نفوذ العشق

اقتباس 💙

نبرته الحادة قطعت صدمتهم وتصنمهم فلم يعقب أي منهم وخرجوا بلا أي اعتراض فوقف أدم بعصبية قائلاً : مين اداكي الحق يا مدام تاخدي ابني من المستشفي بالطريقة دي ، لا وبدون حتي ما ترجعيلي وكأني مش أبوه

قبّلت عشق جبهة جواد ولم تنتبه لأي مما قاله زوجها لتوه فإشتعلت نيران الغضب بداخله و صاح بنبرة رعدية شرسة : أنا بكلمك يا مدام

حينها فقط انتبهت لحديثه فإلتفتت له قائلة بنبرة فاترة : وطي صوتك يا أدم ، حالة جواد متستحملش الزعيق دا

ـ هو أنا لسه زعقت ، الزعيق لسه جاي ، بأنهي حق تنقلي الولد من المستشفي بالطريقة دي ، لحد امته هفضل مستحمل هيمنتك دي ، فرضتي سلطتك علي صقر لحد ما دمرتيه ودمرتي حياته ، وسيلا مسلمتش من ماضيكي اللي هيفضل ملازمنا طول حياتنا ودلوقتي كمان بتفرضي سلطتك علي جواد اللي حتماً هيكون مصيره زي اخواته وفوق كدا طردتي الممرضة الغلبانة دي بدون أدني أسباب  ، من امتي ودي شخصيتك يا عشق  ؟! تقاذفت تلك الكلمات عليها دفعةً واحدة ولكنها استقبلتها بهدوء تام وهتفت وهي تقف عن الفراش مقابل زوجها الغاضب :

ـ أنا جبت جواد هنا علشان سلامته وبس ، الممرضة اللي بتتكلم عنها دي كانت هتحقن جواد بجرعة تانية من السم اللي لسه منعرفوش ، كانت هتضيعلي ابني وانت بتقولي عليها غلبانة ، وأنا أسفة يا أدم بيه لو الماضي بتاعي تسببلك في أي أذي بس دول ولادي قبل ما يكونوا ولادك ، ومعتقدش انك هتخاف عليهم قدي  ،  وياريت توطي صوتك علشان هيضايق ابني

قالتها وهي تعود وتتسطح بجانب جواد وحملت رأسه برفق ووضعتها علي صدرها وربتت علي خصلاته بحنان وهي تقبّلهم

فخرج أدم صافعاً الباب فنظرت هي للاشيئ محل خروجه من الغرفة مفكرة قليلاً بتلك الأحداث والنوائب التي تتوالي علي رأسها واحدة تلو الأخري " شكل النهاية قربت يا عشق ، قربت أوي " همستها في عقلها بشرود وهي تقبّل خصلات جواد للمرة المليون خلال تلك اللحظات العصيبة

*****************

نغيب غيبتنا ونرجع ممسوح بينا الأرض تحت مسمي الثانوية العامة 🤦🏻‍♀️😂
رجعلتكم يا كتاكيت بعد ما اتهانت من الثانوية العامة إهانة عظيمة يعني 🙆🏻‍♀️
حقيقي وحشتوني جداً وأكيد أنا وحشتكوا قولوا أه اكدبوا عليا 😂😂💙
انتظروني 🙋🏻‍♀️
توقعاتكم يا قطاقيط 💙🌹