🧡🧡 رواية يوميات تائب🧡🧡

🍥💡 الحلقة العاشرة 💡🍥

أنـتِ مـ👑ـلگة:
📃🔖 رواية يوميات تائب 🔖📃

🎈يوميات جميلة جدا لحياة شاب ملتزم🎈

🍥💡 الحلقة العاشرة 💡🍥

مصطفى يجمع محاضراته ..ويضع نقاط رئيسية يستطيع من خلالها أن يستذكر تلك المحاضرات ..في حين عادت والدته و شقيقتيه مها ومي من الخارج..
حيث كانت تشتري لهما الأم بعض الملابس الجديدة..

الأم: سلام عليكم يا مصطفى

مصطفى : عليكم السلام ورحمة الله وبركاته..حمد الله على السلامة

مي :مصطفى تعالى شوف اللبس الجديد اللي اشتريناه

مها : لأ متجيش أنت مبيعجبكش ذوقنا

مصطفى : ليه بس كده.. طيب أشوف الأول وبعدين أحكم

تخرج مها ملابسها من الأكياس حيث كانت تخشى ان يعلق مصطفى على الملابس الضيقة التي اشترتها .. بينما تدخل مي لترتدي الملابس الجديدة كي يراها الجميع على الطبيعة..

مصطفى: ايه يا مها مش هتلبسي ..وتفرجينا

مها (مرتبكة ) : لأ . .ليه يعني ما أنت هتشوفها..هتشوفها..يعني هوه أنا مش هخرج بيها يعني..

مصطفى : مش عارف ..مش مطمن لك ليه

مها: بص مي لبست أهيه ..قول رأيك بقى

مصطفى: ايه ده يا مي ؟؟ ايه اللي انت لبساه ده..انت هتخرجي باللبس ده

مي: أمال جايباه أحطه في التلاجة يا توفي .. دي أحدث موديلات

مصطفى : ايه يا ماما ده ..كده مينفعش ..ازاي وافقتيهم على اللبس ده

الأم: دول لسه صغيرين يا مصطفى..(وتتحدث هامسة للبنتين دون ان يلاحظها مصطفى: مش قلت لكم ..أمال لما بابا يشوفه هيقول ايه..ربنا يستر)

مصطفى : لا يا ماما مش صغيرين ..دول بنات كبار ..واذا كانوا هما

صغيرين فإحنا كبار ..واذا كانوا مش عارفين الصح من الغلط..نعلمهم..يا ماما ده حرام ..معقولة يخرجوا

بالبنطلونات الضيقة دي و البلوزات القصيرة دي..لا يا ماما ..كلكم راع ووكلكم مسؤول عن رعيته..دي كل واحد هيبصلها هتاخد ذنب واحنا كمان اللي سيبناها كده هناخد ذنب معاها..ده غير المصايب اللي

ممكن تحصل بسبب كده ..بعدها مش هينفع الندم..

مها : يا ابني كل البنات بتلبس كده ..مش معقول همشي بخيمة..وبعدين ده فيه بنات بتلبس لبس...مقلكش .ده فيه بنات بتلبس هاف ستوماك..

مصطفى : وأنت عاوزة تبقي زيهم؟؟

مها: لا أنا أقصد أنا حالى أحسن منهم..بكتييير.

مصطفى: بصي يا مها ..الحجاب لما ربنا أمر بيه النساء مكنش الهدف

منه تغطية نص الشعر ..يعني واحدة لابسة ايشارب و شعرها باين من تحته..قال يعني مش واخدة

بالها.. وهي بتقول للناس يا جماعة..انا شعري حلو بس هوه اللى بيبان من تحت الايشارب..و لا فتحة

بلوزتها..أو جيبتها القصيرة أو الطويلة وبفتحة ..أو أي تفانين البنات بتعملها رغم أنهم المفروض

محجبات ..تفتكري ..شعرك ممكن يفتن أكتر و لا ايديكي المكشوفة أو بلوزتك المفتوحة او بنطلونك

الضيق.. مش معقول يحذرنا الرسول عليه الصلاة و السلام من الكاسيات العاريات ..وتكوم بناتنا منهم

..إحنا عاوزين نسأل رسولنا الشفاعة..معقولة تطلبي من حد طلب وانت كل يوم بتعملى عكس اللى

طلبه منك..بحجة انك صغيرة..معقولة ترفعي ايديكي لربنا وتدعي وانت كل يوم بتعاندي و تكابري

وتقولى لربنا ..لأ ..أنا مش هنفذ أوامرك ..وفي الوقت نفسه يا رب أنجح .يا رب وفقني..يا رب استر..يا

رب كذا وكذا.

مي: بس احنا عمرنا ما فكرنا في الحكاية دي كده ..يعني احنا مش بنعند مع ربنا أعوذ بالله من كده

مها: وبعدين ده احنا مش بنفوت فرض ..وبنصوم ..وبنتصدق على الفقراء..وكمان فوق ده كله بنحب ربنا أوي وكمان بنحب سيدنا محمد أوي.

مصطفى: كويس وصلتي لأحسن نقطة ممكن يوصل لها المؤمن انك تحبي الله ورسوله ..واللي بيحب حد بيحاول يرضيه بأي طريقة
لكن الأهم دلوقت أن الله و رسوله يكونوا أحب اليكي من كل شيء.

مها: أه و الله ده أنا بحب ربنا و الرسول اوي..ودي حاجات في القلب بقى يا مصطفى.
مصطفى: وقلبك فيه مين كمان؟؟

مي : ايه الأسئلة دي يا مصطفى!! هيكون قلبها فيه مين يعني..احنا مش بتوع الحاجات دي.

مصطفى: لا بجد..قلبك فيه موضة و فيديو كليب و مغنيات و ممثلات ..وصحباتك ..وكلام الناس..ومدحهم اذا لبستي اللبس ده.. يعني عاوز الناس يقولولك ايه الجمال ده و ايه الشياكة دي..لكن لو التزمت هيقولوا هيه عملت كده ليه و بقت شيخة.

مي : مظبوط

مصطفى: بس عارفة ربنا هيقول ايه..هيقول ان بيحب عبده فلان و أمته

كذا..فينادى في السماء أن أحبوا فلان ..فيحبوه أهل السماء ..وربنا ينزل محبته للعبد ده في الأرض

فيحبه أهل الأرض حتى لو كانوا مخالفينه في الرأي..يعني كل دي محاولات علشان تمنعك من

الالتزام..ربنا مستني توبتك ..وهيفرح بيكي أوي لما تلتزمي بأوامره..

مها: يعني نلبس ايه يا مصطفى..عبايات مثلا؟؟

مصطفى: البسي اللي تلبسيه..الاسلام مقالش تايور ولا عباية ولا حدد

مسمى ... اللبس مقصود بيه الستر..واذا متحققش الهدف ده يبقى ده مش لبس..انت تلبسي ملابس

واسعة تغطى الجسم من غير فتنة ..تغطى شعرك كويس ..تلبسي ايه بقى ..ده انت وذوقك بعد كده
مي: طيب واللبس ده أعمل فيه ايه..
مصطفى : ترجعيه للمحل تاني وتبدليه بلبس محترم ..ايه مفيش لبس

محتر

م في الأسواق..أو تحاولي توفقي المناسب منه على لبسك..ده شغل بنات بقى وانت عرفتي

الصح من الغلط دلوقت ومسئوله عن تصرفاتك بعد كده..علشان متجيش يوم القيامة وتشاوري علينا وتقولي ..هؤلاء أضلونا..اتفقنا؟؟

مها ومي في صوت واحد: اتفقنا..

تابعونا...

🔅🔅🔅🔅🔅
#يوميات_تائب
#فريق_أنتي_ملكة