النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 {الـقَـفـلــة} . . البــــ الـ1ـأول ــــارت أنــت في عيـوني أجمـل هديــه 💛🌧 . . فتحت عيونها علي وسعهم وهيا تتلفت لـ الباب اللي صوت المفاتيح جايه من وراه ، حطت يدها علي فمها وخدت بـ يدها التانيه الموس من علي رخامة المظبخ وخشت تجري لـ الصاله المظلمه زي الحوش كله ، وخلت الباب لـ انفتح واللي خش وسكر الباب وراه وهوا يشبح لـ الحوش لمظلم ، تلفت فتح ضي الممر وحط مفاتيحه علي الرخامه وخش لـ دار النوم وفتح ضيها وكانت مرتبه وفاضيه ، ضيق عيونه ورجع سكر الضي وتلفت شبح لـ الصاله قرب منها بـ خطوات بطيئه وهوا يمشي لجيهة الضي لـ اول ماحط عليه يده وفتحه ، عيطت وهيا توقف وترفع في يداها :Happy Birthday to حمووودي
ضحك محمد وهوا يمسح بـ يديه الزوز علي وجهه بضحكه وعيونه يلودو علي المكان لمزين كله علي اللون الأصفر من لمبايل لـ الطاوله لـ الكيكه لـ لهدايا لين وصل فيها بعيونه لـ حتي هيا لابسه قفظان أصفر لتحت ركابها مبرز بطنها الكابره شوي ، ومع شعرها لـ زي خيوط اشعت الشمس في عز الشتاء الممطر ، مخلياته مفتوح ومغطي كتافها وظهرها العاريات وهيا تناتر فيه عليهم بـ ضحكه طفوليه مثيره وتشبحله كيف هز راسه بضحكه :شني هضا ياهبله هههههه هزتله غاليه حواجبها وقربت جري من ريموت التلفزيون لـ شغلاته علي لغنيه لـ اول مانفتحت حطت غاليه الريموت وتلفتت لـ محمد وهيا ترقص وتلود علي روحها : عَـــــافـيـتـي عَـــــافـيـتـي يـــانـسـمـه وفـــاتـت بــريـتـي أحـبـــك يــــابـعـد بـيـتـــي وتُـــأمـرنـي أمـــر ، تُــــأمـرنـي أمــر ، دفـيـنـــي دفـيـنـــي بـحـضـنــــك وحــدي خــــلـيـنـي فــدوي لـي عـيـنـــك إسـنـيـنـــي يــــاكـل الـعُـمــر ، يــــاكـل الـعُـمــر ووقفت قدامه وهيا تتمايل بـ دلع خلاه يجبدها ليه وهوا يلف في يديه علي خصرها بضحكه خلتها تلف يداها علي رقبته وهيا تقرب تحرك خشمها علي خشمه وتكمل غني :وغـــالـي غـــالـي الــنـفـس مــالـي يــاغـيـرك مـــاشـغـل بــــالـي أريــدك أنـتَ تِـبـقــــالي وكـــلـهـا تــرُوح 💛
ميل محمد راسه شوي وقرب باسها علي خدها بـعشق كبيــر خلاها تستلد حنيته وحبه الفريد من نوعه زيه هوا وبعدت وهيا تشبحله كيف زاد ضغظ علي خصرها وهوا يقرب من ودنها ويشبح لـ الكيكه المكتوب عليها ( حـبـيـبــي الـدمـاغُـــول ) لخلاته يضحك وهوا يبوس في ودنها ويهمس :امتي درتي هضا كله ومني قالك اليوم ميلادي بعدت غاليه براسها وشدتله خدوده :كان اني عرفتش من يعرف امالا محمد رفع حاجبه :ادوي زين بعيد عنك جلاطة السان مغير يصير شي مش في الحسبان ياغلاي فتحت غاليه فمها وهيا تحاول تفكله يديه من علي خصرها :لالالالالا نبي نكمل العيد ميلاد محمد زاد قرب وباسها من رقبتها:نكملوه بكرا غاليه قلبت شفايفها :حمووودي شد محمد علي سنونه وخدي نفسه وهوا يرخي في يديه :احيه من حمودي احيه ، ونكملو العيد ميلاد علي عيونك ضحكت غاليه وقربت باساته من خده وبعدت باساته من خده التاني وردهالها محمد المره هدي بخفه وباسها علي خدها وشبحلها بـ بتسامه كيف بعدت و قالت :كل سنه وانت طيب وينعاد عليك وتولي شيباني كبير ونا جنبك نديدش فيك طلع محمد لسانه ونتشه وهوا يقرب بشدها بس نقزت غاليه بضحكه ولفت علي الطاوله من الجيها التانيه وقالت من بين ضحكاتها :حبيبي انت نا نبصر رهو ره محمد ضحك :باهي تعالي هنا رفعت غاليه حواجبها :لا وحطت الشمعات لـ علي هيئة ارقام علي الكيكه وهيا تقلب فيهم وتحط في الـ 2 قبل الـ 3 حيت انه طلع رقم 23 وشبحت لـ محمد لـ لفلها وهوا يوقف ورها وحاصرها بين يديه من بين ضحكاتها وحول رقم 3 وحطه قبل الـ 2 حيت انه ولا 32 زي سنوات حياته وقال :عيب عليكي تغلطي في عمر راجلك
