نفوذ العشق

الحلقة السادسة

الحلقة السادسة 🖤
#نفوذ_العشق
#سلسلة_لعنة_حواء

فى المساء

كان رحيم وصقر ما زالوا كما هم كلا منهم يبث حزنه للأخر حتى قال رحيم بتنهيدة :

- ودلوقتى لازم أمشى .. بابا زعلان منى

صقر بنبرة حزينة : انت مزعل بابا مراد انما أنا مفيش حد مش زعلان منى

أمسك رحيم كتفيه قائلاً :

- صدقنى يا صقر اللى حصل زمان دا كان ظروف وارادة من ربنا .. محدش له ذنب فيه .. بلاش تضيع منك لحظات حلوة مش هترجع تانى

وأضاف بصرامة مصطنعة :

- وتخلى عندك شوية من الأحمر وتعامل عشق كويس .. دى بتحبك وفوق كدا بنت ماما شمس .. فإعقل كدا واحسب تصرفاتك قبل ما تعملها

أومئ صقر فقال رحيم : يلا نمشى . فإستقل كلاً منهما سيارته متوجها إلى وجهته

فى فيلا رأفت

كان أدم قد عاد ومعه جواد الذى أتى بسيلا من الجامعة بينما دلف ليث الذى كان يحمل جاكيته على كتفه كما عادته فوقف أدم قائلاً بغيظ : كنت فين يا حيوان انت من الصبح

ليث بمرح وهو يلقى جاكيته على أقرب أريكة قابلته :

- ايه يا والدى كنت فى الجامعة .. يرضيك يعنى أسقط والأعادى يشمتوا فيا .. هل يرضيك انى أسقط ؟!

نظر لعشق التى تضحك بغيظ قائلاً : شايفه ابنك
عشق بقلق مصطنع : ماله ابنى . اقتربت من ليث وتحسست وجنتيه وجبهتها وقبلت وجنتيه قائلة :

- كويس أهو قمر دا حبيب ماما . قالتها وهى تداعب وجنتيه فإشتاط هو لتقول هى بضحك : شوفت يا دومى هيطلع عليك إزاى ؟!

أدم بغضب وهو يشير بيديه لمكان ما أمامه : تعالى هنا يا حيوان

حك ليث رأسه بحرج قائلاً  :

- دايما كاسفنى قدام الجماهير كدا

أدم بصرامة : ان مالقيتك بكرا فى الشركة من نجمة مش هيحصل كويس
تركهم ليث فظنت عشق انه حزن لما فعله والده ولكنهم وجدوه يلتف لهم من أعلى الدرج قائلاً بصوت مرح :

- نجمة ولا كوكب ؟!

ضحكت عشق على شقيها الذى خدعهم حتى هى خدعها فقال أدم بغيظ وهو يضرب كف بالأخر  :

- شوفوا ابن ال*** اللى معندوش دم واللى ولا كأنه اتهزق

ضحكت عشق عليه فسوف يصيبه أولاده بالجنون فقال هو :

- اضحكى انتى .. مهو انتى اللى مدلعاه

وتركها وذهب لمكتبه ليكمل بعض أعماله بينما دلف صقر ليجدها واقفة تنظر إليه بعتاب وحتما يعلم السبب فتنهد وهو يسير إليها وضمها بلا سابق إنذار وهو يتنهد تنهيدة تحمل بطياتها الكثير والكثير فهمست : لو بس تقولى ايه اللى مخليك كدا ؟!