رمادي الطبائع 9
محمد: خلي وليدك ع راحته
وهذه اول مره محمد ايحس ان صالحه وإبراهيم فيش بينهم اي حاجز ونفس الشيء ابراهيم وصالحه
وعدى الوقت عليهم وهم يهذرزو ع كل اللي صار بعد اخر جيه له مع ان ليلى ع طول تحكيله اللي صار بس مش كيف لما ايكون وجه لـ وجه
/
-
/
-
وعند نور اللي كانت تستنى في اي رد او حتى يفتح فيس او واتس وكمية الإحباط اللى صارتلها ع انه حتى ما ابتسم بعد سمع اسمها ولا حتى ربطها بـ نور اللي متعرف عليها ع الفيس كان عادي لا و عامل مريم وخلود احسن منها
نور: اوووووف اوووووف امتى يفتح هذا معقوله راقد نضرب عليه لا لازم يكلمني هو
/
-
/
-
دخل ابراهيم يرقد وكان بيفتح الفيس بس تذكر ايام مرت عليه في هالدار صح كان صغير بس 11 سنه عمر يفهم فيه الواحد شمو صايرله تذكر انها قالتله
صالحه: ابراهيم تعال تغذاء
ابراهيم: باه توا نتغذاء
وقالتله هالشيء حتى في العشاء هي سالتش كنك ماتغذيت ولا قالتله كنك ماتعشيت كانت أتكلم فيه وهو ع طول كان ايقول باه لعند ما مرض وقال الدكتور ان مش واكل شيء من يومين وعنده سوء تغذيه حاد وأتهم باته صالحه بالاهمال
ابراهيم: اوووو عليك ايام يجارن
ورن عليه فرج
ابراهيم: اوووو افروجه
فرج: كيف حالك هيمو مرايف عليك
ابراهيم: الحمدلله كويس لحقت اترايف عليا
فرج: انجامل فيك بس 😂
ابراهيم: هذا خالي اللي نعرفه😂 كيف جوك وجو عمان
فرج: الحمدالله ميه ميه وعمان منوره بـ هلها 😂😂
ابراهيم: 😂😂 قصدك نورت من دوني غريبه
فرج: تخيل كيف مع مرت باتك
ابراهيم: لـ عند توا تمام التمام بالك بكرا اتغير رأيها
فرج: لا ما ديرهش 😂
ابراهيم: ع رقبتك 😂
فرج: هيا وجهك نبي نرقد تصبح ع خير
ابراهيم: وانت من أهل الخير
/
-
/
-
ليلى دخلت ع الفيس لقيت عبدالله ناشط وندى منذ ساعه ولقيت مسج سلام ليلى من حد تعرفيش دخلت ع بروفايله فيش شيء مميز واسم مش حقيقي ولا مش من واجد فاتح في
