النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق هزت غاليه راسها :تصبح علي خير مجدي :وانتي من اهله وقعد يشبح لـ غاليه لـ تلفتت وخشت وخلاته ياخد في نفسه وهوا يطلع في تليفونه مع تليفون ساره لـ دارة مقفل اول ماسمع صوت مفتاح لـ خلاه يتلبك بـ خجل لـ ظنه لـ طلع غلط .
تنهد مجدي وهوا يتحرك بيطلع بس وقفه صوت ساره لـ جاه :هي انت اعطيني تليفوني
قراءة ممتعة💛 البــــ الـ15ــخامس عشــر ــــارت
تلفتلها مجدي لـ رفع راسه شبحلها كيف جايه من ورا الحوش وهيا محاديه الحيط بـ خطوات و نظرات قوة ممزوجة بـ خوف خلاه يقرب منها بـ خطوات ذبت الرعب في قلب سارة لـ رجعت وخرت وقالت :بابا قعد والله نصيح ونخليه يطلعلك رفع مجدي حاجبه بـ ابتسامة رتسمت علي مبسمة من ردت فعالها الطفوليه :صيحي هي بلعت سارة ريقها بـ عجز خلاها تلازم الصمت وهيا تشبحله كيف هز راسه بـ النفي وهوا يضحك :ههههه خوافة وطلع تليفونها من جيبه وهوا يفتح فيه تحت نظرات سارة لـ رفعت روحها علي روس صوابعها تشوف شن يدير واول مارفع مجدي راسه فيها رجعت وقفت علي حيلها بـ قرنت حواجب خفت بيها خوفها :هاته
زاد مجدي قرب منها لين خلاها توخر بـ خوف وهيا تشبحله كيف قرب من الحيط لـ اتكة عليه ورفع رجله حطها عليه وقال :تعالي قربت سارة منه بـ عدم فهم لـ اسلوبه لـ تغير وهيا تشبح لـ تليفونها ورجعت شبحتله لما قال :شن الرمز هزت سارة راسها بـ غيظ:لا اكيد مش حـ نقولهولك هز مجدي راسه زيها :تمام امالا بيقعد عنــ قصت عليه سارة بـ تنقنيق خوف :خيرك انت خيرك هوا فيه حاجات خاصة ضحك مجدي علي حركاتها وصوتها :هههه واصلا حتي اني نبي نشوفهم هـ الحاجات الخاصة ضمت سارة شفايفها بـ غيظ وخوف وغضب كتمتهم وسكتت لـ لحظات وهيا تشبح لـ تليفونها لـ بين يدين مجدي ، وقبل ماتتكلم وقف مجدي علي حيله وقال :تمام خلاص التـ..
رجعت سارة قصت عليه بـ تنهيده مع نقانها المتواصل :باهي باهي خلاص رجعت الابتسامة علي مبسم مجدي لـ رجع اتكي علي الحيط وقال :شن الرمز نفخت سارة بـ غيظ وهيا تمل عليه في رقم تليفونها لـ كان باسورد التليفون لـ اول مافتح خش مجدي علي الرسائل اللي قعد يفتش بينهم ، وخش علي المكالمات ، واخر شي لـ التطبيقات التواصل الاجتماعي تحت نظرات ساره لـ زادت قربت منه اكتر وهيا تحاول تشبح علي شن خش .
