رمادي الطبائع 15
ليلى: عبدالله ضربني كف 😭😭
ندى: تبكش حبيبتي انتي ربحك ماتبكي لو نقدر انجي كان جيتك احكي لي كل شيء
/
/
/
/
/
عبدالله: عماد وينك
عماد: غادة خطبها ولد عمها وفرحها الاسبوع الجاي
عبدالله: بسرعه هذه
عماد: مش مسامح أمي انها ضيعتها مني
عبدالله: وينك انت انجيك
عماد: مش عارف من الصبح ونا انسوق ماشي لـ مصر
عبدالله: عماد وقف انجيك
عماد: توا انجي يومين وانجي خليني ع راحتي
عبدالله: الله ايربحك وين قاعد بالضبط
عماد: في الحدود
عبدالله: باهي معاك افلوس
عماد: لا
عبدالله: بعد توصل الاسكندرية امشي لـ خالد عندي افلوس حاطهن عنده ونا توا انكلمه
عماد: باه
عبدالله: الله ايربحك ماتشغلنيش عليك
عماد: باه
عبدالله: يومين بس اتزيد يوم انجيك والله العظيم نلقاء واخد حاجه من الحاجات اللي تأخذ فيهن
عماد: مش وأخذ شيء ولا رح نأخذ اطمن
عبدالله: شن رأيك انجك توا
عماد: عنديش نبه نحكي مع حد ولو ما عارف انك بنتشغل ما كنتش انرد عليك تيلفوني بنقفله وقول لـ باتي عند شغل في مصر
عبدالله: باه سلام توا زي ما وصيتك بس خليه مفتوح لعند توصل وطمني عليك وبعدها اقفله
عماد: باه سلام
/
/
/
/
/
ليلى: هذا كل اللي صار
ندى: أصلا احمدي ربك انها جت ع هك وعمي محمد ماعندش علم
ليلى: قصدك ممكن ايقوله
ندى: هذا سبب قويه يقدر ايغير رأيه في الخطبه
ليلى: قصدك ايقول لـ بابا اني ع علاقه مع بلقاسم وربي بنتك
ندى: لا مش قصدي هك
ليلى: ها شمو
ندى: ان ايدبر اي شيء عشان يطفش من الخطبه ولو ما طفش معناه ايحبك
ليلى: تي أيحب من هذا حقير
ندى: بطلي اهبال الله ايربحك واسمعي كلامه انتي اتحبيه ليش اديري هك نبي نفهم
