النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق وقبل مايكمل كلامه ، تعلت اصوات الشباب لـ برا مع الدوشة والحوسه لـ خلتهم ينسو مبتغى حديثهم ويطلعو بـ خطوات سريعة لـ خارج الوزارة لـ كانت محاوطه بـ الشرطة القضائية بـ الكامل .
قراءة ممتعة 💛 البـــ الــ24ـرابع والعشــرون ــارت عُمـرك ماتعامــل الانــذال بـ أصـلكـ ، إنزل لـ مستواهُـم وعـاملهم بـ أصـلهم ✋🏻🔥
#أحدات_من_بارتات_سابقة_لم_تذكر
طلع محمد من الشقه لسكرها وحط لمفاتيح في سلة الورد لمعلقه علي يسار الباب وتلفت لـ الاسنسير وهوا يشبح فيه لو راكب بس لقاه فاضي ، ضيق عيونه وتلفت طبس لـ الادوار اللي تحت لو في حد راكب من الدرج بس كان الوضع طبيعي وهدوء عم علي العمارة لـ خلاه يرتبك اكتر ، ونزل من الدروج ورجع اتصل بـ سفيان بـ رجاء داخلي انه يرد ، يرد ويعفيه من الخيانة ، من الخيبة ، من الكسرة ، بس للاسف انتهي الاتصال بدون رد او رفض خلا من محمد لـ وقف قدام باب العمارة يتمتم بـ كليمات الشتم بـ غضب عارم واضحة من ملامحة وعيونه لـ لادت حوليه بـ تركيز علي الحركة الطبيعية ، الناس يتحاوسو ، صغار يلعبو ، سيارات ماشيات جايات ، وضع طبيعي ، وهادي ، خلا من محمد يتجه لـ سيارته وهوا يطلع في الشفره من التليفون لكسرها بين زوز ولوحها قدامه بـ نظرات تبتت علي الرجلين لوقفو قدامه واول مارفع راسه شبح سفيان ووراه زياد لقال :مارديناش علي خاطر مراقبين تليفوناتنا
قعد محمد يشبحلهم بـ صمت بـ صدمة بـ تشويش ترجمة بعد دقايق طوال بـ كليماته : شن صاير رفع سفيان يديه بـ رفعت كتاف :شن متوقع خيانتنا محمد :وعليش مانتوقعش ضحك زياد لـ قدم بـ خطواته ووقف جنب سفيان مقابل محمد :هههه تحسابني بنخونك زي ماخنت الصقر من قبلك تلفت سفيان لـ زياد بـ تضيقت عيون :كيف مافكرتش فيها هدي ياولد الذينا ماكان مابعتنا حق رفع زياد يده لـ ضرب بيها سفيان علي بطنه بالقوة :سكر فمك ياعن شكلك بتقلبها علي راسي ولا شنو وشبح لـ محمد لـ قعد يشبحلهم بـ عدم فهم ، وقال :وراسك ياطقة مانخونك تي انت خوي والخونه بين الصحاب مش بين الخوت
