نفوذ العشق

الحلقة الثانية

فى الجامعة

توقف صقر بالسيارة وقبل جبهة سيلا قائلاً :

- يلا يا حبيبتى .. هاجيلك علشان أخدك تمام

ابتسمت قائلة برقة :

-حاضر يا أبيه

ونزلت تحت أنظاره وظل يتابعها حتى دلفت للداخل وانطلق لوجهته

بينما فى الداخل كانت هى تبحث عنها فوجدت من تلكزها قائلة :

- صباح القمر

شهقت سيلا ولكنها ابتسمت ما إن رأتها وقالت :

- كنت بدور عليكى

شيرين وهى تغمز لها :

- طب مفيش خمس دقايق كدا نشبع من القمر

ابتسمت سيلا بخجل وسارت قليلاً فتبعتها شيرين بمكر لم تلحظه سيلا

بعد قليل فى المرحاض

كانت شيرين تداعب خصلات سيلا بتركيز فقالت سيلا :

- شيرى أنا بفكر أقول لمامى

توقفت شيرين قائلة بعدم فهم مصطنع  :

- تقوليلها ايه ؟!

نظرت لها سيلا ولم تتحدث فقالت شيرين وهى تداعب وجنتى سيلا قائلة وهى تنظر لها كالأفعى :

- وتفتكرى يا روح مامى انتى .. مامى بتاعتك دى .. سيدة المجتمع الراقى ومرات أهم رجل أعمال وكمان ولادها اسمهم يهز الدنيا .. هتقبل اللى انتى هتقوليه

نظرت لها سيلا ولم تتحدث أيضا فقالت شيرين وهى مازالت تداعب وجنتى سيلا :

- سولى

سيلا وهي تعيد ترتيب أفكارها مرة اخري :

-نعم ؟!

شيرين بإبتسامة مصطنعة :

- لو جبتى سيرة الموضوع دا مرة تانية مش هتشوفينى تانى

أومئت سيلا قائلة بتراجع :

- حاضر

شيرين وهى تربت على وجنة سيلا :

-كويس . طبعت قبلة بجانب شفتيها وقالت :

- يلا ورانا محاضرة .. هنتأخر

وخرجتا من المرحاض متجهتين إلى قاعة المحاضرات

فى فيلا مريم التى يقطن بها جاسر وشمس

كانت شمس جالسة على المائدة ثم همت صائحة :

- يلا يا ولاد

جاءت عشق قائلة بمرح :

- أنا جيت

شمس بحب :

- صباح الخير يا قلب ماما

عشق وهى تقبل وجنتى والدتها :