس سفيان قدام باب الحوش فتحت غالية باب السيارة ونزلت بـ خطوات سريعة خشت لـ جنانهم من بين الشباب الواقفين قدام باب الجنان لـ اول ماشافت مجدي وزياد ومعاهم محمد لتلاقو عيونه في عيونها لـ ملتهم دموع الخوف من انه الماضي يعيد نفسه ويذوقها من نفس الكاس لنسكت منه .
