صالحه: ياربي احفظ ابنيتي
دارولها تغديه وقاسو الضغط كان هابط بكل
٠
٠
٠
٠
اتصل عماد بنور كانت مشغول وهو مستغرب عاود ضرب بعد نص ساعه نفس الشيء وبعدها ضرب عليها ردت
نور: ابراهيم شن صار
عماد: كنتي تحكي مع ابراهيم
نور: لا اها ليلى تاعبه اشويا ومش عارفه عنها شيء ونتصل بيها تردش عليا
عماد: وعليش مكلمك انتي
نور: توا هذا المهم انقولك تعابنه البنت
عماد: كنها
نور: نعرفيش اتصل يسال شن قلتلها عشان تتعب هك
عماد: ليش شن قلتي
نور: شيء
عماد: نور
نور: قلتلها ان عبدالله بيخطب وقلتلها لازم تتصل واتوافق عليه كنت نحكي عشانها والله نا خايفه عليها كله مني نا اووووف
عماد: انتي اي حاجه تحكي فيها ليش تحكي اصلا بالك كله كلام فاضي ليش الكلام الواجد
نور: مش قصدي
عماد: باه تبكش توا انشوف ابراهيم
نور: لا معصب عشان قتله اني قلتلها تحكيش معاه
عماد: قصدك عصب عليك
نور: لا ع عبدالله
عماد: باه صكري
نور: مش مصكره خليك معايا
عماد: انشوف عبدالله وين وإبراهيم وبعدها نحكي معاك
نور: دخلكش انت
عماد: انتي اللي شن دخلك فيهم عليش تحكيلها وعليش اصلا اتقولي لـ ابراهيم اللي صار وشن حكيتيلها
نور: نعرفيش وقتها كان في عقلي ليلى عشانها تحب عبدالله من زمان ونبيها هي سلفتي مش دعاء هذه نعرفيش نبيها تأخذ عبدالله
عماد: ياعمري هذا نصيب واللي يبيه ربي هو اللي ايصير
نور: لكن ليلى تعبت عشان حكيتلها
عماد: معليش توا ما تبكش نا انشوف عبدالله وانكلمك
نور: لا
عماد: نور خلاص بلا بكاء
نور: باه
عماد: صكري سلام
نور: عماد
عماد: نعم
تبكي بدون رد
عماد: شن تبي توا عشان تسكتي
نور: نبي نحكي مع ليلى
عماد: وين نلقاها ليلى نا توا
