ابراهيم: اسألي حتى امي
وطلع وسيبهن يحكن ع الموضوع وشن بيصير
/
:
/
:
وصل لباب حوشهم ولفت ع نور
عماد: باه
نور: افتح الباب
عماد: باه قولي كنك متغيره
نور: هنا نحكو
عماد: استعجلي عشان ما حد ايلاحظ
نور: ليش ما تفهم عليا زي ما نا نفهمك من عيونك ومن صوتك شن ايعصبك وشن اتحب شن برجك يوم ميلادك اسماء أصحابك يعني نعرف كل شيء عنك وفاهمتك انت حتى بعد انلمحلك تفهمش عليا شن اندير عشان اتحس
عماد: ونا انحبك
نور: ما هو مش بالكلام
عماد: عطيني فرصه ورح ايجي اللي تبيه
نور: لعند امتى
عماد: عبدالله يخطب ونحنا بعده ع طول
نور: باه افتح الباب
عماد: كنك
نور: شيء
عماد: نور
نور: مطول عبدالله
عماد: والله ما نعرف نا لو عليا انتي عندي من زمان
نور: عماااد افتح الباب
عماد: باه انزلي
نزلت وهي مبتسمه واخير فهمت انه يبي يخطبها
عماد: طيب انتي موافقة
نور: وهذا سؤال موافقه طبعا
عماد: طبعا
نور: طبعا
:
:
:
:
اتصلت ليلى بـ ندى وما ردتش عاودت اتصلت قريب عشر مرات اشويا آخراً ردت اتصلت ليلى
ندى: كنك بسم الله
ليلى: شن صار بينك وبين ابراهيم
ندى: مية مره متصله عشان تسألي شن صار ما صار شيء اسمله عليا من ايبحت فيا نا شكلي نقعد مع هلي للأبد
ليلى: كذابه يا حقيره قصدك ما صار شي
ندى: لا قال سلام وبعدها نبي نطلع عطاني الطريق
ليلى: باه انقول هو شن قال
ندى: باه بلا كذب
ليلى: والله ما نكذب
ندى: قولي
ليلى: قال انك عجبتيه وأنك نار نار نااااار وقال اساليها عن رايها عشان نخطبها وقال يبي رقمك
