صكر عماد وولعت نار في نور شن يبي ابراهيم من عماد فكرت أتكلم ابراهيم بس فاتت الموضوع عشان تبيش تتخيل شن ممكن ايقول
نور: بالك مش عليا يبي يحكي ياربي استر
اتصل بـ ابراهيم
عماد: كيف الحال
ابراهيم: الحمدلله
عماد: جايك
ابراهيم: باه تعال
سمع الباب ايخبط وهو طالع يبي يفتح
ابراهيم: هذا مسرع ما وصل ليلى ديري حاجه ناكلوها
ليلى: من ناكلوها نحنا يعني
ابراهيم: لا نا وعماد
ليلى: امتى جاء
ابراهيم: هو ع الباب
فتح الباب
ابراهيم: اوووووو خالي
فرج: توا خالك يا تافه
ابراهيم: ما حصلت انجيك
فرج: جاي انسلم عليك
ابراهيم: خلاص تعشى معايا ونحكو وبات وبكرا توكل
فرج: لا فوت طالع توا
ابراهيم: تي كيف نا بروحي ماشي بكرا شايل امي وليلى لـ تركيا
فرج: تركيا
ابراهيم: ماشي غادي
فرج: لا
ابراهيم: خش
عماد: السلام عليكم
ابراهيم: هي تفضل عماد
فرج: وعليكم السلام
عماد: حمدلله بالسلامه
فرج: الله ايسلمك
دخلو قعمزو تكلمو ع احول البلاد الزفت وأمروهم واللي ايصير
عماد: خمسه جايكم
فرج: معناها وقت الجماعة
ابراهيم: خلي الراجل
طلع عماد يحكي مع نور
فرج: ما شاء الله عليه
ابراهيم: يحكي مع نور
فرج: بنت عمتك
ابراهيم: وعمته
فرج: انت شن واجعك خليه يحكي معاها
ابراهيم: ولد عمي وزي خويا والبنت مش ساهله
فرج: معقوله هذا السبب
ابراهيم: شن يبي ايكون يعني
فرج: بالك تبيها
ابراهيم: البنت معاه عشان تبيني انغار عليها
فرج: حاولت أتكلمها
ابراهيم: مش مدورها بكل نا عشان عماد
