النِهايـــة بدايـــه ، والقَــفلــة نُقطـه علي نهايــة سطــر عِــشق بــداء في بِــلاد حُــروبِهـا لا تنتّٰــــهي 🥀🍃
سلسلة عشق في بلاد حروبها لا تنتهي تعود لكم بـ جزءها السادس 🎈
كتابة #الياقوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عِــشق فـي بِـلاد حُـروُبِهـــا لا تنتّٰــهي 6 { الـقَـفـلــــة }
في البارت السابق رفع محمد التليفون قدام عيونه وهوا يقرا في محتوي الرسالة ( واهو صحابك باعوك حسن سلوكك مع الشباب لباعتهملك ماتخافش وصيتهم عليك هلبا ) رفع محمد حاجبه وهوا يوقف يطلع لـ البلكونه ويشبح لوطه لزحمة الناس لـ مش مبينه اي شي خلاته يرفع تليفونه ويتصل بـ سفيان بس من اول رنه سكر الخط عليه ، رجع عاود وبرضو تسكر الخط عليه ، جرب الاتصال بـ زياد لـ حتي هوا قابلة بـ رفض مكالمته ، وخلا محمد لـ ثار جنونه وهوا يتلفت يضرب في الكرسي بـ رجله بـ صيحة طلعت من بين سنونه لمسكرهم علي بعض بـ خيبة وغضب :لااااا لااا
قراءة ممتعة 💛 البـــ الــ23ـتالت والعشــرون ــارت نكــران الجميـل كـ نكــران الأصــل 🔥 اتكي سفيان بضهره علي السياره وشبح لـ زياد :وتوا مسح زياد علي شعره بـ كف يده :اسسسسسسس تلفتله سفيان :بيقتلنا رفع زياد عيونه فيه ورفع كتافه بـ صمت وتلفت ركب سيارته وخلا سفيان لـ طلع تليفونه من جيبه وقعد يشبح لـ الساعة لـ دقايق طوال بـ تركيز مافصل عليه شي الا لون الشاشه لـ شلع مع المكالمة لـ تعلا صوتها من رقم خلاه يتنهد وهوا يفتح الخط ويحط التليفون علي ودنه يسمع في صوتها لـ جاه :عمي عبدالحكيم كلم بابا تاني وبابا جي سألني سفيان :باهي ضيقت فرح عيونها :نقوله باهي ؟! غمط سفيان عيونه وهوا يرجع في راسه لـ الخلف :تقولي عينك ضمت فرح شفايفها بـ شبه ابتسامة ارتسمت عليهم بـ صمت وهيا تسمع في صوته ، مكمل كلامه :شن قلتي لعمي رفعت فرح كتافها :مارديتش قعدت ساكته مشي قالي فكري وقوليلي المشكله هوا كلمني ، كان ماما كلمتني ره قتلها لا طول لكن تحشمت من بابا هلباااا شن ندير قولي مسح سفيان علي عيونه بـ توتر وعدم اتزان لـ افكاره المتلخبطه وقال :مش عارف ضيقت فرح عيونها :خيرك شن فيك هز سفيان راسه بـ رفعت يد شبح لـ توقيت الساعة لـ علي معصم يده لـ قربت من الـ9:30 :زعما عادي نخون صاحبي سكتت فرح لـ تواني بعدم فهم بس ردت علي حسب السؤال بدون فضول :كان بتخونه معناها عمره ماكان صاحبك سفيان :خوي هدا مش صاحبي بس فرح :باهي علاش بتخونه سفيان :خايف عليك ضحكت فرح :واني شن خصني ههههههه بتسم سفيان وتلفت لـ زياد لـ صياحه :هيا 9:30 جت رفع سفيان يده لـ زياد ورد علي فرح :بعدين نهدرزو تمام مطر نسكر هزت فرح راسه :تمام
